2 तिमुथि 3:4 - Walangi

⁴ से ठग, फुर्तुआटा, त लूचे भुन्ते। से परमेश्वर जोई परेम करणे बदले अपु मौज मस्ती अन्तर बिशुण ज्यादा पसंद कते।

2 तिमुथि 3:4 Iomraidhean Croise

प्रतिनिधि 19:36

एस बोकी कोई बि नाह कइ न सकता, त तुस शान्त भोई बिशे त बगैर सोचे समझे किछ न करे।

प्रतिनिधि 7:52

भविष्य वक्ती अन्तरा कोउं जेईं तुं बाव दादु ना भुंजा? तेन्हि से बि मार छड़े जेन्हि तेस धर्मी यीशु एणे बारे पेहलाई केआं बोल छो थी। त अब तुस तेस धर्मी टोवाणे बाड़े त मरवाणे बाड़े बण गो असे।

रोमी 11:20

अउं बोता कि तुसी सही बोलु। से त विश्वास ना करणे बझई जोई तेस बुटे केआं कटी गे। पर तुस विश्वास करणे बझई जोई जुड़ बिश्ते। तोउं त, घमण्ड ना करे, पर डर कइ बिशे।

रोमी 16:18

किस कि ईं मेह्‍णु हें मसीहे ना, पर अपु पेटे सेवा कते। होर चिकनी चुपड़ी बोकी बइ सिधे साधे मने मेह्‍णु बेहकाइ छते।

1 तिमुथि 3:6

फि नोउआं विश्वासी ना भुण चहिए, किस कि ईं ना भुओ लौतु कि से रोभ किढ़ाल त शैताने ईं सज्जा मेईंयेल।

1 तिमुथि 5:6

पर जे विधवा मौज मस्ती करण लगती, से जीं यक किस्मे मरी गो असी।

1 तिमुथि 6:17

इस मतोके अमीर मेह्‍णु जे बोल कि से अपु धन पुठ रोभ ना किढ़े त जेस धने कोई विश्वास नेईं तस पुठ भरोसा ना करे। बल्कि परमेश्वर पुठ अपु भरोसा रखे जे हें सुखे लिए सोब कुछ खुल कइ देन्ता।

यहूदा 1:19

ए से भिन्थ जे मेह्‍णु अपफ बुच झगड़ान्ते। ए जिसमे बुरी इच्छाई हेसाब जोई जीणे बाड़े से मेह्‍णु भिन्थ, जेन्हि अन्तर परमेश्वरे आत्मा असीए नउ।

यहूदा 1:4

किस कि ईं केहि मेह्‍णु मठे नियोक कइ तुसी बुच एई गो असे, जे परमेश्वरे भक्ति ना कते त हें परमेश्वरे कृपादृष्टि यक मखोल ईं समझ कइ लूचियाम कते। होर त होर, ए हें यके मालिक त प्रभु यीशु मसीह बि ना मानते। परमेश्वर एन्हि की सज्जा देन्ता तसे बारे सुआ टेम केआं पेहलाई धरमे कताब अन्तर लिख छो असु।