2 तिमुथि 4:16 - Walangi

¹⁶ जपल मेईं रोम शेहरे कोर्ट कचेरी अन्तर पेहली बार अपु पक्ष रखा त केनि जेईं बि में सात ना दिता, बल्कि सम्हाई जेईं अउं छड़ दी छड़ा। अउं प्रार्थना कता कि प्रभु तेन्हि एसे बारे ना पुछे।

2 तिमुथि 4:16 Iomraidhean Croise

मरकुस 14:50

ईं हेर कइ सोब चेले तेस छड़ दी कइ नश गे।

लूका 12:11

जपल मेह्‍णु में बझई जुए तोउ जब्बरदस्ती टजोट त अफसरे त होरे अधिकारी सम्हाणि जे नियेल त तु इ चिन्ता ना कर कि कीं बोलुण त कीं जवाब देण।

यूहन्ना 16:32

हेरे, से टेम एन्ता, त पुजी बि गा कि तुस सम्हाई अपु अपु बथ घेई घेन्ते, त मोउं अकेला छते। तोउं बि अउं अकेला नेईं, किस कि बोउ मोउं जुए असा।

प्रतिनिधि 22:1

पौलुसे बोलु, “ए भाईओ त स्याणेओ! में जवाब शुणे, जे अउं अब तुं समाणि देन्ता।”

प्रतिनिधि 25:16

पर मेईं तेन्हि जे रोमी सम्राटे शासने रीत सुसुर समझाई कइ बोलु कि जपल तकर से, जेस पुठ मुकदमा चलो असा, त मुकदमा करणे बाड़े अमाणि-समाणि खड़ भोई कइ अपु सवाल जवाब न कते, होर जपल तकर दोषी अपु सफाई देण जे मौका न मेईंयाल, तपल तकर केस बि मेह्‍णु सज्जा देण सही नेईं।”

प्रतिनिधि 7:60

तोउं तेन उटेऊ बिश कइ जोरी जोई बोलु, “ए प्रभु, इस पाप अन्हि पुठ ना ला।” होर ईं बोल कइ से मर गा।

1 कुरिन्थ 13:5

जे होरी जोई परेम कता से होरी जोई बुरा बरताब न कता। होर न से सद अपु भलाई बारे सोचता। से बोक बोक पुठ लेहेर न किढ़ता। जे कोउं तसे बुरु कते, से तेन्हि केआं बदला नेणे बारे ना सोचता।

1 कुरिन्थ 9:3

जे मोउं परखुण चहन्ते, तेन्हि जे अउं ईं जवाब देन्ता कि

2 कुरिन्थ 7:11

अब हेरे! परमेश्वरे इच्छाई बेलि जे दुख तुसी भो असा, तसे बझई जुए तुसी की भुओ असु। तुस अपफ हरालण चहन्ते कि तुस बजन दोषे असे। तुस अपफ पुठ नाराज असे। तुस हैरान भोई गो असे त पंची कर कइ असी मनाण जे बि भाड़ बिशो असे। इसे बेलि तुसी हरालो असु कि एस बोक पुठ तुस सही असे।

फिलिप्पी 1:7

तुसी में सात पेहले तपल दिता जपल अउं खुल कइ खुश खबरी प्रचार कताथ त खुश खबरी विरोध करणे बाड़ी जे तसे सच्चाई बार उगाह देन्ताथ त अभेईं बि देण लगो असे, जपल अउं जेहेल अन्तर कैद असा। त ए जायज असा कि अउं तुसी बोडे खुशी जुए याद कता। त तुसी अन्तर में कांया घेई गो असी।

2 तिमुथि 1:15

तोउ पता असा की एशिया इलाके जे विश्वासी थिए, तेन्हि सोबी अउं छड़ दी छो असा, जेन्हि बुच दुई बंदे फूगिलुस त हिरमुगिनुस बि असे।

2 तिमुथि 4:10

किस कि देमासे इस मतोके सुख चही कइ अउं अकेला छड़ा दिता त थेस्सलुनीका शेहर जे घेई गा। क्रेसकेंस गलाती इलाके अन्तर त तीतुस दलमतिया इलाके अन्तर परमेश्वरे सेवा करण जे गो असा।

2 तिमुथि 4:15

तु बि तस केआं समोझि बिश, किस कि से हें शिक्षाई के सुआ खिलाफ असा।

1 पतरस 3:15

पर मसीह इज्जत दी कइ अपु प्रभु माने। कोउं अगर तुसी केआं मसीह पुठ तुं उम्मीदे बारे पुछियाल, त तस जे परेम त इज्जत जोई जवाब देणे लिए हमेशा तेयार बिशे।