2 तिमुथि 2:4 - Walangi

⁴ जपल कोई फौजी लड़ाई करण जे घेन्ता त से होर केसे कम अन्तर मन ना लान्ता, पर अपु अधिकारी खुश करण जे लड़ाई अन्तर अपु जी जान लान्ता।

2 तिमुथि 2:4 Iomraidhean Croise

लूका 8:14

केहि मेह्‍णु कांटियाली जिमि ईं असे, जे परमेश्वरे वचन शुणते त जरूर, पर अगर घेई कइ धन दौलते चिन्ता त मौजमस्ति अन्तर फस घेन्ते त तेन्हि पुठ फल ना लगते।

2 कुरिन्थ 5:9

त हें इच्छा ई असी कि चहे अस साते भोल या दूर भोल, अस तस खुश भुणे कम कते रिहे।

गलाती 5:1

त ए भाई त भेणिओं! मसीह अस नियमे वश केआं छुड़को असे, त सावधान बिशे कि दुबारी तेसे गुलामी ना करे।

1 थेस्सलु 2:4

पर अस ईं बतान्ते जीं परमेश्वर अस यकीन लेएक समझ कइ अपु खुश खबरी जिम्मेबारी दुतो असी। त हें मकसद मेह्‍णु खुश करण जे ना, बल्कि परमेश्वर खुश करण जे असा। किस कि सेईंए हें मने भियो परखता।

2 तिमुथि 4:10

किस कि देमासे इस मतोके सुख चही कइ अउं अकेला छड़ा दिता त थेस्सलुनीका शेहर जे घेई गा। क्रेसकेंस गलाती इलाके अन्तर त तीतुस दलमतिया इलाके अन्तर परमेश्वरे सेवा करण जे गो असा।

2 पतरस 2:20

से प्रभु त हें बचाणे बाड़ा यीशु मसीहे पिछाणणे बेलिए मतोके केहि किस्मी पापी केआं बच कइ बि, अगर दुबारी तेन्हि अन्तर फस कइ हार गो असे, त तेन्के दशा पेहलकण दशाई केईं बि ज्यादी बुरी भोई गो असी।