2 तिमुथि 4:8 - Walangi

⁸ अब एण बाड़े रोज अन्तर मोउं जे धर्मी मेह्‍णु कें धे देण बाड़ा मुकुट रखो असा, जे से न्यायी त धर्मी प्रभु मेन्धे देन्ता। होर तेन्हि सोबी कें धे बि देन्ता, जे तसे एण बोडे चह जुए भाड़ बिशो असे।

2 तिमुथि 4:8 Iomraidhean Croise

मत्ती 24:36

यीशु हउ बि बोलु, “पर तेस रोजे त घड़ी बारे कोई न जाणता, न स्वर्गेदूत, न कुआ, पर सद बोउ जाणता।

मत्ती 7:22

तेस न्याय करणे रोज सुआ जेईं मोउं जे बोते, “ए प्रभु, ए प्रभु! असी कि तुं नओएं बइ भविष्य वाणि न की ना। तुं नओएं बइ कि असी दुष्ट आत्मा बाहर न नशेणि ना। होर तुं नओएं बइ कि असी बोडे बोडे चमत्कारे कम न किए ना?”

लूका 10:12

अउं तुसी जे बोता कि न्याय करणे रोज तेस शेहरे मेह्‍णु के हाल सदोम शेहरे मेह्‍णु केआं बि सुआ बुरा भुन्ता।”

रोमी 2:5

पर तुसी त अपु मन नकठर कइ रखो असे, होर अपु जीण नेईं बदलो। ई कर कइ तुस तेस लेहरी रोजे लिए अपफ जे परमेश्वरे लेहेर किठि करण लगो असे, जेस रोज परमेश्वरे सच्चा न्याय सोबी के सामणि एन्ता।

रोमी 8:23

होर सद तेन्हि ना, पर असी बि अशी असी। परमेश्वरे हें धे अपु जुबाने पेहला फल मतलब “शुची आत्मा” त दुतो असी, पर अस तेस रोज बि भाड़ बिशो असे, जपल से असी अपु गभुर भुणे पूरा हक देन्ता त हें इस जिसमे बंटि नोउआं जिसम देन्ता।

1 कुरिन्थ 2:9

पर जीं धरमे कताब अन्तर लिखो असु कि “जे केनि ना का, होर जे केनि ना शुणा मनखे मन अन्तर जे कदी ना लुंगा परमेश्वरे ए सोब तेन्हि जे बणाउ जेन्हि तेस पुठ अपु दिल ला।”

1 कुरिन्थ 3:13

पर यीशु मसीहे एणे रोज से सोब सामणि एई घेन्ते, त हर यक मेह्‍णु कम केई घेन्तु। से रोज आगे बेलिए सामणि एन्ता त हर यक जेईं के कम परखता कि कीं असु।

1 कुरिन्थ 9:25

हर कोई खिलाड़ी ईनाम जीत कइ इज्जत पाण जे सम्हाई कुछ पुठ परहेज रखता। पर से इज्जत मुक घेन्ति। अस त तेस लिए परहेज रखते, ताकि असी से इज्जत मेईंयाल जे कदी ना खतम भुन्ति।

2 कुरिन्थ 5:2

इस बझई जुए असी इस जिसम अन्तर बिशुण चिंग लगतु, त अस स्वर्गे तेस डेरे, जे स्वर्गे जिसम भो डबण जे भाड़ते,

फिलिप्पी 3:11

ताकि मरण केआं दुबारी जी बटियाल।

कुलोसी 1:5

तुं विश्वास त परेम इ हरालता कि स्वर्ग पुठ जे अशुश तुसी जे असी, तस पुठ तुसी जब्बर उम्मीद रखो असी, जेसे बारे तुसी खुश खबरी बेलि शुणो थिउ।

1 थेस्सलु 1:10

होर से ईं बि बोक कते रेहन्ते कि तुस कीं परमेश्वरे कुआ यीशु मसीह स्वर्ग केईआं एणे हेरी बिशो असे। परमेश्वरे से मरो मेह्‍णु केआं दुबारी जीन्ता किओ असा त यीशु असी परमेश्वरे एणे बाड़े कोप केआं बचान्ता।

1 थेस्सलु 5:4

पर ए भाई त भेणिओं! इस बोकी बारे तुस अत बि अणजाण नेईं कि से रोज तुसी पुठ चोरे ईं अजगता एईयाल।

2 थेस्सलु 2:8

तोउं से कलंकी मेह्‍णु निसता। पर जपल प्रभु यीशु दुबारी एन्ता, से तेस अपु बोकी बइ मार छता त अपु एणेरी चमके बइ भसम कइ छता।

1 तिमुथि 6:19

ईं कर कइ से एण बाड़े रोजे लिए अब्बल धन कठा कते, जे कि अमर जीवने लिए अब्बल खाई ईं बणता, त तेन्हि खरा जीवन मेई सकियेल।

2 तिमुथि 1:10

होर जपल हें बचाणे बाड़ा यीशु मसीह इस धरती पुठ आ त से दाह त मकसद प्रकट भुई। तेन मरणे ताकत खतम कर कइ परमेश्वरे खुश खबरी पुठ विश्वास करणे बाड़ी जे परमेश्वर जुए हमेशा जीणे मौका दिता।

2 तिमुथि 1:12

इस बझई जुए अउं ए सोब दुख बि सेहन्ता पर लजिन्ता नोउ, किस कि मेईं जेस पुठ विश्वास किओ असा, तस मसीह जाणता। मोउं मसीह पुठ पूरा यकीन असा कि तसे न्याय करणे रोज तकर सेईंए परमेश्वरे दुतो खुश खबरी रखवाली कइ बटता।

2 तिमुथि 1:18

होर जे जे सेवा तेन इफिसुस शेहर अन्तर किओ असी, तसे बारे त तोउ ठीक ठाक पता असा। अउं प्रार्थना कता कि जेस रोज प्रभु यीशु पंची करण जे एन्ता, तपल तेस पुठ दाह करे।

2 तिमुथि 2:5

दौड़ुं प्रतियोगिता अन्तर कोई अगर नियम जुए ना दौड़ता त तस ईनाम ना मेती।

2 तिमुथि 4:1

ए तिमुथियुसा! जे जीन्ता त मुओरी के पंची कते, जेन्के दुबारी पंची करणे टेम त राज करणे टेम नीड़ा असा, अउं तेस परमेश्वर त यीशु मसीह उगाह रख कइ, तोउ चेता दिआई कइ ई निआंग देन्ता कि

तीतुस 2:13

त अपु से बोडे उम्मीद, मतलब हें बोडा परमेश्वर त बचाणे बाड़ा यीशु मसीह दुबारी एणे भाड़ बिशे।

इब्रानी 12:11

लोडीयांण, समझाण तेस टेम खरु ना, बल्कि दुख देणे बाड़ु लगतु। पर जे एसे बेलिए शिच घेन्ते, से पता अपु जिन्‍दगी धरम त शान्ति जुए जीन्ते।

इब्रानी 9:28

तिहांणि यीशु मसीह बि सुआ जेईं के गलती त पाप धूणे लिए यके लिंगि अपु भकत दिती। से दोके लिंगि तेन्के पापी के भकत देण जे न, बल्कि तेन्हि बचाण जे एन्ता, जे तस भाड़ बिशो असे।

याकूब 1:12

धन्य असा से मनख, जे परीक्षाई अन्तर शान्त बिश्ता, किस कि जपल से परीक्षाई अन्तरा उतीर घेन्ता त से तेस जीवन देणे बाड़ी मुकुट डबता, जे परमेश्वरे अपफ जोई परेम करणे बाड़ी धे देणे जुबान दुतो असी।

1 पतरस 1:4

मतलब कि परमेश्वरे स्वर्ग अन्तर तुसी जे ई विरासत रखो असी जे कदी खतम ना भुन्ति, ना कुस्तुरी भुन्ति, होर ना तसे शान घटती।

1 पतरस 5:4

जपल बोडा पुहाल, मतलब मसीह प्रकट भोल, त तुसी सुआ इज्जते बाड़ा मुकुट मेता, जेसे चमक कदी ना मुकती।

प्र. बोके 1:7

हेरे! से बदेई पुठ सवार भोई कइ एणे बाड़ा असा। होर जेन्हि से कोरो थिआ, से बि तेस हेरते, त तसे बझई जोई धरती पुठि सोब जाति मेह्‍णु अपु अपु डडोर बजान्ते। आं, आं सच्चे बि। आमीन।

प्र. बोके 19:11

फि मेईं स्वर्ग खुला काआ, त हेरु कि यक हच्छा घोड़ा असा, त तेस पुठ यक सवार असा, जे यकीन लेएक त सच्चा बोलिन्ता। से धरम जोई न्याय त युद्ध कता।

प्र. बोके 2:10

जे दुख तुसी सीढ़ण एन्ते, तेन्हि हेर डरे नउ। किस कि हेरे, शैतान तुसी बुचा केहि जेईं जेहेल अन्तर छाणे बाड़ा असा, ताकि तुस परखियेल। तुसी दस रोज तकर दुख तकलीफ सीढ़ण एन्ते। मरण तकर विश्वास कते रिहेल, त अउं तुन्धे जीवन देणे बाड़ा मुकुट देन्ता।

प्र. बोके 22:20

प्रभु यीशु इन्हि बोकी के उगाही देन्ता। से ईं बोता कि “आं, अउं झठ एणे बाड़ा असा।” आमीन, ए प्रभु यीशु, आई!

प्र. बोके 4:10

तपल तपल चोबिहो स्याणे सिंहासन पुठ बिशणे बाड़े समाणि उटेऊ झड़ घेन्ते, होर जे जुग जुग जीन्ता असा, तसे खुर बिन्ते। से अपु अपु मुकुट सिंहासने सम्हाणि ईं बोते छड़ देन्ते कि

प्र. बोके 4:4

तेस सिंहासने चोहरो कना होरे चोबि मठ मठ सिंहासन असे। होर अन्हि सिंहासन पुठ चोबिहो स्याणे हच्छे झिणे डब कइ बिशो असे, त तेन्के मगरी पुठ सुन्ने मुकुट असे।