फिलिप्पी 1:15 - Walangi

^15-17 आं! ए त सच्चु असु कि केहि केहि मेह्‍णु जड़ कइ मसीह बारे प्रचार कते। से कैद अन्तर बि मोउं कष्ट देण जे अपु अपु फायदा जे प्रचार कते। होर केहि केहि खरी सोचे बेलि त मने परेम जुए प्रचार कते किस कि से समझ गो असे कि खुश खबरी दुश्माणी जे तसे सच्चाई बारे उगाह देण जे मोउं कम मिओ असा।

फिलिप्पी 1:15 Iomraidhean Croise

मत्ती 23:5

से जे सोब कम कते, से सद मेह्‍णु हरालण जे कते। से परमेश्वरे वचन लिखो जंतर बोडु कते त अपु झिणि के झलर लम्मा बड़ान्ते।

प्रतिनिधि 10:36

“सोबी जेईं के प्रभु, यीशु मसीह शान्ति खुश खबरी शुणाणे बेलि जे समाचार परमेश्वरे इस्राएली मेह्‍णु कें धे दिता, तसे बारे त तुसी पता ईं भोल।

प्रतिनिधि 11:20

पर तेन्हि अन्तर कुछ कुप्रस टापु त कुरेन शेहरे मेह्‍णु अन्ताकिया शेहर एई कइ, गैर यहूदी मेह्‍णु जे बि प्रभु यीशु खुश खबरी बोक शुणाण लगे।

प्रतिनिधि 5:42

होर से रोज देहेर अन्तर त गी गी घेई कइ मेह्‍णु शिचालण लगे, त “यीशु ईं से मसीह” भुणे बारे खुश खबरी प्रचार कते रिहे।

प्रतिनिधि 8:35

त फिलिप्पुस बोलुण लगा। तेन धरमे कताबी एस भागी अपु बोके मतलब बणाई कइ तस यीशु खुश खबरी शुणाई।

प्रतिनिधि 8:5

प्रतिनिधि फिलिप्पुस सामरिया राज्य घेई कइ मेह्‍णु अन्तर मसीहे खुश खबरी शुणाण लगा।

प्रतिनिधि 9:20

त बजन वकत गवाणे से तठिआ होरे होरे यहूदी अराधनालय अन्तर यीशु बारे खुश खबरी शुणाण लगा कि सेईंए परमेश्वरे कुआ भो।

रोमी 2:8

पर परमेश्वर तेन्हि पुठ लेहेर किढ़ता त भयंकर कोप कता, जे मतलबी असे त सच्चाई छड़ कइ अधर्म कते।

1 कुरिन्थ 1:23

पर अस मेह्‍णु बचाण जे मसीह क्रूस पुठ मरणे बारे प्रचार कते। यहूदी मेह्‍णु ना मानते कि मसीह मर सकता त गैर यहूदी मेह्‍णु सोचते कि ए सोब बेकार असु।

1 कुरिन्थ 13:3

चहे अउं अपु सम्हाई मेह्‍णु जे दान करुं, चहे अउं अपु जिसम आगी हवाले करुं पर अगर अउं परेम ना करुं, त में हथ किछ ना लगु।

2 कुरिन्थ 1:19

होर परमेश्वरे कुआ यीशु मसीह हमेशा यकीन लेएक असा, जेसे बारे अउं पौलुस, सिलवानुस त तिमुथियुस तुं बुच प्रचार किओ असा। से कदी झूठ ना बोता।

2 कुरिन्थ 11:13

किस कि से ना कोई मसीहे प्रतिनिधि असे, होर ना सच्चे मन जुए सेवा करणे बाड़े असे। से त बस, मसीहे प्रतिनिधि भुणे ढोंग कते।

2 कुरिन्थ 12:20

किस कि मोउं डर असा कि जपल अउं तुसी केईं एऊं त तुस तीं ना भोल जीं अउं चहन्ता, होर अउं बि तीं ना भोल जीं तुस चहन्ते। ईं ना भो कि, तुसी बुच झगड़ा, लेहरीण, यकी होरी खिलाफ भुण, यकी होर हेर जड़ुण, यकी होरी बेज्जती करीण, चाथि करणी, घमण्ड करण त छंग-छीट लगो भोल।

2 कुरिन्थ 4:5

त अस अपु बारे नेईं बल्कि यीशु मसीह बारे प्रचार कते कि से “प्रभु” भो त मसीह यीशु खातिर अस अपफ तुं गुलाम समझते।

फिलिप्पी 2:3

अपफ ना बधुण त ना झूठा रोभ किढ़ण। बल्कि अपफ घटाई कइ होरी अपफ केआं बध समझे।

1 तिमुथि 3:16

होर एथ अन्तर कोई शक नेईं कि हें विश्वासे नियोको बोक सुआ बोडी असी: यीशु मसीह मनख बण कइ जमा, शुची आत्माई तस धर्मी बोलु, तेन स्वर्गेदूती दर्शण दिते, त तेस बारे पूरी धरती पुठ प्रचार भुआ, धरती पुठ सुआ मेह्‍णु तेस पुठ विश्वास किआ, त परमेश्वर बोडी महिमा जुए तस स्वर्ग जे घिन गा।