18 पर मोउं की घटी त की बधी। चहे जड़णे बेलि या चहे परेम त सच्चाई बेलि, मसीह बारे त प्रचार भुण लगो असा ना? त इस बझई जोई अउं खुश भुन्ता। आं, अउं जरूर खुश भुन्ता।
तोउं यीशु बोलु, “ए कपटी धर्मशास्त्री त फरीसीओ, तुं खेया खाट भोई घेन्ति! तुस मेह्णु जे स्वर्गे बत बन्न कते। न त तुस अपफ घेन्ते, होर ना तुस घेणे बाड़ी अन्तर घेण देन्ते।”
तोउं एसे मतलब की भुआ? अस यहूदी कि तेन्हि गैर यहूदी मेह्णु केआं खरे असे ना? कदी ना; किस कि मेईं पेहलाई बोल छो असु कि यहूदी त गैर यहूदी दुहे पापे वश अन्तर असे।
त मोउं की करण लौतु? में हेसाब जुए, अउं शुची आत्माई दुतो अणजाणी भाषा बेलि प्रार्थना कता त अपु भाषा बेलि बि प्रार्थना कता जेस अउं समझ बटता। अउं अणजाणी भाषाई घीत लाई कइ परमेश्वरे गुणगान कता त अपु भाषाई घीत लाई कइ बि कता।
किस कि मोउं पता असा कि जे किछ बि मोउं जुए भुण लगो असु, तसे अखिर फल में बचुण असु, किस कि तुस मोउं जे दुआ कते त यीशु मसीहे दुतो शुची आत्मा मोउं जे सुआ मदत कती।