इफिसुस 1:1 - Walangi

¹ ट्यारे इफिसुस शेहरे शुचे त यीशु मसीह पुठ विश्वास करणे बाड़े भाई त भेणिओं! अउं, पौलुस जे परमेश्वरे इच्छाई बेलि यीशु मसीहे प्रतिनिधि बणो असा, तुसी सोबी जे नमस्कार कता।

इफिसुस 1:1 Iomraidhean Croise

लूका 16:10

जे मेह्‍णु धिखुभई अन्तर यकीन लेएक असा, से सुआ अन्तर बि यकीन लेएक असा। होर जे धिखुभई अन्तर बेईमान असा, से सुआ अन्तर बि बेईमान असा।

प्रतिनिधि 16:15

होर जपल से अपु पूरे टब्बर जोई साते पुओणि अन्तर चुसिए, त तेन छने किउ, “अगर तुस मोउं सच्चे प्रभु विश्वासी समझते, त हंटे, दुई चोउर रोज में गी बिशे।” तोउं से असी मनाई कइ घिन गई।

प्रतिनिधि 18:19

जपल से इफिसुस शेहर पुजे त पौलुस प्रिस्किल्ला त अक्विला तठि छड़ दी कइ से अपफ अराधनालय अन्तर घेई गा त यहूदी मेह्‍णु जोई बोक विचार त बेहेस करण लगा।

प्रतिनिधि 18:21

पर तेन्हि जे आबिश कर कइ त ईं बोल कइ तठिआ घेई गा कि “अगर परमेश्वर चहाल त अउं तुसी केईं फि एन्ता।” तोउं से इफिसुस शेहर छड़ दी कइ जहाज पुठ घेई गा;

प्रतिनिधि 9:13

पर हनन्याहे जवाब दिता, “ए प्रभु, मेईं एस मेह्‍णु बारे सुआ जेईं केआं शुणो असु कि एनि यरुशलेम शेहर अन्तर तें शुचे मेह्‍णु जोई की की बुरु किओ असु।

रोमी 1:1

में ट्यारे रोम शेहरे विश्वासी भाई त भेणिओं! अउं पौलुस, यीशु मसीहे सेवक तुसी जे नमस्कार कता। परमेश्वरे अउं मसीहे प्रतिनिधि बणण जे भिहो असा, त तसे खुश खबरी प्रचार करण जे बखरे किओ असा।

रोमी 1:7

ए चिट्ठि रोम शेहरे तुसी सोबी जे असी, जे परमेश्वरे ट्यारे असे त शुचे भुण जे भिहो असे। हें परमपिता परमेश्वरे त प्रभु यीशु मसीहे कृपादृष्टि तुसी पुठ भुन्ति रिहे, होर तुसी शान्ति मेती रिहे। आमीन।

रोमी 8:1

तोउं त, जे अब यीशु मसीह जोई मिओ असे, तेन्हि परमेश्वर दोषी कर कइ सज्जा ना देन्ता।

1 कुरिन्थ 4:12

अस अपु सरसला चलाण जे अपु हथे बइ मेहनत कते। मेह्‍णु असी जे श्राप देन्ते, पर अस अशुश देन्ते। से असी भुंजान्ते, पर अस सेहन्ते।

1 कुरिन्थ 4:17

तोउं त, मेईं तुसी केईं तिमुथियुस लंघा। से में ट्यारा त मसीहे विश्वास अन्तर यकीन लेएक असा। से एई कइ विश्वास अन्तर में तेस जीणे बारे तुसी चेता दिआन्ता, जेसे बारे अउं मसीहे सतसंग अन्तर शिचालता।

2 कुरिन्थ 1:1

ट्यारे कुरिन्थुस शेहरे परमेश्वरे सतसंग त पूरे अखया राज्य परमेश्वरे चुणो मेह्‍णुओ! अउं पौलुस, जे परमेश्वरे इच्छाई बेलि मसीह यीशु प्रतिनिधि असा त हें भाई तिमुथियुस, तुसी जे नमस्ते कते।

गलाती 1:1

ट्यारे गलाती इलाके यीशु मसीहे सतसंगे, सोबी भाईओ त भेणिओं! अउं पौलुस, त में सम्हाई साथी तुसी जे नमस्कार कते। अउं यीशु मसीहे यक प्रतिनिधि भो। अउं मेह्‍णु केआं मेओ हके बेलि नेईं, बल्कि यीशु मसीहे त तस मुओ मेह्‍णु केआं दुबारी जीआणे बाड़ा परमपिता परमेश्वरे दुतो हके बेलि प्रतिनिधि बणो असा।

गलाती 3:26

त जेन्हि बि मसीह यीशु पुठ विश्वास कर कइ तस जुए पुओणि अन्तर चुसिए असे, तेन्हि सम्हाई मसीहे दुतो नोउएं गुण झिणि के ईं डबो असे। इस बझई जुए तुस जे मसीह पुठ विश्वास कते सम्हाई अब परमेश्वरे गभुर बणि गो असे।

गलाती 3:28

तुं बुच अभेईं ना यहूदी, ना गैर यहूदी; ना गुलाम ना अजाद; होर ना जिल्हाणु नामड़द, कोई फरक नेईं; किस कि यीशु मसीह अन्तर तुस सम्हाई यक भोई गो असे।

गलाती 3:9

तोउं त, जे बि अब्राहमे ईं परमेश्वर पुठ विश्वास कता, तस अब्राहमे सम्हाई अशुश मेती।

इफिसुस 1:15

मेईं प्रभु यीशु पुठ तुं विश्वास त विश्वासी मेह्‍णु जुए तुं परेमे बारे शुणो असु।

इफिसुस 2:10

किस कि अस तसे हथे बणो असे, त जे जे खरे कम करण जे परमेश्वर पेहलाई ठीक किओ थिउ, तस करण जे अस मसीह यीशु जुए मिओ असे।

इफिसुस 2:13

पर यीशु मसीह अन्तर जे तुस दूर थिए अभेईं मसीहे लहु बेलिए भेएड़ पुजो असे।

इफिसुस 2:6

तेन अस मसीह यीशु जुए जीए, त स्वर्ग अन्तर तस जुए राजगद्दी पुठ बिशाणे,

इफिसुस 6:21

मेईं, हें ट्यारा भाई त प्रभु सेवा अन्तर यकीन लेएक तुखिकुस तुसी केईं लंघो असा, ताकि तुस तस केआं में बारे शुणे कि अउं कीं असा त कीं बिश्ता। त से तुसी विश्वास अन्तर बि हिम्मत दिए।

प्र. बोके 17:14

से किएऊ जोई युद्ध कते, पर किएऊ तेन्हि पुठ जीत घेन्तु। किस कि सेईंए प्रभु के प्रभु भो त राजी के राजा भो। होर से तेस किएऊ जोई साते भुन्ते, जे भिओ त चुणो असे, होर यकीन लेएक असे।”

प्र. बोके 2:10

जे दुख तुसी सीढ़ण एन्ते, तेन्हि हेर डरे नउ। किस कि हेरे, शैतान तुसी बुचा केहि जेईं जेहेल अन्तर छाणे बाड़ा असा, ताकि तुस परखियेल। तुसी दस रोज तकर दुख तकलीफ सीढ़ण एन्ते। मरण तकर विश्वास कते रिहेल, त अउं तुन्धे जीवन देणे बाड़ा मुकुट देन्ता।

प्र. बोके 2:13

अउं ई जाणता कि तुस तेस शेहर बिश्ते, जेठि शैताने सिंहासन असा। तोउं बि तुस में नओं हमेशा नेन्ते रेहन्ते। शैताने तेस जगाई अन्तर, तेन्हि दिनि बि तुस मोउं पुठ विश्वास करण केआं पतूं ना खिरके, जपल तठियाणि मेह्‍णु में यकीन लेएक उगाह अन्तिपास मार छड़ा।