2 तिमुथि 2:25 - Walangi

²⁵ जे हें खिलाफ भुन्ते तेन्हि से खरी नरमी कइ समझाण लौते, कि पता परमेश्वर तेन्हि बुचा केसे जेईं धे मन बदलाणे आत्मा दिआल त से बि सच्चाई वचन पिछाणल,

2 तिमुथि 2:25 Iomraidhean Croise

मत्ती 11:29

में बोके जूंण अपु मन अन्तर करे त मोउं केआं शिचे; किस कि में गुण हर किछ सेहण करणे बाड़ा त मन अन्तर दया रखणे बाड़ा भो। त तुसी अपु मन अन्तर अराम मेता।

मत्ती 21:32

किस कि चुसुणे बाड़ा यूहन्ना धरमे बथ हरालता तुसी केईं आ, पर तुसी तसे विश्वास न किआ। पर मामला नेणे बाड़ी त वेश्या तेस पुठ विश्वास किआ। पर तुसी ई हेर कइ बि पछतावा न भुआ, होर तुसी तेस पुठ विश्वास ना किआ।”

मरकुस 1:15

त बोलु, “टेम पूरा भोई गा त परमेश्वरे राज्य नीड़ा एई गो असा। अपु अपु पाप केआं मन बदलीण दिए त खुश खबरी पुठ विश्वास कर कइ बच घिए।”

यूहन्ना 5:34

पर अउं अपु बारे मेह्‍णु उगाह ना चहन्ता। फि बि ई बोक तोउं करण लगो असा कि तुस बच घियेल।

प्रतिनिधि 11:18

ईं शुण कइ यरुशलेम शेहरे यहूदी विश्वासी चुप भोई गे, त परमेश्वरे गुणगान कर कइ बोलुण लगे, “तोउं त, परमेश्वरे गैर यहूदी मेह्‍णु जे बि अपु अपु मन बदलाई कइ अमर जीवन जीणे दान दुतो असा।”

प्रतिनिधि 2:38

पतरसे तेन्हि जे बोलु, “अपु अपु मन बदलीण दिए, त हर यक जेईं अपु अपु पापी के माफी लिए यीशु मसीहे नओएं बेलि पुओणि अन्तर चुसीण दिए; त तुसी परमेश्वरे वरदान, शुची आत्मा मेती।

प्रतिनिधि 20:21

मेईं कि यहूदी मेह्‍णु त कि गैर यहूदी मेह्‍णु, सोबी के सम्हाणि प्रचार किओ असा कि सोब परमेश्वरे कना जे अपु मन बदलण त हें प्रभु यीशु मसीह पुठ विश्वास करण चहिए।”

प्रतिनिधि 5:21

ईं शुण कइ से तठिआ घेई गे त भ्यागे देहेर अन्तर घेई कइ प्रचार करण लगे। पर जपल बोडे पुजारे त तसे साथी किठे भुए त तेन्हि यहूदी मेह्‍णु के टजोट की त तेन्हि से प्रतिनिधि जेहेल केआं अण्ह कइ पेश करण जे बोलु।

प्रतिनिधि 5:31

से ईं परमेश्वरे मुखिया त बचाणे बाड़ा बणाई कइ अपु देहणा कना बिशाणो असा, ताकि असी इस्राएली मेह्‍णु जे मन बदलुणे मौका मेईंयाल, होर से हें पापी के माफी दिआल।

प्रतिनिधि 8:22

तोउं त, इस बुराई केआं अपु मन बदलीण दे त प्रभु जे प्रार्थना कर कि तें मने ई बुरे विचार माफ करियेल।

गलाती 6:1

ए भाई त भेणिओं! फि बि अगर तुसी बुचा कोउं जेईं केस पाप अन्तर फसी गो असे त तुस जे नोउएं गुणे बेलि जीन्ते, तस बोडे अराम जुए समझाई कइ दुबारी विश्वासे जीण अन्तर मजबूत करे। तुस सद तसे ध्यान ना रखे, बल्कि अपु बि ध्यान रखे, ना त तुस बि तेस जाल अन्तर फस घेन्ते।

1 तिमुथि 2:4

परमेश्वर ईं चहन्ता कि सोबी मेह्‍णु तसे सच्चाई सुसुर पता लगियाल त से सम्हाई बच घियेल।

1 तिमुथि 6:11

पर ए परमेश्वरे मनखा, तिमुथियुसा! तु इन्हि सोबी बोकी केआं दूरु बिश त धरम, भक्ति, विश्वास, परेम, धीरज त अपफ घटाई कइ बिशुण जे अपु पूरी ताकत ला।

2 तिमुथि 3:7

किस कि से जिल्हाणु हमेशा शिचती रेहन्ती, पर खरी शिक्षाई बारे पता तेन्हि कदी ना लगतु।

तीतुस 1:1

में ट्यारे तीतुस, परमेश्वरे गुलाम त यीशु मसीहे प्रतिनिधि अउं पौलुस तोउ जे नमस्कार कता। परमेश्वरे अउं लंघो असा ताकि तसे चुणो मेह्‍णु बुच विश्वासे बारे प्रचार करुं त तेन्हि सच्चाई शिचालुण, जेसे बेलि तेन्हि पता लगियाल कि परमेश्वर मनी कइ कीं जीण।

तीतुस 3:2

केसे जे बदनाम ना करे, होर ना झगड़ा करे। पर सोबी अब्बल गुण जुए सम्हाई मेह्‍णु जुए बिशे।

याकूब 1:17

किस कि हर यक दान जे खरा त नरदोष असा परमपिता परमेश्वर केईआं एन्ता। तेन दिस, जोसुण त तारे बणो असे। से परमेश्वर ना कदी बदलिन्ता होर ना केसेरी उडारे बेलिए अन्हारिन्ता।

1 पतरस 3:15

पर मसीह इज्जत दी कइ अपु प्रभु माने। कोउं अगर तुसी केआं मसीह पुठ तुं उम्मीदे बारे पुछियाल, त तस जे परेम त इज्जत जोई जवाब देणे लिए हमेशा तेयार बिशे।

1 यूहन्ना 5:16

अगर तुस कोउं विश्वासी ईं पाप कता हेराल, जेसे फल मौत नेईं, त तसे लिए प्रार्थना करे त परमेश्वर तसे धे जीवन देन्ता। अउं ई बोक सद तेन्के बारे बोता जेन्हि ईं पाप किओ भोल जेसे फल मौत नेईं। पर ईं पाप बि असा जेसे फल मौत असी; जे ईं पाप कते तेन्के बारे अउं प्रार्थना करण जे ना बोता।