इफिसुस 2:3 - Walangi

³ अस बि पेहले अपु अपु जिसमे इच्छाई जुए जीन्तेथ त अपु मन मर्जी कतेथ त होरे मेह्‍णु ईं हें गुण भुणे बझई जुए असी बि परमेश्वर केआं सज्जा मेण बाड़ी थी।

इफिसुस 2:3 Iomraidhean Croise

मरकुस 4:19

पर मतोके चिन्ता, धन दौलते लालच अन्तर एई कइ त अपु मने होरे होरे लोभे बेलि से फस घेन्ते त परमेश्वरे पतूं घेण छड़ देन्ते।

यूहन्ना 1:13

से सम्हाई ना मेह्‍णु के ऊड़ी केईआं, ना जिसमे इच्छाई बेलि, होर ना ई बोउए इच्छाई बेलि परमेश्वरे गभुर भुन्ते, पर परमेश्वरे इच्छाई बेलि भुन्ते।

यूहन्ना 8:44

तुसी सम्हाई के बोउ शैतान भो त तुस तसे इच्छाई मुताविक जीण पसंद कते। से त शुरुवात केआं ईं मेह्‍णुमार असा त तस कदी परमेश्वरे सच्चा वचन ट्यारे ना लगे, किस कि सच्चाई तस अन्तर नेईं। जपल से झूठ बोता, त अपु सभावे हिसाब जुए बोता किस कि से झूठा असा त झूठ बोलुणे बाड़ी के बोउ असा।

प्रतिनिधि 14:16

पेहलकण जमाने अन्तर तेन सोबी जाति अपु अपु मने हेसाब जोई हंटण दिते।

रोमी 1:24

एस बझई जोई परमेश्वरे से छड़ दुतो असे, ताकि से तेन्के मने इच्छाई हेसाब जुए गलत कम करियेल त अपफ बुच छना परदा न करियेल।

रोमी 11:30

जीं तुसी पेहले परमेश्वरे निआंग ना मनी, पर अभेईं तसे निआंग मानणे बेलिए तुसी पुठ परमेश्वरे कृपा भो असी,

रोमी 13:14

बल्कि असी यीशु मसीहे ईं जीण असु। त असी अपु जिसमे बुरी इच्छा पूरी करणे कोशिश न करीण।

रोमी 2:14

त जपल बि गैर यहूदी मेह्‍णु जेन्हि केईं परमेश्वरे नियम नेईं, अपु सभावे हेसाब जुए तेन्हि कमी कते, जे परमेश्वरे नियमे हेसाब जुए असे त तेन्हि जे सेईंए परमेश्वरे नियम भो।

रोमी 5:10

किस कि जपल अस परमेश्वर जुए बैरी ईं थिए, तपल तसे कोईया मरणे बेलिए हें मितरी तेस जोई भुई। त फि मितर बण कइ तसे कोईया जिन्नि बझई जोई अस कि घट बचते ना?

रोमी 5:9

तोउं त, किस कि अस अब तसे लहुए बझई जोई धर्मी बण गो असे, त तसे बेलिए परमेश्वरे लेहेर केआं जरूर बच सकते।

रोमी 6:12

तोउं त, तुस अपु खतम भुणे बाड़े जिसम पुठ पापे इच्छाई हेसाब जुए जीण ना दिए कि पाप तुसी पुठ राज करेल।

रोमी 7:18

किस कि मोउं पता असा कि अउं अपु जिसमे सभावे बेलि कोई बि खरे कम कइ ना बटता। खरे कम करणे चह त मोउं अन्तर असी, पर खरे कम में बेलिए भुन्ते ईं नउ।

रोमी 9:22

अगर परमेश्वरे अपु लेहेर कढ़णे जे त अपु ताकत हरालण जे ईं भाणे बणाए, जे खतम करणे लिए असे, पर तेन्हि सुआ लाह जोई सेहु, त एस अन्तर हैरान भुणे बाड़ी कोई बोक नेईं।

1 कुरिन्थ 4:7

कोउं बोता बारा, कि तुस होरी केआं खरे असे? तुसी केईं अपु की असु, जे कि तुसी होरी केआं मेओरु नेईं? कुछ नेईं। त अगर सोब कुछ तुसी परमेश्वर केआं मेओ असु, त फि अतर रोभ किस लान्ते, जीं तुसी होरी केआं बिलकुल कुछ टातोरु नेईं?

2 कुरिन्थ 7:1

त ए ट्यारेओ, परमेश्वरे इ सोब जुबान हें धे दुतो असी। त चले, जे कुछ बि हें आत्मा त जिसम अन्तर मैल असा तेस दूर करे। त परमेश्वर मनी कइ यकदम शुचा बणे।

गलाती 3:22

पर, धरमे कताब त ईं बोती कि अस सम्हाई पापे बेलि कैदी भोई गो असे। त परमेश्वर जे जुबान दुतो थी, से सद यीशु मसीह पुठ विश्वास करणे बाड़ी जे विश्वासे बेलि ईं मेती।

इफिसुस 2:2

तुस पेहले इस धरती हिसाब जुए, त अम्बरे पुठे राज करणे बाड़ा मतलब से दुष्ट आत्मा शैताने इच्छाई हेसाब जुए जीन्तेथ, जे अभेईं बि निआंग ना मानणे बाड़ी के अन्तर कम कती।

इफिसुस 4:22

अपु पेहलकण चाल चलणे बारे तुसी शिचो असु कि जे पुराणे गुण, गलत इच्छाई बेलि खराब भोई गो असे, तस छड़ दिए।

कुलोसी 1:21

पेहले तुस बि परमेश्वर जे अणजाण त दुश्माणे ईं थिए, किस कि तुं सोच त कम तसे इच्छाई खिलाफ थिए।

1 थेस्सलु 4:13

ए भाई त भेणिओं! अस चहन्ते की तुस तेन्के बारे जाणे जे विश्वासी मरी गो असे ताकि तुस अविश्वासी के ईं शोक ना करे। तेन्के कोई उम्मीद नेईं, पर हें असी।

1 थेस्सलु 5:6

तोउं त अस होरी के ईं उंघो ना लौते, पर खड़ खड़ त चौकाने बिशो लौते।

1 तिमुथि 6:9

पर जे सुआ धन कठेरण चहन्ते, से तेस परीक्षा अन्तर त जाल अन्तर, होर नुकसान देण बाड़ी सुआ लाछ अन्तर फसते, जे तेन्हि हाड़ अन्तर फटान्ती त मुकाई छती।

तीतुस 3:3

किस कि अस बि पेहले वेबखुफ, बोक ना मानणे बाड़े, होरे होरे बेहकाव अन्तर फसो त होरे होरे इच्छाई त मौजमस्ति गुलामी अन्तर थिए त दुश्माणी त रोभ किढ़ कइ जीन्तेथ। अस बि रशुणे त यक होरी के खिलाफ थिए।

1 पतरस 1:14

केहणा मानणे बाड़े गभुर के ईं अपु अपु जीण सुधारिण दिए। त मसीह बारे जाणण केआं पेहले जे तुं बुरी इच्छा थी, तेन्के हेसाब जुए जीण छड़ दिए।

2 पतरस 2:14

तेन्के टीर हमेशा नाजायज रिश्ता बणाण जे मौका तोपते रेहन्ते, त से पाप करणे बजन रेही ना सकते। से विश्वास अन्तर कमजोर भुओ मेह्‍णु बेहकाइ छते, त तेन्के मन लालच करण घटी गो असा। तेन्हि परमेश्वरे शराप दुतो असा।

2 पतरस 2:18

से बेमतलब घमण्डे बोके त गलत कमी के बेलिए तेन्हि मेह्‍णु जिसमे बुरी इच्छाई अन्तर फसाई छते, जे बिचारे होता पापे कमी केआं सुधरुण लगो असे।

1 यूहन्ना 2:16

किस कि जे मतोक अन्तर असु, मतलब जिसमे बुरी इच्छा, टीरी के लालच, त धने घमण्ड, ए सोब बोउए कनारा नेईं, बल्कि मतोके भो।

1 यूहन्ना 2:8

तोउं बि अउं तुसी जे नोई निआंग लिखता। ए निआंग मसीहे अपु जीणे बेलि, होर तुसी अपु जिन्‍दगी अन्तर सही साबित किओ असे। किस कि अन्हारु मुकुण लगो असु त सच्ची टगड़ियार चमकुण लगो असी।