2 तिमुथि 4:3 - Walangi

³ किस कि ईं टेम बि एन्ता जपल मेह्‍णु खरी शिक्षा ना मानते, पर अपु अपु पापे गुणे खातिर सद तिहांणि शिक्षा शिचालणे बाड़ी कठेरते, जे से शुणुण पसंद कते।

2 तिमुथि 4:3 Iomraidhean Croise

लूका 20:19

तिखेईंए मुख्य पुजारे त धर्मशास्त्री यीशु टाणे कोशिश की, किस कि से समझ गो थिए कि तेन तेन्के खिलाफ ए कथा शुणाई। पर से मेह्‍णु हेर डर गे।

लूका 6:26

“तुं खेया खाट भोई घेन्तु, जपल सोब मेह्‍णु तुसी जे खरु बोते, किस कि तेन्के बाव दादु बि झूठे भविष्य वक्ते जे तिरुह बोतेथ।”

यूहन्ना 8:45

तोउं त जपल अउं सच्चाई बतान्ता, त तुस मोउं पुठ विश्वास ना कते।

प्रतिनिधि 17:21

तेन्हि तस जे ईं बोलु, किस कि एथेन्स शेहरे बिशणे बाड़े त परदेशी मेह्‍णु जे तठि बिशतेथ, से सोब होर केसे कम अन्तर ना, पर नोई नोई बोके बोलुण त शुणुण अन्तर अपु टेम काटतेथ।

1 कुरिन्थ 2:1

ए ट्यारेओ! जपल अउं तुसी केईं अओ थिआ त मेईं परमेश्वरे नियोको बोक बोडी बोडी बोके बड़ाई कइ त अपु अक्ल जुए प्रचार न किआ।

1 कुरिन्थ 2:4

में बोक त समाचार अपु अक्ली बणो चुणो बोके बेलि नेओथ, पर परमेश्वरे आत्माई ताकते बेलि थी,

गलाती 4:16

तुसी जे सच्चाई बोलुणे बेलि कि अउं तुं दुश्माण बणि गा ना, आं?

1 तिमुथि 1:10

त जे गलत तरीके जुए जिसमे संमंध रखते, त जे अपु लिंगे मेह्‍णु जोई रिश्ता रखते, त जे मेह्‍णु गुलाम बड़ाई कइ बेचते, जे झूठ बोते, त जे झुठी सोह कते त इन्हि छड़ कइ जे खरी शिक्षाई खिलाफ भुन्ते।

2 तिमुथि 1:13

जे खरी खरी बोके तेईं मोउं केआं शुणो असी, तस मसीह यीशु अन्तर पूरे विश्वास त परेम जुए यक अब्बल शिक्षा समझ कइ पक्के बण बिश।

यहूदा 1:18

से तुसी जे बोलिआ कतेथ, “अखिरि रोजी अन्तर ईं मेह्‍णु एणे बाड़े असे, जे परमेश्वरे लठ लिहाज ना रखते, बजन भक्ति अपु बुरी इच्छाई हेसाब जोई जीन्ते।”