2 तिमुथि 3:15 - Walangi

¹⁵ होर परमेश्वरे वचन जे तेईं मठड़ियार केआं पिछाणो असे, तेन्हि पुठ बि विश्वास कते रिहे, किस कि ए यीशु मसीह पुठ विश्वासे बेलि बचुण जे तोउ अक्लदार बणाई बटते।

2 तिमुथि 3:15 Iomraidhean Croise

मत्ती 22:29

यीशु तेन्हि जे जवाब दिता, “तुस गलत असे। तुस ना त धरमे कताब जाणते, होर ना परमेश्वरे ताकते बारे जाणते।

लूका 1:15

किस कि ए तें कुआ परमेश्वरे यक बोडा सेवक बणता। से सरा त अराख कदी न पीन्ता त अपु ईयेरी पेट अन्तर शुची आत्माई बेलि भरी भुन्ता।

लूका 2:40

त जीं दन बीतते गे तीं तीं से कुआ मोटीण लगा त तसे अक्ल बि तेज भुन्ति गई। त परमेश्वरे कृपादृष्टि तस पुठ थी।

लूका 24:27

त से मूसे केआं शुरु कर कइ सोब भविष्य वक्ते त पूरी धरमे कताब अन्तर तसे बारे जीं जीं बि लिखो असु से समझाई छोउ।

लूका 24:32

त तेन्हि अपफ बुच बोलु, “जपल तेन बत असी जुए बोके की त धरमे कताबे मतलब असी समझाई त कि हें मन अन्तर खुशी ना भुई ना?”

लूका 24:45

तोउं तेन धरमे कताब समझणे जे तेन्के सोबी कें धे बुद्धि दिती।

यूहन्ना 5:47

पर अगर तुस तसे लिखो बोकी पुठ विश्वास ना कते, त में बोकी पुठ कीं कइ विश्वास कते?”

प्रतिनिधि 10:43

यीशु बारे ईं सोब भविष्य वक्ते उगाही देन्ते कि जे कोउं तेस पुठ विश्वास कता, तेस तसे नओएं बेलिए पापी के माफी मेई घेन्ति।”

प्रतिनिधि 13:29

जपल तेन्हि तसे बारे धरमे कताब अन्तर लिखो हर यक बोके पूरी की, तोउं तसे लाश तसे चेले क्रूस पुठा भीं किढ़ कइ कब्र अन्तर छइ।

प्रतिनिधि 16:1

तोउं पौलुस, त सीलास देरबे त लुस्त्रा शेहर पूज गे। तठि तिमुथियुस नओएं यक विश्वासी भाई थिआ। तसे बोउ यूनानी थिआ त ई यहूदण थी, पर मसीह पुठ विश्वास कतीथ।

प्रतिनिधि 17:2

पौलुस अपु रीति हेसाब जोई तठि तेन्के भेएड़ गा। तेन टाहो लिंगि भक्ति करणे रोज तेन्हि जोई बेहेस की। त धरमे कताब तेन्हि समझाई कइ

प्रतिनिधि 26:24

जपल पौलुस अपु बचाव अन्तर ईं बोलुण ईं लगो थिआ दे, राज्यपाल फेस्तुसे जोरी जोई बोलु, “ए पौलुसा, तें दिमाख त ठीक असा ना? सुआ पढ़णे बेलिए तु जगरी गो असा।”

रोमी 1:2

एस खुश खबरी बारे ईं तेन सुआ सौ साल पेहले जुबान दुतो थी कि से अपु भविष्य वक्ती के बेलि लिखो बोकी अन्तरा एस हरालता, जीं धरमे कताब अन्तर असु।

रोमी 16:26

पर अब तसे भिहो खुल गो असा। भविष्य वक्ती के लिखो बोकी के बेलि, परमपिता परमेश्वरे निआंगी बइ एसे बारे अब हर जाति मेह्‍णु बिच प्रचार भुओ असा, ताकि सोब जेईं तस पुठ विश्वास कर कइ मानियेल।

रोमी 2:27

तोउं त, जे मेह्‍णु जिसमे हिसाब जोई बगैर खतने असा, पर अगर से नियम पूरा कता, त कि से तोउ दोषी बड़ाई ना छता ना, किस कि तु नियम जाण कइ बि त अपु जिसमे खतना कर कइ बि नियम ना मानता?

1 कुरिन्थ 1:21

किस कि परमेश्वर अपु बुद्धि बेलिए ठीक किउ कि मेह्‍णु अपु अक्ली बेलि तसे बारे पता ना लगियाल, बल्कि तेस ई खरु लगु कि हें खुश खबरी प्रचार पुठ जेन्हि विश्वास किआ, तेन से बचा। केहि मेह्‍णु समझते कि अस इरुह अपु शंकरेड़ शुखाड़ण लगो असे।

इफिसुस 6:4

ए गभुरु बाड़िओ! तुस अपु गभुर इरुह लेहेर ना दिआए! बल्कि प्रभु दुतो बुद्धि त धीरज जुए तेन्हि शिक्षा दी कइ वश अन्तर करे।

1 तिमुथि 4:13

जपल तकर अउं ना एईयाल, तपल तकर सतसंग अन्तर धरमे कताब पढ़ीण, शिचालण त प्रवचन देन्ता रेह।

2 तिमुथि 1:1

ए ट्यारे तिमुथियुसा, में कोईया! अउं पौलुस इस चिट्ठि लिखुण लगो असा। परमेश्वरे अपु इच्छाई मुताविक अउं यीशु मसीहे प्रतिनिधि बणो असा त यीशु मसीह अन्तर जे जीवने जुबान असी, तसे प्रचार करण जे लंघो असा, परमपिता परमेश्वरे त हें प्रभु यीशु मसीहे दाह, कृपादृष्टि, त शान्ति तोउ पुठ भुन्ति रिहे। आमीन!

2 तिमुथि 1:5

मोउं तेस सच्चे विश्वासे याद एन्ती, जे पेहले तें नानि लोइस त तें ई यूनिक अन्तर थिआ। होर मोउं पूरा यकीन असा कि सेईंए विश्वास तोउ अन्तर बि असा।

2 पतरस 3:16

तिहांणि तेन अपु सोबी चिट्ठि अन्तर बि अन्हि बोकी के बारे लिखो असु, जेन्हि अन्तर केहि बोके ईं असी कि जे समझुण जे ओखी असी। होर नासमझ त दुमने मेह्‍णु तेन्के मतलब मरोड़ कइ अपु खातमा कराणे बझह बणान्ते, जीं से धरमे कताबे होरी बोकी के बि कते।

प्र. बोके 19:10

तोउं त, अउं तेस स्वर्गेदूते पूजा अराधना करण जे तसे खुरी पुठ उटेऊ बिश गा। पर तेन मोउं जे बोलु, “ईं ना कर, अउं त तें ईं त यीशु मसीहे उगाही देणे बाड़े तें एन्हि भाई के ईं यक सेवक भो। पूजा अराधना करीण असी त परमेश्वरेरी करे, किस कि भविष्य वाणि करणे खास मकसद यीशु मसीहे प्रचार भो।”