2 तिमुथि 3:8 - Walangi

⁸ जीं यन्नेस त यम्ब्रेस मूसे खिलाफ भो थिए, तीं ए गलत शिक्षा शिचालणे बाड़े बि सच्चाई खिलाफ भुन्ते। एन्के दिमाख भस भोई गो असा, होर एन्के विश्वास सद दिखावा असा।

2 तिमुथि 3:8 Iomraidhean Croise

प्रतिनिधि 15:24

असी शुणो असु कि असी बुचा कुछ मेह्‍णु, जेन्के धे असी कोई हक नेओथ दुतो, तेन्हि तुं अठि घेई कइ तुस अपु बोकी बइ परेशान कइ छड़े; त तुस दुमने कइ छो असे।

रोमी 1:28

होर किस कि तेन्हि परमेश्वर मनण बेकार लगा, त परमेश्वरे बि से तेन्के नकम्मे मने वश अन्तर कइ छड़े, ताकि से हउ बि खरे-खोटे कम करियेल।

रोमी 16:18

किस कि ईं मेह्‍णु हें मसीहे ना, पर अपु पेटे सेवा कते। होर चिकनी चुपड़ी बोकी बइ सिधे साधे मने मेह्‍णु बेहकाइ छते।

इफिसुस 4:14

तोउं अस गभुर के ईं नदान ना रेहन्ते, जे हर किस्मे गलत शिक्षाई बेलि बेहक घेन्ते, त जेन्हि दुष्ट मेह्‍णु अपु अपु चलाकी जुए ठगते।

1 तिमुथि 1:19

होर अपु विश्वास त साफ अन्तरात्मा छड़ ना दिए, जेस छड़ दी कइ कत मेह्‍णु के विश्वासे जहाज पाणि अन्तर डूब गो असा।

1 तिमुथि 4:2

ए तेन्हि झूठे मेह्‍णु के कपटे बझई जुए भुन्तु, जेन्के अन्तरात्मा मर गो असी।

1 तिमुथि 6:5

त जेन्के बुद्धि भ्रष्ट भोई गो असी, त जे सच्चाई केआं दूर भोई गो असे, से सोचते की परमेश्वरे वचन शिचालण सुआ धन कठेरणे तरीका असा। तेन्के बुच बेहला झगड़ा भेएड़ा भुन्ता।

2 तिमुथि 4:15

तु बि तस केआं समोझि बिश, किस कि से हें शिक्षाई के सुआ खिलाफ असा।

तीतुस 1:10

किस कि सुआ वेकाबु, बजरीणे बाड़े त धोखा देण बाड़े मेह्‍णु असे, खास कर कइ यहूदी विश्वासी मेह्‍णु केईं।

तीतुस 1:16

से त बोते कि परमेश्वर पिछाणते, पर तेन्के कम ई हरालता कि से तस न पिछाणते। किस कि से रशुणे असे त निआंग ना मानणे बाड़े असे। होर तेन्के बेलि कोई बि खरु कम भुन्ते ई नउ।

2 पतरस 2:14

तेन्के टीर हमेशा नाजायज रिश्ता बणाण जे मौका तोपते रेहन्ते, त से पाप करणे बजन रेही ना सकते। से विश्वास अन्तर कमजोर भुओ मेह्‍णु बेहकाइ छते, त तेन्के मन लालच करण घटी गो असा। तेन्हि परमेश्वरे शराप दुतो असा।

1 यूहन्ना 2:18

ए गभुरुओ! ई जुग खतम भुणे टेम भो। जीं तुसी शुणो असु कि मसीहे विरोधी एणे बाड़ा असा, मेल अभेईं बि सुआ मसीह विरोधी एई गो असे। एस केआं असी पता लगता कि ए अखिरि टेम भो।

1 यूहन्ना 4:1

ए ट्यारेओ! हर यक जेईं पुठ विश्वास ना करे जे ईं बोते कि शुची आत्मा हें अन्तर असी। पर तेन्हि परखिण दिए कि से परमेश्वरे कनारा असे कि नेईं, किस कि मतोक अन्तर सुआ झूठे भविष्य वक्ता बणो असे।

प्र. बोके 2:20

तोउं बि, मोउं तुं खिलाफ ई बोलुण असु कि तुस तेस जिल्हाणु ईजेबेल, जे अपु अपफ जे भविष्य वक्तिणी बोती, अपफ जुए बिशुण दुतो असी। से में सेवक नाजायज रिश्ता रखण जे त मुर्ति पुठ भकत चढ़ो चीज खाण जे लुन्ज देन्ती।

प्र. बोके 2:6

पर आं, तुसी अन्तर यक बोक ई असी कि तुसी नीकुली नओएं मेह्‍णु शिक्षा मानणे बाड़ी के कमी रशुणे लगते, जे मोउं बि रशुणे लगते।