फिलिप्पी 1:21 - Walangi

²¹ किस कि में जीणे मकसद असा सद मसीहे गुणगान करण, त मरणे फायदा मसीह जुए मीण भो।

फिलिप्पी 1:21 Iomraidhean Croise

1 कुरिन्थ 1:30

परमेश्वरे ई तुस यीशु मसीह पुठ विश्वास करणे बझई जुए जीन्ते किओ असे, किस कि मसीहे बेलि परमेश्वरे तुन्धे बुद्धि दुतो असी; तेन तुस अपफ जुए मिओ असे, अपफ जे तुस शुचे किओ असे त तुस पापे शंकीड़ी केआं छुड़को असे।

2 कुरिन्थ 5:1

असी पता असा कि इस धरती पुठ डेरा, जे हें जिसम असा, जपल बेह्ढ़िन्ते त असी स्वर्ग अन्तर यक ईं गी मेतु, जे हथे बइ ना, बल्कि परमेश्वरे बेलि बणो भुन्तु। से कुछ पले नेईं, बल्कि हमेशा हमेशा लिए भुन्तु।

2 कुरिन्थ 5:6

तोउं त अस हमेशा नडर रेहन्ते। असी पता असा कि जपल तकर अस इस जिसम अन्तर असे, अस प्रभु केआं दूर असे।

2 कुरिन्थ 5:8

इस बझई जुए अस नडर रेहन्ते त जिसम केआं बखरी कइ प्रभु जुए साते बिशुण सुआ अब्बल समझते।

गलाती 2:20

में सम्हाई पुराणे गुण त चाल चलण मसीह जुए क्रूस पुठ ढनाई गो असे त अभेईं अउं नेईं, पर मसीह में अन्तर जीण लगो असा। आं, अउं जरूर जीन्ता, पर परमेश्वरे कुआ, मसीह पुठ विश्वास कर कइ जीन्ता, जेन मोउं जोई तीं परेम किआ त मोउं बचाण जे अपफ भकत दिती।

गलाती 6:14

पर ईं कदी ना भुई सकतु कि अउं मसीह यीशु क्रूस पुठ किओ कम छड़ दी कइ किछ होरे पुठ रोभ किढ़ाल। एस बझई जुए त मतोक अब मोउं वश अन्तर कइ ना सकतु त में बि मतोके कोई कम करणे इच्छा नेईं।

फिलिप्पी 1:20

मोउं पूरा यकीन असा कि अउं ई कोई बि कम ना कता जेसे बेलि यीशु मसीह अगर मोउं लज एईयेल। बल्कि अपल तकर जीं अउं अपु सम्हाई बेलि तसे महिमा कता, तीं एणे बाड़े रोज अन्तर बि अपु पूरे हिम्मत जुए तसे बारे उगाह देन्ता, ताकि चहे अउं जीआल या मराल तसे महिमा भुन्ति।

फिलिप्पी 1:22

त अगर इस धरती पुठ में जीणे बेलि मसीह जे कम करणे सुआ मौका मेता त मोउं पता लगण नेईं लगो कि जीण, की मरुण।

फिलिप्पी 1:23

अउं इन्हि दुई बोकी बुच फसो असा। यक कना त चहन्ता कि इठिआ नश कइ मसीह जुए बिश्ता, जे करण सुआ अब्बल असु। पर होरा कना मोउं इस धरती पुठ जीणे तुसी जे ज्यादा फायदामन्द असु।

कुलोसी 3:4

तोउं, जपल हें जीवने भण्डार मसीह दुबारी पूरे शान त महिमा जुए एईयाल, त अस बि तस जुए साते निश्ते।

प्र. बोके 14:13

फि मेईं स्वर्ग केआं ईं अवाज शुणी, “लिखिण दे! अभेईं केईआं खड़, तेन्हि सोबी जे अशुश मेती, जे प्रभु पुठ मरण तकर विश्वास कते रेहन्ते।” आत्मा बोती, “आं, किस कि से अपु सोब कष्ट केआं अराम कते, होर तेन्के खरे कम कदी ना बिसरिन्ते।”