2 तिमुथि 3:10 - Walangi

¹⁰ पर ए तिमुथियुसा! तोउ ठीक ठाक पता असा कि मेईं मेह्‍णु कीं खरी शिक्षा शिचालो असी, त मेईं कीं खुश खबरी लेएक जिन्‍दगी जीओ असी। तोउ पता असा कि खुश खबरी प्रचार करण अन्तर में मकसद कीं रेहा, त मेईं कीं यीशु मसीह पुठ विश्वास कर कइ सुआ लाह रखा। तोउ ई बि पता असा कि मेईं कीं सम्हाई मेह्‍णु जोई परेम किओ असा त कीं मुश्किले टेम अन्तर बि तसे सेवा किओ असी।

2 तिमुथि 3:10 Iomraidhean Croise

लूका 1:3

तोउं त, ए मान्यवर थियुफिलुस जी! किस कि अउं लूका अपफ बि ए सोब बोक शुरु केआं जांच पड़ताल कइ छो असी, त मोउं ई खरु लगु कि ए सोब बोके सुसुर जुढ़ेर कइ तुसी जे लिखुं,

प्रतिनिधि 11:23

जपल से तठि पुजा त परमेश्वरे कृपा हेर कइ खुश भोई गा। तोउं तेन तेन्हि सोबी जे हिम्मत दी कइ बोलु कि पूरे मन जुओई प्रभु भक्ति करे।

प्रतिनिधि 2:42

होर प्रतिनिधि केआं शिचण, सतसंग करण, साते रौठि खाण त प्रार्थना दुआ करण अन्तर मस्त भोई गे।

प्रतिनिधि 20:18

जपल से हंट कइ तेस केईं ए, त पौलुसे तेन्हि जे बोलु: “तुस जाणते कि एशिया इलाके पुजणे पेहले रोज केआं तुसी जोई साते बिशणे अखिर रोज तकर अउं कीं जीआ।

प्रतिनिधि 26:4

“अउं मठड़ियारी केआं अपु देशे अन्तर त यरुशलेम शेहर अन्तर कीं कइ जीआ, तसे बारे सोब यहूदी मेह्‍णु जाणते।

रोमी 16:17

ए ट्यारेओ, अउं तुं छने कता कि तुस तेन्हि मेह्‍णु तालीण दिए जे मेह्‍णु झगड़ान्ते त जे शिक्षा तुसी मेओ असी, तेसे खिलाफ भोई कइ होरी के विश्वास मुकान्ते। तेन्हि केईआं दूर बिशे।

2 कुरिन्थ 1:17

त ई उपाय करुं अन्तर, मेईं कि जल्दबाजी की ना? की अउं होरे मेह्‍णु के ईं अपु फायदा लिए अभेईंए “हाँ, हाँ” त अभेईंए “ना, ना” बोलुण जे तेयार असा ना?

इफिसुस 4:14

तोउं अस गभुर के ईं नदान ना रेहन्ते, जे हर किस्मे गलत शिक्षाई बेलि बेहक घेन्ते, त जेन्हि दुष्ट मेह्‍णु अपु अपु चलाकी जुए ठगते।

फिलिप्पी 2:20

में सम्हाई साथी अपु अपु फायदा तोपुण लगो असे। यीशु मसीह तेन्हि केआं की कराण चहन्ता तसे बारे कोई बि ना सोचते। सद तिमुथियुस अपु मन अन्तर पूरे सच्चाई जुए तुं भलाई सोचता।

फिलिप्पी 2:22

तुसी त से परख कइ पिछाणो असा कि से कत भरोसे लेएक असा। जीं कुआ अपु बोउए बोकी नकल कता, तीं से बि मोउं जुए खुश खबरी प्रचार करण अन्तर कष्ट कता।

1 थेस्सलु 1:5

किस कि जपल असी खुश खबरी तुसी शुणाई त से सद बोक नेओथ, पर तठि शक्ति त शुची आत्मा, होर पक्का विश्वास थिआ। तुसी त पता ईं असा कि अस तुं भलाई लिए तुं बुच कीं बिशतेथ।

1 तिमुथि 1:3

बे कोईया! मकिदुनिया देश घेन्ते टेम मेईं जीं तु समझो थिआ कि इफिसुस शेहर अन्तर बिश कइ गलत शिक्षा देण बाड़ी जे बोल कि “गलत शिक्षा ना दिए” तस अउं फि दुबारी बोता।

1 तिमुथि 4:6

बे कोईया, अगर तु विश्वासी भाई भेणि जे इन्हि बोकी के चेता दिआन्ता रेहन्ता त तु यीशु मसीहे बधिआ सेवक बणता। त विश्वासे वचन त जे खरी शिक्षा तेईं अभेईं तकर मनो असी, तेन्हि बोकी बइ तें लालन-पालन भुन्ता रेहन्ता।

1 तिमुथि 6:11

पर ए परमेश्वरे मनखा, तिमुथियुसा! तु इन्हि सोबी बोकी केआं दूरु बिश त धरम, भक्ति, विश्वास, परेम, धीरज त अपफ घटाई कइ बिशुण जे अपु पूरी ताकत ला।

2 तिमुथि 2:22

तोउं त में कुआ, जे पापे कम जवान मेह्‍णु करण चहन्ते, तेस केआं दूर बिश त जे शुचे मन जुए परमेश्वरे सेवा कते, तेन्हि जुए मी कइ परमेश्वरे नजर अन्तर अब्बल जीणे, तसे यकीन लेएक भुणे त होरी जे परेमे करणे, होर उई मी कइ बिशुण जे जीं तीं कोशिश कर।

2 तिमुथि 4:2

हर वकत खुश खबरी प्रचार करण जे तेयार बिश, त पूरे लाह जुए त शिक्षा जुए मेह्‍णु मना, जड़का त समझाण दे।

2 तिमुथि 4:3

किस कि ईं टेम बि एन्ता जपल मेह्‍णु खरी शिक्षा ना मानते, पर अपु अपु पापे गुणे खातिर सद तिहांणि शिक्षा शिचालणे बाड़ी कठेरते, जे से शुणुण पसंद कते।

2 तिमुथि 4:7

मेईं परमेश्वरे खुश खबरी खातिर यक फौजी ईं अपु जी जान लोओ असी, त परमेश्वरे तेस सेवाई दौड़ पूरी की, होर विश्वासेरी जे शिक्षा परमेश्वर मेन्धे दुतो थी, से सुसुर जुढ़ेरी रखो असी।

तीतुस 2:7

तु अपफ बि सोबी चीज अन्तर खरे कम कर कइ तेन्के नमूना बण। तें शिक्षा अन्तर इमानदारी, इज्जत

इब्रानी 13:9

तोउं त, होरे होरे अजीब प्रवचन शुण कइ यीशु पुठ विश्वास करण छड़ न दिए। खरु ई असु कि परमेश्वरे कृपाई बेलि हें मन ताकत मेओ लौती, ना कि खाणे पीणे चीजी के बेलि, किस कि खाणे पीणे नियम मानणे बाड़ी के तेन्हि नियमे बेलि कुछ फायदा न भुआ।

2 पतरस 3:11

त किस कि ए सोब चीजे ईं भुई कइ खतम भुणे बाड़ी असी, त तुं चाल चलण त जीण की भुण लौता? जरूर शुचा त परमेश्वरे भक्ति बइ भरिए लौता।