2 तिमुथि 3:12 - Walangi

¹² सच्चाई ई असी कि जे बि यीशु मसीह अन्तर भक्ति जुए जीण चहन्ते, तस सोबी केआं कष्ट त उहियामा मेता।

2 तिमुथि 3:12 Iomraidhean Croise

मत्ती 16:24

तोउं यीशु अपु चेली जे बोलु, “जे कोउं में पता एण चहन्ता, से अपु मने मुताविक जीण छड़ दिए, त अपु दुख त मरुण सेहणे लिए तेयार भोई कइ में पता एईए।

मत्ती 23:34

हेरे, अउं तुसी केईं भविष्य वक्ती, ज्ञानी मेह्‍णु त सही बोक शिचालणे बाड़े शास्त्री लंघान्ता, त तुस तेन्हि बिचा आधी मार छते, आधी क्रूस पुठ ढनान्ते त आधी अराधनालय अन्तर चाबुके बइ मडवान्ते त शेहर शेहर दौड़ान्‍ते।

मरकुस 10:30

तस मेह्‍णु भुंजान्ते, फि बि इस टेम तस सद सौ गुणा घरबार, भाई भेण, ई बोउ, गभुरु-छिएड़ु, बग-बघुईएं ना मेती, बल्कि तस त एण बाड़े रोज अन्तर अमर जीवन बि मेता।

यूहन्ना 16:2

से तुसी अराधनालय केईआं बाहर किढ़ छते। ईं बि टेम एन्ता, जपल मेह्‍णु तुसी मार कइ समझते कि से परमेश्वरे सेवा करण लगो असे।

यूहन्ना 16:33

ई सोब बोक मेईं तुसी जे तोउं बोली कि में बेलि तुसी शान्ति मेईंयेल। इस मतोक अन्तर तुसी दुख भुन्ता, पर हिम्मत रखे, किस कि मेईं ई मतोक जीतो असा।”

यूहन्ना 17:14

मेईं तुं बोक इन्हि शुणाई छो असी त एन्हि तेन्हि पुठ विश्वास कइ छो असा। पर धरती मेह्‍णु एन्हि भुंजान्ते, किस कि जीं अउं इस धरती मेह्‍णु के ईं नेईं, तीं ए बि इस धरती मेह्‍णु के ईं नेईं।

प्रतिनिधि 14:22

बत से विश्वासी के मन टकाई कइ, विश्वास अन्तर पक्का भोई बिशुण जे हिम्मत देन्तेथ, त ईं बोतेथ कि “असी सुआ दुख तकलीफ सेही कइ परमेश्वरे राज्य अन्तर घेण असु।”

1 कुरिन्थ 15:19

अगर अस सद इस मतोके जीवने लिए मसीह पुठ उम्मीद रखते त असी केआं बोडे नभागे होरे कोई नेईं।

2 कुरिन्थ 1:12

अस इस बोकी पुठ रोभ किढ़ बटते त हें अन्तरात्मा बि इ उगाह देन्ती कि असी पूरी सच्चाई जुए, शुची जिन्‍दगी जीओ असी, खास कर तुं सामणि। ए असी मेह्‍णु दुतो ज्ञाने बेलि नेईं किओ, बल्कि परमेश्वर केआं भुओ कृपादृष्टि बेलि।

2 कुरिन्थ 4:9

सुआ लिंगि अस भुंजो असे, तोउं बि अस अकेले नेईं भुओ। सुआ लिंगि झड़ो असे, तोउं बि अस खतम नेईं भुओ।

1 तिमुथि 2:2

परमेश्वरे सम्हाणि राजा त होरे मोटे अधिकारी जे बि प्रार्थना करे, ताकि अस सुख शान्ति जुए परमेश्वर पुठ विश्वास कर कइ त पूरी इज्जत जुए जी बटियेल।

1 तिमुथि 3:16

होर एथ अन्तर कोई शक नेईं कि हें विश्वासे नियोको बोक सुआ बोडी असी: यीशु मसीह मनख बण कइ जमा, शुची आत्माई तस धर्मी बोलु, तेन स्वर्गेदूती दर्शण दिते, त तेस बारे पूरी धरती पुठ प्रचार भुआ, धरती पुठ सुआ मेह्‍णु तेस पुठ विश्वास किआ, त परमेश्वर बोडी महिमा जुए तस स्वर्ग जे घिन गा।

1 तिमुथि 6:3

हें प्रभु यीशु मसीहे बोके त शिक्षा परमेश्वरे इच्छाई हेसाब जुओई असी। त जे मेह्‍णु तस खरी शिक्षा छड़ दी कइ गलत शिक्षा देन्ता,

तीतुस 1:1

में ट्यारे तीतुस, परमेश्वरे गुलाम त यीशु मसीहे प्रतिनिधि अउं पौलुस तोउ जे नमस्कार कता। परमेश्वरे अउं लंघो असा ताकि तसे चुणो मेह्‍णु बुच विश्वासे बारे प्रचार करुं त तेन्हि सच्चाई शिचालुण, जेसे बेलि तेन्हि पता लगियाल कि परमेश्वर मनी कइ कीं जीण।

तीतुस 2:12

त से असी खबरदार कती कि अभक्ति त मतोके इच्छा छड़ दी कइ अपु मन बदलाए। त इस कलि जुग अन्तर पूरे भक्ति त इमानदारी जुए त समोझि कइ अपु अपु उमर कटे,

1 पतरस 3:14

अगर तुसी भलाई करणे बझई जुए दुख बि मेईंयाल, त तुस धन्य असे; तोउं बि मेह्‍णु के डराणे बेलिए न डरे, होर न परेशान भुए।

2 पतरस 3:11

त किस कि ए सोब चीजे ईं भुई कइ खतम भुणे बाड़ी असी, त तुं चाल चलण त जीण की भुण लौता? जरूर शुचा त परमेश्वरे भक्ति बइ भरिए लौता।

प्र. बोके 12:4

तेन अपु पुंछड़ी बइ अम्बरे तारी केआं टाई हेस्से तारे थुस कइ धरती पुठ फटाई छड़े। से राकस तेस जिल्हाणु समाणि खड़ खड़ बिश गा, जे गभुरवाल थी कि से गभुरु जमाणियेल त तेस निलग छता।

प्र. बोके 7:14

मेईं तेस जे बोलु, “मालिका! तुईएं जाणता।” तेन मोउं जे बोलु, “ए से भिन्थ, जे तेस मोटी अशी केआं बच कइ अओ असे। अन्के हच्छे झिणे हरालते कि अन्हि अपु अपु पाप त दोष किएऊ लहुए बइ धोई छो असे।