2 तिमुथि 2:9 - Walangi

⁹ त इस बझई जुए दुष्टी के ईं अउं कष्ट पाण लगो असा। सद एतुरु ना, बल्कि जेहेल अन्तर बि कैद असा। पर परमेश्वरे वचन कोई कैद ना कइ बटता।

2 तिमुथि 2:9 Iomraidhean Croise

लूका 23:32

से दुई होरे मेह्‍णु जे डाकु थिए से बि तस जुए साते मरण जे नीओ थिए।

प्रतिनिधि 21:33

तोउं सेनापति भेएड़ एई कइ से टाइ छड़ा; त दुई शंकीड़ी बइ बन्हणे निआंग दी कइ पुछुण लगा, “ए कोउं भो त एन की किओ असु?”

प्रतिनिधि 28:31

होर से नडर भोई कइ, बगैर कोई परेशानी सुसुर सुसुर परमेश्वरे राज्य त प्रभु यीशु मसीहे बारे प्रचार कता त शिचालता रिहा।

प्रतिनिधि 9:16

होर अउं तेस हरालता कि में नओएं लिए तेस की की दुख सेहण एन्ते।”

इफिसुस 3:1

में ट्यारे भाई त भेणिओं! मसीह यीशु बारे उगाही देणे बझई जुए ईं अउं पौलुस तुं लिए कैदी भुओ असा।

फिलिप्पी 1:7

तुसी में सात पेहले तपल दिता जपल अउं खुल कइ खुश खबरी प्रचार कताथ त खुश खबरी विरोध करणे बाड़ी जे तसे सच्चाई बार उगाह देन्ताथ त अभेईं बि देण लगो असे, जपल अउं जेहेल अन्तर कैद असा। त ए जायज असा कि अउं तुसी बोडे खुशी जुए याद कता। त तुसी अन्तर में कांया घेई गो असी।

कुलोसी 4:18

अउं पौलुस अपु हथे बइ ए नमस्ते लिखुण लगो असा। याद रखे कि अउं मसीहे बझई जोई कैदी असा। परमेश्वरे कृपादृष्टि तुसी सम्हाई पुठ भुन्ति रिहे।

कुलोसी 4:3

अपु प्रार्थना दुआ अन्तर असी जे बि दुआ करे कि मसीह अन्तर परमेश्वरे जे नियको योजना असी, तसे बारे प्रचार करुण जे असी सुआ मौका मेईंयाल, जेसे प्रचार करणे बझई जुए अउं अभेईं जेहेल अन्तर असा।

1 थेस्सलु 1:8

किस कि तुसी केईआं परमेश्वरे वचन अभेईं ना सद मकिदुनिया त अखया इलाके अन्तर प्रचार भुण लगो असा, बल्कि तस केआं बाहर बि भुण लगो असा। त जेठि जेठि बि अस घेन्ते, तठि मेह्‍णु परमेश्वर पुठ तुं विश्वासे बारे बोके कते। असी कुछ बि बोलुण ना एन्तु।

2 थेस्सलु 3:1

ए भाई त भेणिओं! अखिर अन्तर अस छनेअरे कते कि असी जे प्रार्थना करे। प्रभु बारे समाचार जीं तुसी बुच फैलो थिआ, तीं झटपट चोहरो कना फैलो लौता त तसे महिमा भुओ लौती।

2 तिमुथि 1:12

इस बझई जुए अउं ए सोब दुख बि सेहन्ता पर लजिन्ता नोउ, किस कि मेईं जेस पुठ विश्वास किओ असा, तस मसीह जाणता। मोउं मसीह पुठ पूरा यकीन असा कि तसे न्याय करणे रोज तकर सेईंए परमेश्वरे दुतो खुश खबरी रखवाली कइ बटता।

2 तिमुथि 1:16

प्रभु उनेसिफुरुसे टब्बर पुठ दाह करे, किस कि तेन सोब लज शरम छड़ कइ अउं, जे यक कैदी असा, मोउं मीण जे सुआ लिंग एई कइ मोउं सुख दिता।

2 तिमुथि 1:8

तोउं त हें प्रभु बारे उगाही देण केआं त अउं जे तसे कैदी असा, असी केआं ना लजीण। पर परमेश्वर जे शक्ति देन्ता तेसे बेलि खुश खबरी प्रचार करण अन्तर मोउं जुए कष्ट सेह।

2 तिमुथि 2:3

तु यीशु मसीहे यक सच्चे फौजी ईं असी जुए खुश खबरी प्रचार करण अन्तर कष्ट सेह।

2 तिमुथि 4:17

पर प्रभु मोउं जुए बिशा त मेन्धे अपु ताकत दिती, ताकि में बेलि खुश खबरी पूरा प्रचार भोल त सम्हाई गैर यहूदी तस शुणेल। त अउं मरुण केआं बच गा।

1 पतरस 2:12

होरे परमेश्वर ना मानणे बाड़े मेह्‍णु के बुच तुं चाल चलण ईं खरा लौता भो कि जेन्हि जेन्हि बोकी अन्तर से तुसी कुकर्मी मान कइ बदनाम कते, से तुं खरे कम हेर कइ परमेश्वरे एणे रोज तसे गुणगान करियेल।

1 पतरस 2:14

या राजे लंघो होरे अधिकारी के, किस कि से बुरे कम करणे बाड़ी जे सज्जा देणे जे त खरे कम करणे बाड़ी के तारीफ करण जे असे।

1 पतरस 3:16

होर अपु अपु अन्तरात्मा साफ रखे, ताकि जे मसीह अन्तर तुं खरे चाल चलणे बेज्जती कते, तुसी भुंजान्ते टेम लजियेल।

1 पतरस 4:15

पर तुसी बुचा कोई बि मेह्‍णु मारण, चोरुण, गलत कम करणे त खुठि देणे बझई जोई दुख न मेओ लौता।