फिलिप्पी 1:20 - Walangi

²⁰ मोउं पूरा यकीन असा कि अउं ई कोई बि कम ना कता जेसे बेलि यीशु मसीह अगर मोउं लज एईयेल। बल्कि अपल तकर जीं अउं अपु सम्हाई बेलि तसे महिमा कता, तीं एणे बाड़े रोज अन्तर बि अपु पूरे हिम्मत जुए तसे बारे उगाह देन्ता, ताकि चहे अउं जीआल या मराल तसे महिमा भुन्ति।

फिलिप्पी 1:20 Iomraidhean Croise

यूहन्ना 21:19

तेन इस बोकी बेलि इशारा किआ कि पतरस कीं मर कइ परमेश्वर जे सुआ इज्जत देन्ता। ई बोल कइ तस जे बोलु, “में पता एन्ता रेह!”

प्रतिनिधि 20:24

तोउं बि मोउं अपु प्राण ट्यारे नेईं। में त यके इच्छा असी कि अपु दौड़ त से कम पूरु करुण, जे प्रभु यीशु मेन्धे दुतो असे। से कम भो - परमेश्वरे कृपाई खुश खबरी उगाही देण।”

प्रतिनिधि 21:13

पर पौलुसे जवाब दिता, “ईं रोल रोल कइ तुस में काजा टुकड़ेरण किस लगो असे? अउं त प्रभु यीशु नओएं लिए यरुशलेम शेहर अन्तर न सद कैद भुण जे, बल्कि मरण जे बि तेयार असा।”

प्रतिनिधि 4:31

जपल से प्रार्थना दुआ कइ बिशे, त जेठि से किठे थिए से जगाह हिल गई, त से सोब शुची आत्माई बेलि भरी गे त परमेश्वरे वचन खरे हिम्मत जुए शुणान्ते रिहे।

रोमी 12:1

तोउं त ए ट्यारेओ, अउं तुसी परमेश्वरे बोडी कृपा याद दिआई कइ छने कता कि तुस अपु अपफ परमेश्वरे जे यक ईं भकत बणे, जे शुची असी, होर जे सद परमेश्वर जे जीन्ता त जेस हेर परमेश्वर खुश भुन्ता। एईएं तुं सच्चे मन त आत्माई जोई परमेश्वरे पूजा अराधना भो।

रोमी 5:5

तेस पुठ हें उम्मीद असी कदी लजेरती नउ। किस कि से अपु दुतो शुची आत्माई बेलि हें मन अपु परेम जुए भर छता।

रोमी 6:13

होर ना अपु जिसमे अंग अधर्मे हथियार बणुण जे पापे हवाले करे। पर अपु अपफ मरो तेन्हि अन्तरा जीन्ता भुओ समझ कइ परमेश्वरे हवाले करे त अपु अंग धरमे हथियार बणुण जे परमेश्वरे धे दिए।

रोमी 6:19

ई सोब बोक समझाणे लिए तुस कमजोर असे। तोउं त मेईं गुलामी के मशाल दी कइ बोलो असु। त जीं तुसी अपु अंग अधर्मे कमे लिए त पापे गुलाम बणाई छो थिए, तिहांणि अब अपु सम्हाई अंग शुचा भुणे लिए धर्मी परमेश्वरे गुलाम बणाई छड़े।

रोमी 8:19

किस कि पूरी सृष्टि बोडी उम्मीद जुए भाड़ बिशो असी कि कपल मनख परमेश्वरे गभुर बण कइ तसे महिमाईं जोई निसियेल।

रोमी 9:33

जीं धरमे कताब अन्तर परमेश्वरे यीशु मसीहे बारे बोलो बोक लिखो असी, “हेरे, अउं सिय्योन अन्तर यक ईं घोड़ रखता, जेसे बेलि मेह्‍णु उछुट घेन्ते, होर भीं झड़ते। होर जे तेस पुठ विश्वास करियेल, से लजेईन्‍ते नउ।”

1 कुरिन्थ 15:31

ए ट्यारेओ! मोउं तेस घमण्डे सोह, जे हें यीशु मसीह अन्तर अउं तुं लिए कता, कि अउं हर रोज मरणे सामणा कता त मर मर कइ जीन्ता।

1 कुरिन्थ 6:20

किस कि यीशु मसीहे अपु जाने कीमत दी कइ तुस खरीदो असे। तोउं त तुस अपु अपु जिसमे बेलि परमेश्वरे महिमा करे।

1 कुरिन्थ 7:34

इहांणि छड़ी कुई त ब्याहो जिल्हाणु अन्तर बि फरक असा। यक छड़ी कुई हर यक वकत प्रभु बारे सोच विचार कती रेहन्ती कि से जिसम त आत्मा दुहि अन्तर शुची लौती भो। पर ब्याहो जिल्हाणु मतोके सोच विचार त फिकरे अन्तर रेहन्ती कि मोउं अपु धाणि कीं कर कइ रिझाण।

2 कुरिन्थ 10:8

तोउं त, अउं अपु तेस हके बारे जे प्रभु तुसी बरबाद करण जे नेईं, बल्कि बणाण जे हेन्धे दुतो असे, तेस बारे अगर घमण्ड करुं त अउं ना लजिन्ता।

2 कुरिन्थ 3:12

इस बझई जुए ईं, अस डर कइ ना, पर खरे हिम्मत जुए कम कते।

2 कुरिन्थ 4:10

एसे बेलि अस हर बेले प्रभु यीशु दुख त मरुण अपु जिसम अन्तर मेहसुस कते, ताकि तसे जीवन बि हें जिसमे बेलि मेह्‍णु केई बटियेल।

2 कुरिन्थ 5:15

सम्हाई जेईं जे मसीह इस बझई जुए मुआ, कि जे जे बि मर कइ दुबारी जी घेन्ते, से अपु मर्जी जुए ना, बल्कि तसे मर्जी जुए जीएल जे तेन्के खातिर मर गा त दुबारी जी बि गा।

2 कुरिन्थ 7:14

तेसे सामणि तुं बारे मेईं रोभ लाओ थिआ, त तुसी अउं नराश ना किआ। पर तुं बारे हें हर यक बोक जीं सच्ची थी, तीं तुं बारे तीतुसे अगर हें रोभ लाण बि सही साबित भुआ।

2 कुरिन्थ 7:4

मोउं तुसी पुठ पूरा भरोसा असा। अउं तुसी पुठ सुआ घमण्ड कता। मोउं ती शान्ति मेई। हें अत दुख तकलीफ अन्तर भुणे बावजूद बि तुसी हें हिम्मत बधाई त खुश कइ छड़े।

फिलिप्पी 1:14

त में कैद भुणे बझई जोई सुआ विश्वासी भाई त भेण ती हिम्मत किओ असे त परमेश्वरे वचन शुणाण लगो असे।

फिलिप्पी 2:17

खुश खबरी प्रचार करण अन्तर तुं मदत त यीशु मसीहे पुठ विश्वास करण बझई जुए तुं भुंजुण परमेश्वर जे यक भकत ईं असा। अगर तुं ईं मोउं बि भुंजाई कइ मार छते त अउं खुश असा, किस कि तोउं अउं परमेश्वर जे तुं भकत जुए जुड़ कइ तस पूरा कता। त जीं अउं खुश असा,

कुलोसी 1:24

त जे कष्ट अउं तुसी, गैर यहूदी विश्वासी जे सेहन्ता तस जे खुश असा। किस कि मसीहे जीं कष्ट सेहा, तीं तसे जिसम, सतसंग बि कष्ट सेहण एन्ता। इस बझई जुए अउं सतसंग जे अपु बंटि कष्ट सेही कइ तस पूरा करण लगो असा।

1 थेस्सलु 5:23

त अभेईं, जे परमेश्वर शान्ति देन्ता, से अपफ तुसी पूरा शुचा करे; त तुं आत्मा, प्राण, त तुं जिसम हें प्रभु यीशु मसीह दुबारी एण तकर बजन कोई दोषे त बचाई रखे।

1 पतरस 4:16

पर मसीहे भुणे बझई जोई अगर तुसी दुख मेईंयाल, त लज न करे। पर मसीहे भुणे बझई जुए परमेश्वरे गुणगान करे।

1 यूहन्ना 2:28

त ए गभुरुओ! मसीह जोई जुड़ बिशे कि जपल से एईयाल त तेस जुए मीण जे तुसी अन्तर हिम्मत भोल, होर तसे सामणि लजेईंण ना एईयेल।