फिलिप्पी 1:14 - Walangi

¹⁴ त में कैद भुणे बझई जोई सुआ विश्वासी भाई त भेण ती हिम्मत किओ असे त परमेश्वरे वचन शुणाण लगो असे।

फिलिप्पी 1:14 Iomraidhean Croise

मरकुस 3:3

तेन शुखो हतेउ बाड़े मेह्‍णु जे बोलु, “तु इठि बुच खड़ भो”।

लूका 1:74

कि अस अपु दुश्माणी के हतेउ केआं छूट कइ, बजन कोई डरे,

2 कुरिन्थ 3:12

इस बझई जुए ईं, अस डर कइ ना, पर खरे हिम्मत जुए कम कते।

2 कुरिन्थ 7:4

मोउं तुसी पुठ पूरा भरोसा असा। अउं तुसी पुठ सुआ घमण्ड कता। मोउं ती शान्ति मेई। हें अत दुख तकलीफ अन्तर भुणे बावजूद बि तुसी हें हिम्मत बधाई त खुश कइ छड़े।

इफिसुस 3:13

तुसी जे, जे कष्ट अउं सेहन्ता, एसेरी बेलि तुं फायदा भुन्ता। त अउं हथ जोड़ता कि तुस अपु हिम्मत ना छड़े।

फिलिप्पी 1:20

मोउं पूरा यकीन असा कि अउं ई कोई बि कम ना कता जेसे बेलि यीशु मसीह अगर मोउं लज एईयेल। बल्कि अपल तकर जीं अउं अपु सम्हाई बेलि तसे महिमा कता, तीं एणे बाड़े रोज अन्तर बि अपु पूरे हिम्मत जुए तसे बारे उगाह देन्ता, ताकि चहे अउं जीआल या मराल तसे महिमा भुन्ति।

फिलिप्पी 1:7

तुसी में सात पेहले तपल दिता जपल अउं खुल कइ खुश खबरी प्रचार कताथ त खुश खबरी विरोध करणे बाड़ी जे तसे सच्चाई बार उगाह देन्ताथ त अभेईं बि देण लगो असे, जपल अउं जेहेल अन्तर कैद असा। त ए जायज असा कि अउं तुसी बोडे खुशी जुए याद कता। त तुसी अन्तर में कांया घेई गो असी।

फिलिप्पी 4:1

तोउं त, में ट्यारे भाई त भेण, जीं मेईं बोलो असु तीं प्रभु पुठ विश्वास अन्तर बस घिए। तुस मोउं खुशी देन्ते। तुस तेस मुकुटे ईं असे जे मोउं अपु कमे लिए प्रभु केआं मेओ असा। तुस मोउं तीं ट्यारे असे त अउं तुसी जोई मीण चहन्ता।

कुलोसी 4:4

प्रार्थना करे कि अउं मसीहे बारे खुल कइ बोल बटुं जीं मोउं करुण लौतु।

कुलोसी 4:7

मेईं हें ट्यारा भाई त सेवा अन्तर हें साथी तुखिकुस तुसी केईं लंघो असा, ताकि तुसी हें हालते बारे पता लगियाल। जपल से एईयाल त में बारे सम्हाई बोक तुसी बतान्ता, त विश्वास अन्तर तुसी हिम्मत देन्ता। से प्रभु यकीन लेएक सेवक असा।

1 थेस्सलु 2:2

होर ईं बि कि तुं भेएड़ एण केईआं पेहले फिलिप्पी शेहर अन्तर असी पुठ कीं दुख त कष्ट अओ थिआ। फि बि परमेश्वर हेन्धे हिम्मत दिती कि अस सोबी दुख तकलीफ अन्तर बि पूरे जोश जुए परमेश्वरे खुश खबरी तुसी शुणाई।

2 तिमुथि 2:9

त इस बझई जुए दुष्टी के ईं अउं कष्ट पाण लगो असा। सद एतुरु ना, बल्कि जेहेल अन्तर बि कैद असा। पर परमेश्वरे वचन कोई कैद ना कइ बटता।