2 तिमुथि 2:5 - Walangi

⁵ दौड़ुं प्रतियोगिता अन्तर कोई अगर नियम जुए ना दौड़ता त तस ईनाम ना मेती।

2 तिमुथि 2:5 Iomraidhean Croise

लूका 13:24

“अउं बोता कि संकड़े दुआरे बइ अन्तर घेणे कोशिश करे। किस कि अउं तुसी जे बोता कि सुआ मेह्‍णु घेणे कोशिश कते, पर से घेई ना बटते।

फिलिप्पी 1:15

आं! ए त सच्चु असु कि केहि केहि मेह्‍णु जड़ कइ मसीह बारे प्रचार कते। से कैद अन्तर बि मोउं कष्ट देण जे अपु अपु फायदा जे प्रचार कते। होर केहि केहि खरी सोचे बेलि त मने परेम जुए प्रचार कते किस कि से समझ गो असे कि खुश खबरी दुश्माणी जे तसे सच्चाई बारे उगाह देण जे मोउं कम मिओ असा।

कुलोसी 1:29

तोउं त परमेश्वरे दुतो तेस शक्ति जुए, जे में अन्तर कम करण लगो असी, तेस बेलि अउं पूरा मन त शक्ति लाई कइ सुआ कष्ट कता।

इब्रानी 12:4

तुस पापे त गलत करणे खिलाफ लड़ाई करण लगो असे। पर एतु बि नेईं लगो कि तुस लहुलुहान भोई गो असे।

इब्रानी 2:7

थोड़ी देरे लिए ईं, तेईं से मेह्‍णु स्वर्गेदूती केआं घटाई कइ बणो असा। यक राजे ईं तेन्के धे महिमा त इज्जत दुतो असी। अपु कमे सोब हक तेन्के हथ छो असा।

इब्रानी 2:9

पर यीशु, जे थोड़ी देरे लिए स्वर्गेदूत केईआं घटो थिआ, ताकि परमेश्वरे कृपादृष्टि बेलिए असी सोबी जे मरा। अभेईं अस हेरते कि से पूरी महिमा त इज्जत जुए जीन्ता असा।

याकूब 1:12

धन्य असा से मनख, जे परीक्षाई अन्तर शान्त बिश्ता, किस कि जपल से परीक्षाई अन्तरा उतीर घेन्ता त से तेस जीवन देणे बाड़ी मुकुट डबता, जे परमेश्वरे अपफ जोई परेम करणे बाड़ी धे देणे जुबान दुतो असी।

1 पतरस 5:4

जपल बोडा पुहाल, मतलब मसीह प्रकट भोल, त तुसी सुआ इज्जते बाड़ा मुकुट मेता, जेसे चमक कदी ना मुकती।

प्र. बोके 2:10

जे दुख तुसी सीढ़ण एन्ते, तेन्हि हेर डरे नउ। किस कि हेरे, शैतान तुसी बुचा केहि जेईं जेहेल अन्तर छाणे बाड़ा असा, ताकि तुस परखियेल। तुसी दस रोज तकर दुख तकलीफ सीढ़ण एन्ते। मरण तकर विश्वास कते रिहेल, त अउं तुन्धे जीवन देणे बाड़ा मुकुट देन्ता।

प्र. बोके 3:11

हेर! अउं झठ एणे बाड़ा असा; त जे किछ तुसी केईं असु, तेस सुसुर टाइ रखे, ताकि कोउं जेईं तुं मुकुट नी ना छड़ियेल।

प्र. बोके 4:10

तपल तपल चोबिहो स्याणे सिंहासन पुठ बिशणे बाड़े समाणि उटेऊ झड़ घेन्ते, होर जे जुग जुग जीन्ता असा, तसे खुर बिन्ते। से अपु अपु मुकुट सिंहासने सम्हाणि ईं बोते छड़ देन्ते कि

प्र. बोके 4:4

तेस सिंहासने चोहरो कना होरे चोबि मठ मठ सिंहासन असे। होर अन्हि सिंहासन पुठ चोबिहो स्याणे हच्छे झिणे डब कइ बिशो असे, त तेन्के मगरी पुठ सुन्ने मुकुट असे।