2 तिमुथि 4:20 - Walangi

²⁰ इरास्तुस, कुरिन्थुस शेहर अन्तर रेही गा त त्रुफिमुस भाई बीमार भुआ त मेईं तस जे मिलेतुस शेहर बिशणे बोलु।

2 तिमुथि 4:20 Iomraidhean Croise

प्रतिनिधि 18:1

तढ़िया पता पौलुस एथेन्स शेहर छड़ दी कइ कुरिन्थुस शेहर आ।

प्रतिनिधि 18:8

अराधनालये मुखिया क्रिसपुस अपु पूरे टब्बरे जोई प्रभु पुठ विश्वास किआ। होर कुरिन्थुस शेहरे होरे बि सुआ मेह्‍णु पौलुसे बोक शुण कइ विश्वास किआ त पुओणि अन्तर चुसिए।

प्रतिनिधि 19:22

त से अपु मदत करणे बाड़ी अन्तरा तिमुथियुस भाई त इरास्तुस भाई मकिदुनिया राज्य जे लंघाई कइ अपफ कुछ रोज एशिया इलाके बिशा।

प्रतिनिधि 20:15

तठिआ जहाज पुठ घेई कइ दोके रोजे अस खियुस नओएं टापु समाणि पुजे, त होउस सामुस नओएं टापु पुठ पुजे। तोउं फिर होर रोज मिलेतुस बंदरगाह पुजे।

प्रतिनिधि 20:17

पौलुसे मिलेतुस बंदरगाह केआं इफिसुस शेहर जे जवाब लंघाई कइ सतसंगे स्याणे भिए।

प्रतिनिधि 20:4

बिरीया शेहरे पुर्रुसे कुआ सोपत्रस त थेस्सलुनीका शेहरे अरिस्तर्खुस, सिकन्दुस, देरबे शेहरे गयुस तेस जोई साते गे। तेन्हि जोई तिमुथियुस, एशिया इलाके तुखिकुस त त्रुफिमुस बि तेस जोई साते थिए।

प्रतिनिधि 21:29

इस केआं पेहले, तेन्हि इफिसुस शेहरे भाई त्रुफिमुस तेस जोई साते शेहर अन्तर काओ थिआ। तोउं त, तेन्हि गलत समझु कि पौलुस जरूर तेस देहेर अन्तर घिन गो भोल। पर से नेओथ नीओ।

रोमी 16:23

जेसे गी इठियाणि सतसंग भुन्ता त जेसे गी अउं मेहमान असा, से भाई गयुस तुसी जे नमस्कार कता। शेहरे धने भण्डारी, भाई इरास्तुस तुसी जे नमस्कार कता। होर भाई क्वारतुस बि तुसी जे नमस्कार कता।