इफिसुस 1:4 - Walangi

⁴ तेन पूरा भुमण बणुण केआं पेहले ईं अस यीशु मसीह अन्तर चुणे, ताकि अस तस सामणि परेम जुए शुचा त बजन कोई दोषे रेहियेल।

इफिसुस 1:4 Iomraidhean Croise

मत्ती 24:22

अगर से सुआ कष्टे रोज परमेश्वर ना घटान्‍ताथ त कोई न बचताथ। पर परमेश्वरे चुणो तेन्हि मेह्‍णु के बझई जुए, से घट घेन्ते।

मत्ती 24:24

किस कि झूठे मसीह त झूठे भविष्य वक्ते एन्ते। से बोडे बोडे निशाणी त चमत्कार कते ताकि भोई सकियेल त चुणो तेन्हि बि विश्वास केआं उलाठ नी छते।

मत्ती 24:31

से रेशमि बोडी अवाज जोई अपु दूत लंघान्ता कि अम्बरे यक कुणे केआं होर कुणे तकर त पूरे धरती परमेश्वरे चुणो तेन्हि किठे करे।”

मत्ती 25:34

तोउं राजा अपु देहणा कनारी तेन्हि जे बोता, ‘ए में बोउ परमेश्वरे केईआं अशुश मेओ मेह्‍णुओ! एईए, ओस राज्य हेस्सेदार बणे, जे सृष्टि बणुण केआं पेहलाई तुसी जे तेयार किओ असा।

यूहन्ना 10:16

में होरे बि ढडुड़ असे, जे इस गुआड़ अन्तर नेईं। से में बचराण पिछाणते, त मोउं से बि अण्हणे जरूरी असे ताकि यके लछवारा त यके पुहाल भुओल।

यूहन्ना 15:16

तुसी अउं नेईं चुणो, पर मेईं तुस चुणो असे त तुं धे कम दुतो असु कि तुस घेई कइ फल अण्हे त तुं फल हमेशा रिहे। त तुस में नओं पुठ बोउ केआं कुछ मगेल त से तुं धे दी छता।

यूहन्ना 17:24

“बोउआ! अउं चहन्ता कि जे तुसी मेन्धे दुतो असु, जेठि अउं रेहन्ता, तठि से बि बिशियेल, ताकि से में महिमा जे तुसी मेन्धे दुतो असी तस हेर सकियेल। किस कि तुसी धरती बणाण केआं पेहले ईं मोउं जुओई परेम किओ असा।

प्रतिनिधि 13:48

त ईं शुण कइ गैर यहूदी मेह्‍णु खुश भोई गे, त परमेश्वरे वचने गुणगान करण लगे; होर जतर जेईं अमर जीवने लिए ठीक किओ थिउ, तेन्हि विश्वास किआ।

प्रतिनिधि 15:18

ईं सेईंए प्रभु बोक भो, जे धरती शुरुवात केईआं ईं अन्हि बोकी बोते अओ असा।’”

प्रतिनिधि 18:10

किस कि अउं तोउ जोई साते असा, होर कोई जेईं बि तें किछ नुकसान ना कइ बटता; किस कि इस शेहर अन्तर में अपु सुआ मेह्‍णु असे।”

रोमी 8:33

अस जे परमेश्वरे चुणो मेह्‍णु असे, असी पुठ कोई दोष ना लाई बटता, किस कि परमेश्वरे ईं असा, जे असी धर्मी बणान्ता।

1 कुरिन्थ 1:8

परमेश्वर तुसी अखिरि टेम तकर मतलब कि हें प्रभु यीशु मसीहे दुबारी एणे रोज तकर नरदोष रखता।

गलाती 5:13

ए भाई त भेणिओं! परमेश्वरे तुस खुल कइ जीण जे भिहो असे। पर खबरदार बिशे कि जे छूट तुसी परमेश्वर केईं मेओ असी, तसे बेलि तुस अपु अपु जिसमे बुरी इच्छा पूरा ना करे, बल्कि परेम जुए यकी होरी सेवा करे।

गलाती 5:22

पर नोउएं गुण जे शुची आत्माई बेलि असी मेता तसे बेलि अस परेम त खुशी जुए उई मी कइ बिश्ते। अस बोडे लाह रख कइ दाह जुए यक होरी मदत कते। हें मन अन्तर हर बेले शान्ति भुन्ति त अस सम्हाई अब्बल अब्बल कम कते, होर यकीन लेएक भुन्ते।

गलाती 5:6

किस कि जपल कोई मसीह यीशु पुठ विश्वास कता त तस खतना भुणे या ना भुणे कोई मुल नेईं। सद विश्वासे मुल असा जे परेमे बेलि अपफ हरालता।

इफिसुस 2:10

किस कि अस तसे हथे बणो असे, त जे जे खरे कम करण जे परमेश्वर पेहलाई ठीक किओ थिउ, तस करण जे अस मसीह यीशु जुए मिओ असे।

इफिसुस 3:17

तोउं मसीह पुठ विश्वास अन्तर तुस बस घियेल।

इफिसुस 4:2

मतलब, तुसी बुच कोई रोभ न किढ़े, होर ना उश्क बिशे। पर लाह रख कइ, परेम जुए यक होरी कमजोरी सीढ़ण दिए।

इफिसुस 5:2

जीं मसीहे किओ थिउ, तीं तुस बि अपु जीण अन्तर होरी जे परेम हराले। तेन असी जोई परेम किआ, त जेन भकती बइ परमेश्वर खुश भोई घेन्ता, अपफ तीं यक अब्बल भकत बण कइ से असी जे चढ़िआ।

इफिसुस 5:27

तेन ई इस बझई जुए किउ ताकि असी अपफ जे यक ईं दुल्हन बणाए, जेस केईं ना कोई दाग धब्बे, त ना कोई खराबी भोल। पर, से शुचा त अब्बल भोल।

फिलिप्पी 2:15

ताकि इस कलि जुग अन्तर त दुष्ट मेह्‍णु बुच बजन कोई दोषे ना कोई खराबी तुस परमेश्वरे गभुर ईं जीएल। त जीं जोसुण चमक कइ अन्हारे अन्तर मेह्‍णु बथ हरालती, तिहांणि तुं जीण बि मेह्‍णु जीणे सुसुर बथ हरालतु।

कुलोसी 1:22

तोउं बि अभेईं तेन मसीहे जिसम अन्तर मरणे बेलि अपफ जुए दुबारी मिआ, ताकि तेन तुस शुचे त बजन कोई दोषे त ना कोई दाग धब्बे बणाई कइ अपफ जे तेयार करियाल।

कुलोसी 2:2

ताकि तुसी हिम्मत मेईंयेल, त तुं मन अपफ बुच परेम जुए जुड़ घियेल त परमेश्वरे नियको योजना जे मसीह अपफ भो, तसे बारे सुसुर पता लगणे बेलि तुस विश्वास अन्तर टिग घियेल।

कुलोसी 3:12

तोउं त, शुचा त परमेश्वरे चुणो ट्यारे मेह्‍णु ईं दाह त भलाई कते रिहे। अपफ जे घट समझे, लाह रख कइ परेम जुए धराण दिए त केसे बि चीज पुठ रोभ ना किढ़े।

1 थेस्सलु 3:12

त प्रभु ईं कराल कि जीं अस तुसी जोई परेम कते, तीं तुस बि ना सद अपफ जुओई, बल्कि होरी जोई बि परेम करे त परेम अन्तर बधते घिए।

1 थेस्सलु 4:7

किस कि परमेश्वरे अस शुचे भुण जे भिओ असे, ना कि जुठे भुण जे,

2 तिमुथि 1:9

तेन परमेश्वरे अस बचाए त शुची जिन्‍दगी जीण जे भिहो असे। होर ई हें कमे बझई जुए नेईं, पर यीशु मसीह अन्तर इस धरती बणुण केआं पेहले ईं तेसे, जे दाह त मकसद असी जे असा, तस बझई जुए किआ।

2 तिमुथि 2:10

तोउं त, अउं तेन्हि मेह्‍णु जे सोब कुछ सेहण लगो असा, जे परमेश्वरे चुणो असे, ताकि यीशु मसीह अन्तर जे बचुण असु, से तेन्हि बि मेईंयेल त से हमेशा तसे शान अन्तर बिशियेल।

2 तिमुथि 2:19

तोउं बि परमेश्वरे सच्चा विश्वासी, तसे गीहे मजबूत खाई ईं विश्वास अन्तर पक्का रेहन्ता त तस पुठ परमेश्वर अपु वचने मुहर लान्ता कि “जेन्के भगवान पुठ पक्का विश्वास असा, तेन्हि से पिछाणता।” त “जे यीशु मसीह अपु प्रभु मानता, तस सम्हाई पाप केआं दूर बिशुण असु।”

याकूब 2:5

ए में ट्यारेओ, इए शुणे! परमेश्वरे कि इस मतोके गरीब मेह्‍णु ना चुणे ना, ताकि से विश्वास अन्तर अमीर बणे, होर तेस राज्ये हकदार बणे जेसे बारे तेन तेन्हि जे जुबान दुतो असी, जे तेस जोई परेम कते?

1 पतरस 1:20

एस कमे लिए परमेश्वरे मसीह भुमण बणुण केआं पेहलाई चुणो थिआ, पर तुं भलाई लिए अब इस अखिरि जुग अन्तर से प्रकट किआ।

1 पतरस 2:9

पर तुस यक चुणो वंश, राजे पुजारी के टज, शुचे प्रजा त परमेश्वरे अपु मेह्‍णु भो, ताकि जेन तुस अन्हारे केआं अपु चमत्कारी टगड़ियार अन्तर भिओ असे, तसे किओ चमत्कारे प्रचार करे।

2 पतरस 3:14

तोउं त, ए ट्यारेओ! किस कि तुस अन्हि बोकी के उम्मीद कते, त कोशिश करे कि तुस से बजन कोई कलंक त नरदोष, होर तेस जोई शान्ति जुए बिशो मेईंए।

1 यूहन्ना 4:16

जे परेम परमेश्वर असी जोई कता, तेस अस जाण गो असे त तेस परेम पुठ विश्वास बि कते। परेम परमेश्वर केआं एन्ता, होर जे होरी जोई परेम कता, से परमेश्वर जुए त परमेश्वर तेस जुए बण बिश्ता।

प्र. बोके 13:8

धरती पुठि से सोब बिशणे बाड़े, जेन्के नओं जीवने कताब अन्तर ना लिखिए तेस जानवरे पूजा कते। पर जेन्के नओं तेस जीवने कताब अन्तर भुमणे शुरु केआं पेहलाई लिखो थिउ, से तेस जानवरे पूजा ना कते। से कताब यीशु भो, जे यक भकत चढ़ो किएऊ ईं असा।

प्र. बोके 17:8

“जे खतरनाक जानवर तेईं काओ असा, से पेहले थिआ, पर अब नेईं। तोउं बि अब से काल खपर अन्तरा निसण बाड़ा असा, पर हमेशा लिए खतम भुण जे। होर धरती पुठ बिशणे बाड़े से सोब, जेन्के नओं सृष्टि शुरुवात केआं पेहलाई जीवने कताब अन्तर नेईं लिखो, तेस जानवर हेर कइ हैरान भोई घेन्ते कि ए जानवर पेहले त थिआ, पर अब नेईं, होर से दुबारी एन्ता।”