2 तिमुथि 2:22 - Walangi

²² तोउं त में कुआ, जे पापे कम जवान मेह्‍णु करण चहन्ते, तेस केआं दूर बिश त जे शुचे मन जुए परमेश्वरे सेवा कते, तेन्हि जुए मी कइ परमेश्वरे नजर अन्तर अब्बल जीणे, तसे यकीन लेएक भुणे त होरी जे परेमे करणे, होर उई मी कइ बिशुण जे जीं तीं कोशिश कर।

2 तिमुथि 2:22 Iomraidhean Croise

प्रतिनिधि 7:59

जपल से स्तफनुस पुठ घोड़िआ देन्ते रिहे, त तेन ईं प्रार्थना की, “ए प्रभु यीशु, में आत्मा रखीण दिए।”

प्रतिनिधि 9:14

होर इठि बि एस मुख्य पुजारी हक दुतो असा कि जे मेह्‍णु तें नओं नेन्ते, तेन्हि सोबी बन्हि कइ नियाल।”

रोमी 14:17

किस कि परमेश्वरे राज्य अन्तर खाणे पीणे कोई खासियत नेईं, खासियत असी त शुची आत्माई बेलि धर्मी जीणे, अपफ बुच उई मी कइ त खुशी जुए बिशणे।

रोमी 14:19

तोउं त, असी लगातार तेन्हि बोकी अन्तर कोशिश करीण चहिए जेसे, बेलिए होरी जोई मेल मिलाप बधता त सोबी के अन्तर सुधार भोल।

1 कुरिन्थ 1:10

ए ट्यारेओ! हें प्रभु यीशु मसीहे प्रतिनिधि भुणे खातिर अउं तुसी जे हथ जोड़ कइ बोता कि छने, सोबी अणबण केआं दूर रेह त यकी होरी जुए राड़-मीड़ कइ बिशे। तुं सम्हाई के मन त ध्यान यकजूट भो लौता।

1 कुरिन्थ 10:14

त ए में ट्यारेओ, तुसी मुर्तिपुजा न करीण।

1 कुरिन्थ 14:1

तोउं त, अभेईं अउं तुसी जे बोता कि तुस हमेशा यक होरी जोई परेम करे। जे परमेश्वरे आत्माई वरदान मेणे लाछ कते, से खास कर कइ ईं लाछ करे कि तस भविष्य वाणि करणे वरदान मेईंयेल।

1 कुरिन्थ 6:18

तोउं त, नाजायज रिश्ता रखण केआं दूर बिशे। किस कि मेह्‍णु होरे जे बि पाप कता, से तसे जिसम केआं बाहर भुन्ता, पर जे नाजायज रिश्ता रखता, से अपु जिसमे खिलाफ पाप कता।

1 तिमुथि 1:14

ओ हो! तोउं बि प्रभु कृपादृष्टि मोउं पुठ कति उचिल गई! होर विश्वास त परेम बि यीशु मसीहे बइ सुआ मेईंया।

1 तिमुथि 1:5

इस निआंग देणे मकसद परेम असा, जे शुचे मन, साफ अन्तरात्मा त सच्चे विश्वास जुए एन्ती।

1 तिमुथि 2:8

तोउं त अउं चहन्ता कि तुस जेस जगाई बि सतसंग कते त सम्हाई मड़द अपु शुचे हथ खड़ियेर कइ प्रार्थना त दुआ करे। त ईं ख्याल रखे की तुं जिन्‍दगी परमेश्वरे लेएक असी, त तुं बुच लेहरीण त कोई झगड़ा भेएड़ा नेईं।

1 तिमुथि 4:12

तु परमेश्वरे वचन अन्तर, तें चाल चलण अन्तर, परेम त विश्वास अन्तर होर शुचे विचार अन्तर सम्हाई विश्वासी जे नमूना बण, ताकि तें कम उमरी बझई जुए कोई तें बोक अणशुणि ना करे, पर सोब पूरा मन लाई कइ शुणे।

1 तिमुथि 6:11

पर ए परमेश्वरे मनखा, तिमुथियुसा! तु इन्हि सोबी बोकी केआं दूरु बिश त धरम, भक्ति, विश्वास, परेम, धीरज त अपफ घटाई कइ बिशुण जे अपु पूरी ताकत ला।

इब्रानी 12:14

सोबी जुए उई मी कइ बिशे त शुची जिन्‍दगी जीणे कोशिश करे, किस कि जे शुची जिन्‍दगी न जीन्ता, से कदी परमेश्वर हेर ना बटता।

1 पतरस 2:11

ए ट्यारेओ! अउं तुं छने कता कि तुस अपु अपफ परदेशी त यात्री मान कइ तेन्हि मतोके इच्छाई केआं दूर बिशे, जे तुं आत्माई खिलाफ लड़ाई कती।

1 पतरस 3:11

तस बुराई सात छड़ देण, त हमेशा भलाई करीण लौती; तस शान्ति तोपुण लौती त हमेशा उई मी कइ बिशुण लौतु।

3 यूहन्ना 1:11

त ए ट्यारे! बुराई ना, पर भले कम करे। किस कि जे भले कम कता, से परमेश्वरे गभुर भुण हरालता। पर जे बुराई कते, से परमेश्वर ना जाणते।