2 तिमुथि 4:1 - Walangi

¹ ए तिमुथियुसा! जे जीन्ता त मुओरी के पंची कते, जेन्के दुबारी पंची करणे टेम त राज करणे टेम नीड़ा असा, अउं तेस परमेश्वर त यीशु मसीह उगाह रख कइ, तोउ चेता दिआई कइ ई निआंग देन्ता कि

2 तिमुथि 4:1 Iomraidhean Croise

मत्ती 16:27

“अउं ई सोब तोउं बोता किस कि मनखे कुआ स्वर्गेदूती साते अपु बोउए महिमा जोई झट एणे बाड़ा असा। तेस टेम से हर यक मेह्‍णु तेन्के कमे फल देन्ता।

लूका 19:12

त तेन तेन्हि जे बोलु, “यक राजे खानदाने मेह्‍णु राजा बणुण जे यक सम्राट केईं गा।

लूका 19:15

“जपल से राजा बण कइ वापस आ त ईं भु कि तेन जेन्हि नौखरी कें धे सिक्के दुतो थिए, से नौखर भिए त तेन्के कमाई बारे पुछु।

लूका 23:42

तोउं तेन बोलु, “ए यीशु, जपल तु अपु शान त राज्य अन्तर घेईयेल, त मोउं धिक याद कर।”

प्रतिनिधि 10:42

तोउं तेन असी जे ई निआंग दिती कि मेह्‍णु के बुछ खुश खबरी शुणाए त उगाही दिए, कि यीशु सेईंए भो जे परमेश्वरे जीन्ते त मरो तेन्के न्याय करण जे नियुक्त किओ असा।

प्रतिनिधि 17:31

किस कि तेन यक ईं रोज ठीक किओ असा, जेस रोज अन्तर से तेस पेहलाई चुणो मेह्‍णु बेलिए मतोके सोबी धरम जोई न्याय कता। होर परमेश्वरे से मरो तेन्हि अन्तरा दुबारी जीआई कइ सोबी जे एस बोकी सबूत दुतो असा।”

कुलोसी 3:4

तोउं, जपल हें जीवने भण्डार मसीह दुबारी पूरे शान त महिमा जुए एईयाल, त अस बि तस जुए साते निश्ते।

2 थेस्सलु 2:8

तोउं से कलंकी मेह्‍णु निसता। पर जपल प्रभु यीशु दुबारी एन्ता, से तेस अपु बोकी बइ मार छता त अपु एणेरी चमके बइ भसम कइ छता।

1 तिमुथि 5:21

अउं यीशु मसीह, परमेश्वर त तसे चुणो स्वर्गेदूती उगाह बड़ाई कइ तोउ जे निआंग देन्ता कि एन्हि सोबी बोकी पूरा मन जोई मनीण दिए। त केसे बि कम अन्तर केहर-बेहर ना करे।

2 तिमुथि 1:10

होर जपल हें बचाणे बाड़ा यीशु मसीह इस धरती पुठ आ त से दाह त मकसद प्रकट भुई। तेन मरणे ताकत खतम कर कइ परमेश्वरे खुश खबरी पुठ विश्वास करणे बाड़ी जे परमेश्वर जुए हमेशा जीणे मौका दिता।

2 तिमुथि 2:14

बे कोईया! सोब विश्वासी जे इन्हि बोकी के बारे चेता दिआन्ता रेह। त परमेश्वरे सम्हाणि जड़कइ कइ बोल कि कुछ शब्दे मतलब जुओई अपफ बुछ झगड़ा भेएड़ा ना करे, किस कि इन्के बेलि कोई फायदा ना भुन्ता। बल्कि जे एन्हि शुणते तेन्के विश्वास खतम भोई घेन्ता।

2 तिमुथि 4:18

होर एण बाड़े रोज अन्तर बि प्रभु मोउं सोबी बुराई केआं छुड़कान्ता त अपु स्वर्गे राज्य अन्तर सही सलामत पुजान्ता। तेसे गुणगान जुग जुग तकर भुन्ति रिहे। आमीन!

2 तिमुथि 4:8

अब एण बाड़े रोज अन्तर मोउं जे धर्मी मेह्‍णु कें धे देण बाड़ा मुकुट रखो असा, जे से न्यायी त धर्मी प्रभु मेन्धे देन्ता। होर तेन्हि सोबी कें धे बि देन्ता, जे तसे एण बोडे चह जुए भाड़ बिशो असे।

तीतुस 2:13

त अपु से बोडे उम्मीद, मतलब हें बोडा परमेश्वर त बचाणे बाड़ा यीशु मसीह दुबारी एणे भाड़ बिशे।

1 पतरस 1:7

पर एसे बेलि तुं विश्वास परखिन्ता कि ए मजबूत असा कि नेईं। किस कि खतम भुणे बाड़ा सुन्ना बि त आगी बेलिए परखिन्ता। तुं विश्वास त सुन्ने केआं बि सुआ कीमति असा। अगर परखुण अन्तर तुं विश्वास मजबूत रेहाल त जपल यीशु मसीह वापिस एन्ता, तपल जे शान त इज्जत परमेश्वर मेणे बाड़ी असी, तेस अन्तर तुस बि हेस्सेदार बणियेल।

1 पतरस 4:5

पर तेन्हि परमेश्वरे अगर अपु हेसाब देण एन्ता, जे जीन्ते त मरो तेन्के पंची करण जे तेयार असा।

1 पतरस 5:4

जपल बोडा पुहाल, मतलब मसीह प्रकट भोल, त तुसी सुआ इज्जते बाड़ा मुकुट मेता, जेसे चमक कदी ना मुकती।

2 पतरस 1:11

बल्कि एस बझई जोई तुस हें प्रभु त बचाणे बाड़ा यीशु मसीहे कदी न खतम भुणे बाड़े राज्य अन्तर इज्जत जुए घेन्ते।

2 पतरस 1:17

किस कि तस परमपिता परमेश्वर केआं इज्जत त ताकत तपल मेईं, जपल सर्व शक्तिमान परमेश्वरे केईआं अवाज आई कि “ए में ट्यारा कुआ भो। एस जुए अउं सुआ खुश असा।”

1 यूहन्ना 2:28

त ए गभुरुओ! मसीह जोई जुड़ बिशे कि जपल से एईयाल त तेस जुए मीण जे तुसी अन्तर हिम्मत भोल, होर तसे सामणि लजेईंण ना एईयेल।

प्र. बोके 1:7

हेरे! से बदेई पुठ सवार भोई कइ एणे बाड़ा असा। होर जेन्हि से कोरो थिआ, से बि तेस हेरते, त तसे बझई जोई धरती पुठि सोब जाति मेह्‍णु अपु अपु डडोर बजान्ते। आं, आं सच्चे बि। आमीन।