इफिसुस 2:2 - Walangi

² तुस पेहले इस धरती हिसाब जुए, त अम्बरे पुठे राज करणे बाड़ा मतलब से दुष्ट आत्मा शैताने इच्छाई हेसाब जुए जीन्तेथ, जे अभेईं बि निआंग ना मानणे बाड़ी के अन्तर कम कती।

इफिसुस 2:2 Iomraidhean Croise

मत्ती 11:19

अउं, मनखे कुआ खाणे पीणे बाड़ा असा त तुस बोते ‘हेरे! बोडपेटि त प्याकड़, मामला नेणे बाड़े त पापी मेह्‍णु के मितर भो’! तोउं बि कमी के फले बइ मेह्‍णु पता लगता कि परमेश्वरे ज्ञान सच्चा असा।”

मत्ती 13:22

केहि जेईं परमेश्वरे वचन शुणते त जरूर, पर इस मतोके चिन्ता कर कइ त धन दौलते लालचे बेलि दबी घेन्ते त वचन मान कइ ना जीन्ते। से मेह्‍णु कांटियाली जिमि के ईं असे। तेन्हि केईआं कोई फल न मेता।

मत्ती 13:38

बग जीं मतोक भो। खरे बिएजु जीं परमेश्वर राज्ये गभुर भो, होर छरबेउ बिएजु जीं दुष्ट शैताने गभुर भो।

मरकुस 4:19

पर मतोके चिन्ता, धन दौलते लालच अन्तर एई कइ त अपु मने होरे होरे लोभे बेलि से फस घेन्ते त परमेश्वरे पतूं घेण छड़ देन्ते।

लूका 16:8

पता तेन अमीरे तेस बेधर्मी लिखणार जे खरु बोलु, किस कि तेन बोडे चलाकी जुए कम किओ थिउ। किस कि इस मतोके मेह्‍णु अपु रीति रिवाज अन्तर परमेश्वरे गभुर केआं ज्यादे चलाक असे।”

लूका 22:31

फिर तेन बोलु, “शमौना, ओ शमौना, हेर! जीं गिहुं पुण कइ साफ कते तिहांणि शैताने तुस मोउं केआं अलग करुं जे परमेश्वर केआं पुछो असु।

यूहन्ना 12:31

“अभेईं इस मतोके पंची करणे टेम एई गो असा। अभेईं इस धरती पुठ राज करणे बाड़ा शैताने ताकत परमेश्वर मुकाई छता।

यूहन्ना 13:2

तिएस बेहलु खाणे टेम तकर शमौने कुआ यहूदा इस्कारियती पुठ शैताने यीशु टोवाणे अपु चाल चलाई छोओ थी।

यूहन्ना 13:27

त बोलु, “यहूदा, जे तु करणे बाड़ा असा, तस झट कर।” तोउं शैताने यहूदा अपु वश अन्तर किआ।

यूहन्ना 14:30

अउं तुसी जुए अभेईं सुआ बोक कइ ना सकता, किस कि इस धरती पुठ राज करणे बाड़ा शैतान एण लगो असा। मोउं पुठ तसे कोई हक नेईं।

यूहन्ना 15:19

अगर तुस धरती मेह्‍णु ईं भुन्तेथ, त धरती मेह्‍णु तुसी जुए परेम कतेथ। पर किस कि मेईं तुस तेन्हि बिचा चुणो असे, तोउं त से तुसी भुंजान्ते।

यूहन्ना 16:11

परमेश्वरे न्याये बारे शुची आत्मा ईं उगाही देन्ती कि परमेश्वर धरती पुठ राज करणे बाड़ा शैतान जे दोषी बड़ाई छोओ असा।

यूहन्ना 7:7

मेह्‍णु तुस रशुणे नेईं, पर अउं रशुणा असा, किस कि अउं तेन्के बारे ई उगाह देन्ता कि तेन्के कम बुरे असे।

यूहन्ना 8:23

त तेन तेन्हि जे बोलु, “तुस उन्‍होरी भीन्‍थ, त अउं खड़ोरिया अओ असा। तुस धरती भीन्‍थ, पर अउं धरती ना भो।

यूहन्ना 8:44

तुसी सम्हाई के बोउ शैतान भो त तुस तसे इच्छाई मुताविक जीण पसंद कते। से त शुरुवात केआं ईं मेह्‍णुमार असा त तस कदी परमेश्वरे सच्चा वचन ट्यारे ना लगे, किस कि सच्चाई तस अन्तर नेईं। जपल से झूठ बोता, त अपु सभावे हिसाब जुए बोता किस कि से झूठा असा त झूठ बोलुणे बाड़ी के बोउ असा।

प्रतिनिधि 19:35

तोउं शेहरे अधिकारी तेन्हि मेह्‍णु शान्त कराई कइ बोलु, “ए इफिसुस शेहरे मेह्‍णुओ! सोब जाणते कि इफिसुस शेहर अन्तर बिशणे बाड़े मेह्‍णु महान देवी अरतिमिसे देहेर, त अम्बर केआं झड़ो तसे मुर्ति पेहरेदार असे।

प्रतिनिधि 5:3

पर पतरसे बोलु, “ए हनन्याह! शुची आत्माई झूठ बोलुण जे शैताने तें मन कीं मोहि छड़ा कि तेईं जिमि रुपेई अन्तरा अपफ जे कुछ रुपेई बचाई रखे?

रोमी 12:2

इस मतोके मेह्‍णु के ईं न बणे। पर तुं मन बदलीणे हेसाब जोई परमेश्वर तुं चाल चलण बि बदलण दिए, जेसे बेलिए तुस परमेश्वरे खरी, तस खुश करणे बाड़ी त हर कनारी बइ सिद्ध इच्छा बिझियेल।

1 कुरिन्थ 5:10

में बोलुणे मतलब ई नेओथ कि तुसी इस धरती कोई बि गलत तरीके जुए जिसमे संमंध रखणे बाड़े जुए, लालची त प्याकड़ी जुए त मुर्तिपुजा करणे बाड़े जुए कुछ लेण देण ना रखे, किस कि तोउं त तुसी इस धरती केआं बाहर बिशुण एन्तु।

1 कुरिन्थ 6:11

आं! तुसी अन्तर बि कत जेईं इहांणि थिए, पर परमेश्वरे तुस यीशु मसीहे नओएं बइ त अपु आत्माई बइ धुआई कइ शुचे किए त धर्मी बड़ाए।

2 कुरिन्थ 4:4

तेन्हि से खुश खबरी टगड़ियार न केती, जे परमेश्वरे यकी दुई मसीहे रौनक भो, किस कि इस धरती जे देवता असा, तेन तेन्के मन अन्हारा कइ छो असा।

गलाती 1:4

यीशु मसीहे हें पापी के लिए अपफ भकत दिती ताकि हें परमपिता परमेश्वरे इच्छाई मुताविक इस पापी मतोक केआं असी बचाल।

इफिसुस 2:11

त तुस याद रखे कि जिसमे हिसाब जुए तुस गैर यहूदी थिए। तुसी जे यहूदी मेह्‍णु “बजन खतने बाड़े” बोते। पर से अपु हथे बइ किओ खतना बझई जुए अपफ जे “खतना बाड़े” बोते।

इफिसुस 2:13

पर यीशु मसीह अन्तर जे तुस दूर थिए अभेईं मसीहे लहु बेलिए भेएड़ पुजो असे।

इफिसुस 2:3

अस बि पेहले अपु अपु जिसमे इच्छाई जुए जीन्तेथ त अपु मन मर्जी कतेथ त होरे मेह्‍णु ईं हें गुण भुणे बझई जुए असी बि परमेश्वर केआं सज्जा मेण बाड़ी थी।

इफिसुस 4:17

ट्यारे भाई त भेणिओं! इस बझई जुए प्रभु केआं मेओ हके बेलि अउं तुसी जे बोता कि अभेईं केआं तुसी अविश्वासी मेह्‍णु ईं ना जीण, जेन्के मन अन्तर कऊ भरिए असा।

इफिसुस 4:22

अपु पेहलकण चाल चलणे बारे तुसी शिचो असु कि जे पुराणे गुण, गलत इच्छाई बेलि खराब भोई गो असे, तस छड़ दिए।

इफिसुस 5:6

हेरी बिशे, एन्के बारे अपु शिक्षा बेलि कोई तुसी धोखा ना दियेल। किस की इन्हि बझई जुए ईं परमेश्वरे सज्जा तेन्हि पुठ एन्ती जे तसे निआंग ना मानते।

इफिसुस 5:8

किस कि पेहले तुस बजन परमेश्वरे अन्हारु अन्तर जीन्तेथ, पर अभेईं परमेश्वरे भेएड़ एणे बेलि तुस टगड़ियारे ईं भोई गो असे। त जे टगड़ियार अन्तर बिश्ते, तेन्के ईं जीण दिए।

कुलोसी 1:21

पेहले तुस बि परमेश्वर जे अणजाण त दुश्माणे ईं थिए, किस कि तुं सोच त कम तसे इच्छाई खिलाफ थिए।

2 तिमुथि 4:10

किस कि देमासे इस मतोके सुख चही कइ अउं अकेला छड़ा दिता त थेस्सलुनीका शेहर जे घेई गा। क्रेसकेंस गलाती इलाके अन्तर त तीतुस दलमतिया इलाके अन्तर परमेश्वरे सेवा करण जे गो असा।

याकूब 1:27

हें परमेश्वरे त बोउए औउजो शुचे धरमे कम ई असे कि तुस अनाथ त विधवाई के दुख तकलीफ अन्तर तेन्के ख्याल रखे, त अपु अपफ मतोके मोह माया केआं दूर बिशे।

याकूब 1:7

तेन्हि मेह्‍णु परमेश्वर केआं कुछ पाणे उम्मीद ना रखीण।

याकूब 4:4

ए धोखे देणे बाड़े मेह्‍णुओ! तुस न जाणते न कि मतोके मोह माया करीण परमेश्वर जोई बैर करण असा? तोउं त जे कोउं मतोके मोह माया रखणे कोशिश कता, से अपफ परमेश्वर बैरी बणान्ता।

1 पतरस 1:14

केहणा मानणे बाड़े गभुर के ईं अपु अपु जीण सुधारिण दिए। त मसीह बारे जाणण केआं पेहले जे तुं बुरी इच्छा थी, तेन्के हेसाब जुए जीण छड़ दिए।

1 पतरस 4:3

किस कि तुसी परमेश्वर ना मानणे बाड़े मेह्‍णु के ईं अपु इच्छाई हेसाब जुए जीण अन्तर जीं कि बुगड़ो मत अन्तर, बुरी इच्छाई अन्तर, प्याकड़पन अन्तर, मौज मस्ती अन्तर, मस्त मलंग त कुस्तुरी मुर्तिपुजा कर कइ पेहलाई सुआ टेम बरबाद कइ छो असा।

2 पतरस 2:14

तेन्के टीर हमेशा नाजायज रिश्ता बणाण जे मौका तोपते रेहन्ते, त से पाप करणे बजन रेही ना सकते। से विश्वास अन्तर कमजोर भुओ मेह्‍णु बेहकाइ छते, त तेन्के मन लालच करण घटी गो असा। तेन्हि परमेश्वरे शराप दुतो असा।

1 यूहन्ना 3:10

एसे बेलि पता लगता कि कोउं परमेश्वरे गभुर भो त कोउं शैताने गभुर भो। जे कोउं धरमे कम ना कता, होर जे विश्वासी जोई परेम न कता, से परमेश्वरे कनारा नेईं।

1 यूहन्ना 3:8

जे कोउं पाप कता, से शैताने गभुर भो, किस कि शैतान शुरुवात केआं पाप कते अओ असा। परमेश्वरे कुआ तोउं आ ताकि से शैताने कमी के खातमा करियाल।

1 यूहन्ना 4:4

ए गभुरुओ! तुस परमेश्वरे भिन्थ, त तुसी से झूठे भविष्य वक्ता हराई छोउ असे; किस कि जे परमेश्वर तुं अन्तर असा, से इस मतोक अन्तरी तेन्हि केआं बि बोडा असा।

1 यूहन्ना 5:19

अस जाणते कि अस परमेश्वर केआं असे, होर पूरा मतोक तेस दुष्ट शैताने वश अन्तर गो असा।

1 यूहन्ना 5:4

किस कि जे कोई परमेश्वर केआं जमो असे, से मतोक जीतता। होर मतोक पुठ से जीत जेसे बेलि मेती से हें विश्वास भो।

प्र. बोके 12:9

तोउं से बोडा राकस धरती पुठ फटाई छड़ा। ए सेईंए पुराणा कीड़ा भो, जे बुराई करणे बाड़ा त शैतान बोलिन्ता, जे पूरा मतोक भरमान्ता। तेस जोई तसे दूत बि साते फटाई छड़े।

प्र. बोके 13:14

तेन्हि निशाणी के बझई जोई, जेन्हि तेस जानवरे सम्हाणि हरालणे हक थिआ, से धरती पुठ बिशणे बाड़ी भरमान्ता। होर तेन्हि जे बोता कि तेस जानवरे मुर्ति बणाए, जे तलवारे खतरनाक चोट लगण केआं पता बि बच गा।

प्र. बोके 13:8

धरती पुठि से सोब बिशणे बाड़े, जेन्के नओं जीवने कताब अन्तर ना लिखिए तेस जानवरे पूजा कते। पर जेन्के नओं तेस जीवने कताब अन्तर भुमणे शुरु केआं पेहलाई लिखो थिउ, से तेस जानवरे पूजा ना कते। से कताब यीशु भो, जे यक भकत चढ़ो किएऊ ईं असा।

प्र. बोके 16:17

तोउं सतूं स्वर्गेदूते अपु कटोरा ब्यार पुठ डोल छड़ा, त देहरे सिंहासन केआं ईं बोडी अवाज आई, “भोई गोउ!”

प्र. बोके 20:2

तेन तेस राकस मतलब पुराणे कीड़े जे, जे दोष लाणे बाड़ा शैतान बोलिन्ता, टाइ कइ यक हजार साले लिए बन्ह छड़ा।