2 तिमुथि 3:6 - Walangi

⁶ एन्हि बुच से मेह्‍णु असे, जे मेह्‍णु ठगाण जे अगरोरिया तेन्के मेहमान बण कइ घेन्ते। त से जे जिल्हाणु सोच विचार अन्तर कमजोर असी, जे अपु सुआ पापी के बझई जुए परेशान असी, त हर किस्मे इच्छाई के जाल अन्तर फसो असी, तेन्हि से अपु गलत शिक्षा शिचालते।

2 तिमुथि 3:6 Iomraidhean Croise

मत्ती 11:28

मोउं केईं एईए तुस सोब, जे मेहनत कर कइ थको असे त परेशानी बेलिए दबीए असे, अउं तुसी अराम देन्ता।

मत्ती 23:13

तोउं यीशु बोलु, “ए कपटी धर्मशास्त्री त फरीसीओ, तुं खेया खाट भोई घेन्ति! तुस मेह्‍णु जे स्वर्गे बत बन्न कते। न त तुस अपफ घेन्ते, होर ना तुस घेणे बाड़ी अन्तर घेण देन्ते।”

मत्ती 23:14

“[ए कपटी धर्मशास्त्री त फरीसीओ, तुं खेया खाट भोई घेन्ति! तुस विधवाई के गी लूट छते, पर हरालण जे चेरे तकर प्रार्थना कते। परमेश्वर सोबी केआं ज्यादा सज्जा तुसी देन्ता।]”

मत्ती 4:24

तोउं पूरे सीरिया देश अन्तर बि तसे चर्चा भुण लगी। त मेह्‍णु तेस केईं सुआ बीमार मेह्‍णु अण्हण लगे, जेन्हि अन्तर सुआ किस्मे बीमारी थी त जेन्हि अन्तर दुष्ट आत्मा भुन्तीथ, होर जेन्हि मिर्गी त अदरंगे बीमारी थी। त तेन सोब सुसुरेरि छड़े।

मरकुस 4:19

पर मतोके चिन्ता, धन दौलते लालच अन्तर एई कइ त अपु मने होरे होरे लोभे बेलि से फस घेन्ते त परमेश्वरे पतूं घेण छड़ देन्ते।

1 कुरिन्थ 12:2

मसीह पुठ विश्वास करणे पेहले, तुस तेन्हि बेजान मुर्ति के वश अन्तर कीं कीं जीन्तेथ त की की कतेथ, तसे बारे त तुसी सुसुर पता असा।

1 तिमुथि 5:6

पर जे विधवा मौज मस्ती करण लगती, से जीं यक किस्मे मरी गो असी।

1 तिमुथि 6:9

पर जे सुआ धन कठेरण चहन्ते, से तेस परीक्षा अन्तर त जाल अन्तर, होर नुकसान देण बाड़ी सुआ लाछ अन्तर फसते, जे तेन्हि हाड़ अन्तर फटान्ती त मुकाई छती।

तीतुस 1:11

तेन्हि चुप कराण जरूरी असु, किस कि ए अपु फायदा लिए जे शिक्षा गलत असी, तस शिचाल कइ सम्हाई के घर उजाड़ुण लगो असे।

तीतुस 3:3

किस कि अस बि पेहले वेबखुफ, बोक ना मानणे बाड़े, होरे होरे बेहकाव अन्तर फसो त होरे होरे इच्छाई त मौजमस्ति गुलामी अन्तर थिए त दुश्माणी त रोभ किढ़ कइ जीन्तेथ। अस बि रशुणे त यक होरी के खिलाफ थिए।

2 पतरस 2:18

से बेमतलब घमण्डे बोके त गलत कमी के बेलिए तेन्हि मेह्‍णु जिसमे बुरी इच्छाई अन्तर फसाई छते, जे बिचारे होता पापे कमी केआं सुधरुण लगो असे।

2 पतरस 3:17

तोउं त, ए ट्यारेओ! किस कि तुसी इन्हि बोकी के बारे पेहलाई पता लग गो असा, त तुस चौकाने बिशे, ताकि बेधर्मी के गलती अन्तर फस कइ विश्वास केईआं ना भटकियेल, होर अपु विश्वास खतम ना करियेल।

यहूदा 1:16

ए से मेह्‍णु भिन्थ जे कदी केसे बोकी पुठ खुश ना भुन्ते। ए हमेशा चरचर कते रेहन्ते त अपु अपु बुरी इच्छाई हेसाब जोई जीन्ते, होर अपु मुंहुए बइ बोडी बोडी बोके कते, त से अपु फायदे लिए कुछ बि बोते रेहन्ते।

यहूदा 1:18

से तुसी जे बोलिआ कतेथ, “अखिरि रोजी अन्तर ईं मेह्‍णु एणे बाड़े असे, जे परमेश्वरे लठ लिहाज ना रखते, बजन भक्ति अपु बुरी इच्छाई हेसाब जोई जीन्ते।”

यहूदा 1:4

किस कि ईं केहि मेह्‍णु मठे नियोक कइ तुसी बुच एई गो असे, जे परमेश्वरे भक्ति ना कते त हें परमेश्वरे कृपादृष्टि यक मखोल ईं समझ कइ लूचियाम कते। होर त होर, ए हें यके मालिक त प्रभु यीशु मसीह बि ना मानते। परमेश्वर एन्हि की सज्जा देन्ता तसे बारे सुआ टेम केआं पेहलाई धरमे कताब अन्तर लिख छो असु।