2 तिमुथि 3:2 - Walangi

² किस कि मेह्‍णु मतलबी, लोभी, रोभ किढ़णे बाड़े, घमण्डी, होरी के बुराई करणे बाड़े, अपु ईया बोउए केहणा ना मानणे बाड़े, खुदगर्ज, बेधर्मी बण घेन्ते।

2 तिमुथि 3:2 Iomraidhean Croise

मत्ती 15:6

ईं कर कइ तुस अपु ईये बोउए बेज्जती कते त अपु रीति रिवाजे बझई जोई परमेश्वरे निआंग न मानते।

लूका 12:15

त तेन तेन्हि जे बोलु, “हेरी बिश, त सोबी लालच केआं अपफ बचाई रख; किस कि धने बेलि केसेरी जिन्‍दगी लम्मी या छोटी ना भुन्ति।”

लूका 16:14

फरीसी, जे लालची थिए इ बोक शुण कइ तसे मखोल बणाण लगे।

लूका 6:35

पर तुस अपु दुश्माण जोई परेम करे। होरी के भलाई करे त दुबारी ना मेणे उम्मीद रख कइ उधार दिए। तोउं, तुं लिए बोडा फल भुन्ता त तुस सर्व शक्तिमान परमेश्वरे गभुर बोलिन्ते, किस कि से बुरे त गुणे लिहाज न रखणे बाड़ी पुठ बि दाह कता।

प्रतिनिधि 5:36

किस कि कुछ सालुं पेहले थेउदास नओएं यक बंदा ईं बोता खड़िया कि से बि कुछ भो; तपले कोई चोउर सौ मेह्‍णु तेस जोई मी गे। पर से मार छड़ा, होर जतु मेह्‍णु तसे पता भुओ थिए, से सोब खिल्हिर गे त तेन्के बेलिए कुछ ना भु।

रोमी 11:18

त तुसी अपु डाई पुठ घमण्ड ना करण। अगर तुस घमण्ड कते त याद रखे कि तुस सीरी ना, पर सीरे तुसी पाड़ती।

2 कुरिन्थ 5:15

सम्हाई जेईं जे मसीह इस बझई जुए मुआ, कि जे जे बि मर कइ दुबारी जी घेन्ते, से अपु मर्जी जुए ना, बल्कि तसे मर्जी जुए जीएल जे तेन्के खातिर मर गा त दुबारी जी बि गा।

कुलोसी 3:5

तोउं त अपु जिसमे बुरी इच्छाई बेलि जीण छड़ दिए त नाजायज रिश्ता रखुंण, बेशर्मे कम करण, बेख्याल जीण, सद अपु इच्छाई मोह अन्तर बिशुण त लालच करण जे कि मुर्तिपुजा करणे ईं असी, इन्हि सम्हाई बुरे कम केआं दूर बिशे।

2 थेस्सलु 2:4

से अपफ परमेश्वरे त जे पूजा करणे लेएक असे, तेन्के खिलाफ भुन्ता त अपफ जे बोडा बोता। से अपफ जे परमेश्वर बोता त परमेश्वरे देहेर अन्तर पासर बंठ कइ बिश्ता।

1 तिमुथि 1:20

तेन्हि बुच हुमनियुस त सिकन्दर असे, जे मेईं सतसंग केआं बखरे कर कइ शैताने हवाले किओ असे, ताकि से परमेश्वरे बुराई करण छड़ दिए।

1 तिमुथि 1:9

असी ईं बि पता असा कि नियम धर्मी जे नेईं बल्कि तेन्हि सोब मेह्‍णु जे बणो असा, जे अधर्मी, दुष्ट, अविश्वासी, पापी, अशुचा, त ईया बोउ मारणे बाड़े, मेह्‍णुमार असे

1 तिमुथि 3:3

ना प्याकड़, ना कुटीण बाड़ा, ना झगड़ीण बाड़ा त ना लालची लौता, बल्कि से खरा लौता।

1 तिमुथि 6:10

किस कि रुपेई के लालच सोबी बुराई के जड़ असी, जेस तोपते तोपते सुआ मेह्‍णु परमेश्वरे सच्चा वचन छड़ दी कइ अपु अपफ सुआ दुखे बेलि लहुलुहान किओ असे।

1 तिमुथि 6:4

से मेह्‍णु चौड़ा भोई गो असा त तस अपफ पता नेईं कि से मेह्‍णु की की शिचालता। पर तस कुछ शब्द पुठ झगड़ीणे बीमारी लग गो असी, जेसे बेलि जड़ण, लड़ाई, बुरी बोक त होरी पुठ झूठा बेहेम पैदा भुन्ता।

2 तिमुथि 3:4

से ठग, फुर्तुआटा, त लूचे भुन्ते। से परमेश्वर जोई परेम करणे बदले अपु मौज मस्ती अन्तर बिशुण ज्यादा पसंद कते।

याकूब 2:8

अगर तुस परमेश्वरे तेस नियम मानते जे कि तसे राज्ये नियम असा त तुस खरु कते। से नियम भो: “तु अपु भेयाड़ जोई अपु बराबर परेम कर।”

याकूब 4:16

पर तुस त अपु तिकड़म पुठ बधरेईन्ते। ई सोब बधरेईण बुरु भुन्तु।

याकूब 4:6

पर परमेश्वर बि असी पुठ सुआ कृपा कता; तोउं त ई लिखो असु, “परमेश्वर घमण्डी विरोध कता, पर जे अपफ घटान्‍ते तेन्हि पुठ कृपा कता।”

1 पतरस 5:5

इहांणि, ए जवानों! तुस बि सतसंगे स्याणी के वश अन्तर बिशे। पर तुस सोब के सोब होरी केईआं अपफ जे घट समझे, किस कि धरमे कताब अन्तर लिखो असु कि “परमेश्वर घमण्डी के विरोध कता। पर जे अपफ जे घट समझते, तेन्हि पुठ दाह दया कता।”

2 पतरस 2:10

खास कर तेन्हि जे परमेश्वर सुआ सक्ति कता, जे तसे राज ना मानते त सद अपु जिसमे बुरी इच्छाई हेसाब जुए जीन्ते। से गलत शिक्षा देणे बाड़े ढीठ त लापरवाह असे, त अपफ केईआं बोडी जे भलु बुरु बोलुण जे बि ना डरते।

2 पतरस 2:12

पर ए मेह्‍णु बेअक्ले जानवर के ईं असे, जे सद मेह्‍णु के बेलि टेईंण त खतम भुण जे पैदा भो असे, होर जेन्हि बोकी के बारे ए जाणते ई नउ, तेन्के बारे होरी जे भलु बुरु बोते। परमेश्वर एन्हि खतम कइ छता, जीं मेह्‍णु जंगली जानवरी मारते।

2 पतरस 2:18

से बेमतलब घमण्डे बोके त गलत कमी के बेलिए तेन्हि मेह्‍णु जिसमे बुरी इच्छाई अन्तर फसाई छते, जे बिचारे होता पापे कमी केआं सुधरुण लगो असे।

2 पतरस 2:3

से लालची भुन्ते त अपु फायदे लिए फेशि लाई कइ तुसी ठगान्ते। पर तेन्के सज्जा परमेश्वरे पेहलाई शुणाई छो असी। तेस एणे देर नेईं भो, त तेन्के खातमा नेईं टलो।

यहूदा 1:16

ए से मेह्‍णु भिन्थ जे कदी केसे बोकी पुठ खुश ना भुन्ते। ए हमेशा चरचर कते रेहन्ते त अपु अपु बुरी इच्छाई हेसाब जोई जीन्ते, होर अपु मुंहुए बइ बोडी बोडी बोके कते, त से अपु फायदे लिए कुछ बि बोते रेहन्ते।

प्र. बोके 13:1

तोउं मेईं यक खतरनाक जानवर समन्दर अन्तरा निस्ता काआ, जेसे दस शंग त सत मगिर थी। तसे शंग पुठ दस मुकुट थिए, होर तसे सत मगरी पुठ परमेश्वरे बुराई करणे बाड़ु नओं लिखो थिउ।

प्र. बोके 16:11

अपु दुख तकलीफ त खेड़ी के बझई जोई मेह्‍णु स्वर्गे परमेश्वरे बुराई की, पर अपु अपु बुरे कमी के लिए पछताण ना चहु।

प्र. बोके 16:21

अम्बर केआं मेह्‍णु पुठ जे मणे मणे शरवाठे झड़े। ए बुखता सुआ बोडी भारी थी। मेह्‍णु शरवाठी के बुखताई के बझई जोई परमेश्वरे बुराई की।

प्र. बोके 16:9

मेह्‍णु सुआ गरमी बइ भुरड़ी गे, त तेन्हि तेस परमेश्वरे नओएं बुराई की, जेस अन्हि बुखताई पुठ हक थिआ। तेन्हि पछताण ना आउ, होर परमेश्वरे गुणगान करुण ना चहा।