2 तिमुथि 2:7 - Walangi

⁷ अउं जे बोक बोलुण लगो असा, तेस पुठ ध्यान दे, होर प्रभु तोउ सोब बोकी के बारे समझान्ता।

2 तिमुथि 2:7 Iomraidhean Croise

लूका 21:15

किस की अउं तुं धे ईं बोक त बुद्धि देन्ता कि जेस कोई दुश्माण काट ना सकते होर ना केसेरी पुग बटते।

लूका 24:45

तोउं तेन धरमे कताब समझणे जे तेन्के सोबी कें धे बुद्धि दिती।

लूका 9:44

“तुस इन्हि बोकी पुठ ध्यान दिए, किस कि मनखे कुआ मनखे हथे टोवेई घेण असा”।

यूहन्ना 14:26

पर मदत करणे बाड़ा मतलब शुची आत्मा जेस बोउ में नओं पुठ लंघान्ता, एई कइ तुसी सम्हाई बोक शिचालती त जे जे बि बोक मेईं तुसी जे बोलो असी, से सम्हाई तुसी याद दिआन्ती।

यूहन्ना 16:13

पर जपल से मतलब सच्चे परमेश्वरे आत्मा एन्ती, से तुसी पूरी सच्चाई बथ हरालती। किस कि से अपफ कुछ ना बोती, पर जे बि बोउ केआं शुणती तस बतान्ती त एणे बाड़ी बोकी बतान्ता।

प्रतिनिधि 7:10

बल्कि तसे सोब दुख तकलीफ दूर किए, त मिस्र देशे राजा फिरोने समाणि से ट्यारा त अक्लदार बणा। तोउं त राजा फिरोने से मिस्र देशे त अपु गीहे अधिकारी बणा।

1 कुरिन्थ 12:8

तोउं त, तेन केसे केसे धे अक्ले वरदान दुतो असा त होर केसे धे ज्ञाने वरदान दुतो असा।

फिलिप्पी 4:8

त में ट्यारे भाई त भेणिओं! अउं चहन्ता कि जे कुछ बि सच्चाई असी, इज्जतदार असे, सही असे, शुचा त अब्बल असे, जे जे बि खरे असे त तारीफ लेएक असे, तुस तसे बारे सोचते रिहे।

कुलोसी 1:9

त जिखेईं केआं असी इ शुणो असु, तुसी जे प्रार्थना करण केआं अस नेईं रुको। अस विनती कते कि तुसी शुची आत्माई बेलि सम्हाई बुद्धि त ज्ञान जुए परमेश्वरे इच्छाई ठीक ठाक पता लगो लौता।

1 तिमुथि 4:15

अन्हि बोकी मन लाई कइ ध्यान जोई कते रेह, जेसे बेलि सोब मेह्‍णु विश्वास अन्तर तें तरक्की हेरियेल।

2 तिमुथि 2:6

जे जिमदार कमुन्ता, पेहले तस फसली बांट मेओ लौती।

2 तिमुथि 2:8

यीशु मसीह याद कते रेह, जे राजा दाऊदे ऊड़ी अन्तर जमा, त मरो मेह्‍णु केईआं दुबारी जी गा। ई से खुश खबरी भो, जेसे अउं प्रचार कता।

इब्रानी 12:3

तोउं त, तेस पुठ ध्यान करे, जेन पापी त गलत करणे बाड़े मेह्‍णु के अत कष्ट सीढ़े, ताकि तुस उदास भोई कइ विश्वास करणे हिम्मत न हार छड़ियेल।

इब्रानी 13:7

जेन्हि तुसी परमेश्वरे वचन शुणाओ थिए, अपु तेन्हि खुश खबरी सेवकी याद करे; त विश्वासे लिए तेन्के जीण त कमे फल हेर कइ तेन्के ईं विश्वास करणे कोशिश करे।

इब्रानी 3:1

तोउं त, ए में भाई त भेणिओं! तुस, जे परमेश्वरे शुचे भुण जे भिओ असे! हें विश्वासे मुखिया त हें बोडा पुजारे यीशु बारे धिक सोचे।

इब्रानी 7:4

अब धिक सोचे कि ए मलकिसिदक कत बोडा थिआ कि हें पुरखा अब्राहमे अपफ तसे धे जीतो सामान केआं दसमा हेस्सा दिता।

याकूब 1:5

पर अगर तुसी अन्तर बुद्धि घट असी त तेस दानी परमेश्वर केआं मगीण दिए, जे सोबी कें धे दिल खोल कइ देन्ता। से भलेमास भोई कइ तुन्धे दी छता।

याकूब 3:15

किस कि ए बुद्धि से न भो जे खड़ोरिया, स्वर्ग केआं मेती। पर एसे ईं बुद्धि कुधर्मी त मतोके भो। ए शैतान केआं एन्ती।

याकूब 3:17

पर जे बुद्धि खड़ोरिया मेती पेहले त से शुची असी। से बुद्धि असी मिआणे बाड़ा, नरम मने बाड़ा, सुधी-बुद्धि बाड़ा, दाहोपरा, त खरे कम करणे बाड़ा बणान्ती। त तेस बुद्धि बेलि अस मेह्‍णु शकल हेर कइ कम ना कते, होर ना छल कपट कते।

1 यूहन्ना 5:20

अस ई बि जाणते कि परमेश्वरे कुआ एई गो असा। तेन हेन्धे समझ दुतो असी कि अस तेस पिछाणियेल, जे सच्चा असा। होर किस कि अस तसे कुआ यीशु मसीह जुए जुड़ कइ बिश्ते, त अस तेस जुए बि जुड़ कइ बिश्ते, जे सच्चा असा। एईएं यीशु मसीह सच्चा परमेश्वर भो त अमर जीवन देणे बाड़ा भो।