2 तिमुथि 2:21 - Walangi

²¹ अगर कोउं अपफ सम्हाई पापी केआं शुचे करियेल त से क्युटे भाणि केईं खास कम करण जे शुचे भोई घेन्ते, होर सम्हाई खरे कम करण जे तेयार भुन्ते त अपु मालिके कम एन्ते।

2 तिमुथि 2:21 Iomraidhean Croise

प्रतिनिधि 9:15

पर प्रभु तेस जे बोलु, “तु घेण दे; किस कि से त में चुणो भो, ताकि से में नओएं गैर यहूदी, राजी त इस्राएली मेह्‍णु के सामणि प्रचार करियाल।

1 कुरिन्थ 5:7

बल्कि पापी के गुण जे कि पुराणे टकेणे ईं असा, तस दूर फटाई छड़े। किस कि मसीह असी बचाण जे बचणे त्योहारे किएऊ ईं भकत चढ़ि गो असा। तोउं तुस तपले गुन्हो आटे ईं बजन कोई पापे शुचे बणियेल।

2 कुरिन्थ 7:1

त ए ट्यारेओ, परमेश्वरे इ सोब जुबान हें धे दुतो असी। त चले, जे कुछ बि हें आत्मा त जिसम अन्तर मैल असा तेस दूर करे। त परमेश्वर मनी कइ यकदम शुचा बणे।

2 कुरिन्थ 9:8

परमेश्वर तुसी पुठ हर किस्मे कृपा कइ बटता, जेसे बेलिए तुसी कदी कोई कमी ना भुन्ति, बल्कि हर यक भलु कम जे दान देण लिए तुसी केईं सुआ किछ बच घेन्तु।

इफिसुस 2:10

किस कि अस तसे हथे बणो असे, त जे जे खरे कम करण जे परमेश्वर पेहलाई ठीक किओ थिउ, तस करण जे अस मसीह यीशु जुए मिओ असे।

1 तिमुथि 6:11

पर ए परमेश्वरे मनखा, तिमुथियुसा! तु इन्हि सोबी बोकी केआं दूरु बिश त धरम, भक्ति, विश्वास, परेम, धीरज त अपफ घटाई कइ बिशुण जे अपु पूरी ताकत ला।

2 तिमुथि 2:16

पर बेधर्मी बोकी के बेहेस करण केआं दूर बिश, किस कि जे मेह्‍णु ईं बेहेस कते, से परमेश्वर केआं हउ बि दूर भोई घेन्ते।

2 तिमुथि 2:20

बोक ई असी कि केसे लाले गी, सद क्युटेरी भाण ना भुन्ते, पर कुछ कठोड़े त जने भाणे बि भुन्ते; कोई भाणे खास कम जे त कोई भाणे इहांणि बरताण जे भुन्ते।

2 तिमुथि 3:17

ताकि परमेश्वरे सेवक हर किस्मी खरे कम करण जे सुसुर भोई बिशियेल।

2 तिमुथि 4:11

सद लूका मोउं जुए सेवा करण लगो असा। एन्ते टेम मरकुस बि घिन आई, किस कि में सेवा अन्तर से सुआ कमे असा।

तीतुस 3:1

मेह्‍णु चेता देन्ता रेह कि से सोब अफसरे त अधिकारी बोक मान कइ रेह त सम्हाई खरे कम करण जे हमेशा तेयार बिशे।

तीतुस 3:14

हें विश्वासी मेह्‍णु बि होरी के जरूरते टेम मदत करणे खरा कम शिचो लौता। तोउं से बेकार ना भुन्ते।

तीतुस 3:8

ए त सोबी मानणे बाड़ी बोक असी त अउं बि चहन्ता कि तु ई सोब बोके बारे पूरे जोर जुए बोले। इसे बेलि जेन्हि परमेश्वर पुठ विश्वास किओ असा, से खरे खरे कम करणे मन रखते। ए सोब बोके खरी असी त मेह्‍णु फायदे लिए असी।

1 पतरस 1:22

त किस कि यकी होरी जोई परेम करण जे तुसी सच्चे वचन मान कइ अपु अपु मन शुचे किओ असे, त अखिर तकर पूरे मन लाई कइ यक होरी जोई खरे परेम कते रिहे।

1 पतरस 1:7

पर एसे बेलि तुं विश्वास परखिन्ता कि ए मजबूत असा कि नेईं। किस कि खतम भुणे बाड़ा सुन्ना बि त आगी बेलिए परखिन्ता। तुं विश्वास त सुन्ने केआं बि सुआ कीमति असा। अगर परखुण अन्तर तुं विश्वास मजबूत रेहाल त जपल यीशु मसीह वापिस एन्ता, तपल जे शान त इज्जत परमेश्वर मेणे बाड़ी असी, तेस अन्तर तुस बि हेस्सेदार बणियेल।

1 यूहन्ना 3:3

होर जे कोउं मसीह पुठ ई उम्मीद रखता, से अपणे आप बि तिहांणि शुचा कता जीं से असा।