2 तिमुथि 4:5 - Walangi

⁵ पर तु, ए तिमुथियुसा, हर चीजी पुठ समोझि बिश, कष्ट सेह त खुश खबरी प्रचार करणे कम त परमेश्वरे जे कम तेन्धे दुतो असु, तस पूरा कर।

2 तिमुथि 4:5 Iomraidhean Croise

मत्ती 25:16

तोउं, जेस पन्ज बटुआ मेओ थिए, तेन तिखेईंए घेई कइ लेण देण किउ, त सुन्ने सिक्के बेलि पन्ज होरे बटुए भरे।

मरकुस 13:34

“में एणे टेम ईं असा जीं यक मेह्‍णु अपु गी छड़ कइ परदेश घेन्ता। से अपु नौखरी कें धे हक दी कइ तेन्हि अन्तरा हर यक जेईं तेस कम बताई देन्ता त पेहरा देणे बाड़े जे खड़ खड़ बिश कइ पेहरा देणे निआंग देन्ता।

मरकुस 13:37

जे अउं तुसी जे बोता, तस अउं सम्हाई जे बि बोता कि : खबरदार बिशे!”

लूका 12:37

तेस नौखरे मज्जा असा, जेसे मालिक एई कइ से खड़ खड़ मेता। अउं तुसी जे सच्चु बोता कि से तेस नौखर सेवा करण जे त रौठि खिलाण जे तेयार भोई घेन्ता।

प्रतिनिधि 21:8

दोके रोजे अस तठिआ घेई कइ कैसरिया शेहर जे आए, होर खुश खबरी प्रचार करणे बाड़ा फिलिप्पुसे गी बिशे। से यरुशलेमे तेन्हि “सतोही चुणो सेवकी” बुचा यक थिआ।

इफिसुस 4:11

त तेन केसे विश्वासी धे अपु प्रतिनिधि बणणे, त केसे होरी धे भविष्य वाणि करणे, त केसे धे खुश खबरी प्रचार करणे त केसे होरी धे विश्वासी के पुहाल बणणे त केसे धे परमेश्वरे वचन शिचालणे वर दिता।

इफिसुस 4:12

ताकि ए सम्हाई मी कइ तसे कम करण जे सोब विश्वासी मेह्‍णु तेयार करियेल त सतसंग जे कि मसीहे जिसम भो, तस बणाल।

कुलोसी 1:25

त परमेश्वरे खुश खबरी प्रचार करणे जिम्मा मेन्धे दी कइ तेन अउं सतसंगे सेवक बणा।

कुलोसी 4:17

त अरखिप्पुस जे बोले कि जे सेवा करणे जिम्मा प्रभु तसे धे दुतो असा, तस बड़े ध्यान जुए करे।

1 थेस्सलु 5:6

तोउं त अस होरी के ईं उंघो ना लौते, पर खड़ खड़ त चौकाने बिशो लौते।

1 तिमुथि 4:12

तु परमेश्वरे वचन अन्तर, तें चाल चलण अन्तर, परेम त विश्वास अन्तर होर शुचे विचार अन्तर सम्हाई विश्वासी जे नमूना बण, ताकि तें कम उमरी बझई जुए कोई तें बोक अणशुणि ना करे, पर सोब पूरा मन लाई कइ शुणे।

1 तिमुथि 4:15

अन्हि बोकी मन लाई कइ ध्यान जोई कते रेह, जेसे बेलि सोब मेह्‍णु विश्वास अन्तर तें तरक्की हेरियेल।

2 तिमुथि 1:8

तोउं त हें प्रभु बारे उगाही देण केआं त अउं जे तसे कैदी असा, असी केआं ना लजीण। पर परमेश्वर जे शक्ति देन्ता तेसे बेलि खुश खबरी प्रचार करण अन्तर मोउं जुए कष्ट सेह।

2 तिमुथि 2:10

तोउं त, अउं तेन्हि मेह्‍णु जे सोब कुछ सेहण लगो असा, जे परमेश्वरे चुणो असे, ताकि यीशु मसीह अन्तर जे बचुण असु, से तेन्हि बि मेईंयेल त से हमेशा तसे शान अन्तर बिशियेल।

2 तिमुथि 2:3

तु यीशु मसीहे यक सच्चे फौजी ईं असी जुए खुश खबरी प्रचार करण अन्तर कष्ट सेह।

2 तिमुथि 4:17

पर प्रभु मोउं जुए बिशा त मेन्धे अपु ताकत दिती, ताकि में बेलि खुश खबरी पूरा प्रचार भोल त सम्हाई गैर यहूदी तस शुणेल। त अउं मरुण केआं बच गा।

इब्रानी 13:17

तुस अपु मुखिये के केहणा माने त तेन्के वश अन्तर बिशे, किस कि तुस तेन्के जिम्मेबारी भो त तेन्हि बि लेखाजोखा देण एन्ता। तोउं से अपु कम खुशी जोई कते, ना कि यक भरोठ समझ कइ। किस कि अगर तीं कते त तुं कोई फायदा न भुन्ता।

1 पतरस 1:13

तोउं त, अपु अपु मन तेयार कर कइ त अपफ जे वश अन्तर रख कइ, तेस दाह दयाई भाड़ अन्तर बिशे, जे यीशु मसीहे प्रकट भुणे टेम तुसी मेणे बाड़ी असी।

प्र. बोके 3:2

अपु विश्वासे उंघुण केईआं खड़ भो, त तुं जे विश्वास मुकते मुकते बचो असा, तस पक्कारिण दिए, किस कि जेस परमेश्वरे अउं सेवा कता, तसे समाणि मोउं तुं कम अधूरु मेतु।