2 तिमुथि 4:2 - Walangi

² हर वकत खुश खबरी प्रचार करण जे तेयार बिश, त पूरे लाह जुए त शिक्षा जुए मेह्‍णु मना, जड़का त समझाण दे।

2 तिमुथि 4:2 Iomraidhean Croise

लूका 7:23

होर धन्य असे से मेह्‍णु, जे मोउं पुठ विश्वास कते, त कदी शक ना कते।”

लूका 7:4

त से यहूदी मेह्‍णु यीशु केईं एई कइ हथ जोड़ुण लगे “से इस लेएक असा कि तुस तसे नौखर ठीक करे।

लूका 9:60

इस पुठ यीशु तस जे बोलु, “जे मरोरी के ईं असे, तेन्हि अपु मुड़दे पथण दे। पर तु गा त परमेश्वरे राज्ये बारे मेह्‍णु शुणाण दिए।”

प्रतिनिधि 13:5

तोउं सलमीस शेहर पूज कइ, से परमेश्वरे वचन यहूदी मेह्‍णु के अराधनालय अन्तर शुणाण लगे। यूहन्ना जेस जे मरकुस बि बोतेथ, तेन्हि जोई साते बिश कइ तेन्के मदत कताथ।

प्रतिनिधि 16:13

भक्ति करणे रोज अस ईं समझ कइ शेहरे बाहर दरेउए औत गे कि तठि प्रार्थना करणे जगाह भोल। असी तठि बिश कइ तेन्हि जिल्हाणु जोई बोके की, जे तठि किठिए थी।

प्रतिनिधि 20:7

शिण्हेचरे ब्यादि टेम जपल अस प्रभु रौठि खाण जे किठिए, त पौलुस जे दोके रोज घेणे बाड़ा थिआ, किठे मेह्‍णु जोई बोक की; त अधरात तकर शिचालता रिहा।

प्रतिनिधि 28:16

रोम शेहर अन्तर पुजुण केआं पता पौलुस अकेले बिशुण जे इजाजत मेई गई। पर तेस पुठ पेहरा देण जे यक सपाही नियुक्त भुआ।

रोमी 10:15

होर अगर लंघाल नउ, त कोई कीं कइ शुणान्ता त प्रचार कता? धरमे कताब अन्तर एसे बारे लिखो असु, “तेन्के एण कतु शुभ असु, जे खुश खबरी शुणान्ते!”

रोमी 12:12

परमेश्वर पुठ अपु उम्मीदे बारे खुश रिहे, दुख तकलीफ अन्तर लाह रखे, हमेशा प्रार्थना कते रिहे।

गलाती 6:6

ए ठीक भुन्तु कि जे तुसी परमेश्वरे वचने शिक्षा देन्ते, तुस तेन्के हर किस्मे मदत करे।

कुलोसी 1:25

त परमेश्वरे खुश खबरी प्रचार करणे जिम्मा मेन्धे दी कइ तेन अउं सतसंगे सेवक बणा।

कुलोसी 4:3

अपु प्रार्थना दुआ अन्तर असी जे बि दुआ करे कि मसीह अन्तर परमेश्वरे जे नियको योजना असी, तसे बारे प्रचार करुण जे असी सुआ मौका मेईंयाल, जेसे प्रचार करणे बझई जुए अउं अभेईं जेहेल अन्तर असा।

1 थेस्सलु 1:6

त तुसी सोब कष्ट त लज सही कइ परमेश्वरे वचन शुची आत्माई खुशी जुए मान छड़े। त जीं प्रभु चहन्ता, होर जीं अस कतेथ, तीं तुस बि करण लगे।

1 थेस्सलु 5:14

ए भाई त भेणिओं! अस तुसी जे छनेअरे कते कि जे नकम्मे असे, तेन्हि समझाण दिए! डरो तेन्हि हिम्मत दिए! त जे कमजोर असे तेन्के मदत करे! त सोबी जुएई उई मी कइ बिशे!

1 थेस्सलु 5:20

जपल कोई भविष्य वाणि करियाल त तसे बोकी पुठ ध्यान दिए।

1 तिमुथि 4:13

जपल तकर अउं ना एईयाल, तपल तकर सतसंग अन्तर धरमे कताब पढ़ीण, शिचालण त प्रवचन देन्ता रेह।

1 तिमुथि 5:20

अगर से दोषी भोल त सोबी के सामणे तस समझाण दिए, ताकि होरे मेह्‍णु बि डरियेल।

2 तिमुथि 2:21

अगर कोउं अपफ सम्हाई पापी केआं शुचे करियेल त से क्युटे भाणि केईं खास कम करण जे शुचे भोई घेन्ते, होर सम्हाई खरे कम करण जे तेयार भुन्ते त अपु मालिके कम एन्ते।

2 तिमुथि 2:25

जे हें खिलाफ भुन्ते तेन्हि से खरी नरमी कइ समझाण लौते, कि पता परमेश्वर तेन्हि बुचा केसे जेईं धे मन बदलाणे आत्मा दिआल त से बि सच्चाई वचन पिछाणल,

2 तिमुथि 3:10

पर ए तिमुथियुसा! तोउ ठीक ठाक पता असा कि मेईं मेह्‍णु कीं खरी शिक्षा शिचालो असी, त मेईं कीं खुश खबरी लेएक जिन्‍दगी जीओ असी। तोउ पता असा कि खुश खबरी प्रचार करण अन्तर में मकसद कीं रेहा, त मेईं कीं यीशु मसीह पुठ विश्वास कर कइ सुआ लाह रखा। तोउ ई बि पता असा कि मेईं कीं सम्हाई मेह्‍णु जोई परेम किओ असा त कीं मुश्किले टेम अन्तर बि तसे सेवा किओ असी।

तीतुस 1:13

ए बोक सच्ची असी। तोउं त तेन्हि खरे समझाण दिए ताकि तेन्के विश्वास सुसुर रिहे।

तीतुस 2:15

ए तीतुसा, ई सोब बोके सम्हाई जेईं पूरे हक जुए शिचाल, त खबरदार कर। कोई बि तोउ कमजोर ना समझे।

इब्रानी 13:22

ए ट्यारेओ! अउं तुं छनेअरे कता कि तुस में उपदेश लाह जोई शुणिण दिए, किस कि मेईं तुसी जे चिट्ठि अन्तर थोड़ु भइ लिखो असु।

प्र. बोके 3:19

जेन्हि जेन्हि जोई अउं परेम कता, तेन्हि सोबी जेईं जड़कान्ता त समझान्ता। तोउं त सोचीण दिए त अपु मन बदलीण दिए।