2 तिमुथि 2:2 - Walangi

² त प्रभु यीशु बारे जे जे बोके तेईं सुआ मेह्‍णु के सम्हाणि मोउं केआं शुणो असी, तेन्हि बोकी तु ईं यकीन लेएक मेह्‍णु शिचाल, जे होरे मेह्‍णु शिचाल बटते।

2 तिमुथि 2:2 Iomraidhean Croise

मत्ती 13:52

त तेन तेन्हि जे बोलु, “तोउं त, हर यक धर्मशास्त्री, जे स्वर्गे राज्य चेला बणो असा, तेस मालिके ईं असा जे अपु भण्डार अन्तरा नोई त पुराणि चीज किढ़ता।”

मत्ती 24:25

हेरे, मेईं पेहलाई इ सोब कुछ तुसी जे बोल छो असु।

लूका 12:42

त प्रभु बोलु, “से यकीन लेएक त ज्ञानी लिखणार कोउं भो, जेसे मालिक दूर देश घेण केईआं पेहले अपु नौखरी के सरदार बणाल कि से तेन्के धे टेम पुठ रौठि दियेल?

1 कुरिन्थ 4:2

त असी ए जरूरी असु कि मेह्‍णु समझाण अन्तर अस यकीन लेएक भुओल।

2 कुरिन्थ 2:14

पर परमेश्वरे जइ करे कि से हमेशा असी जीं जीतणे बाड़ी के हसुड़े जुओई मिआई कइ नेन्ता। से होरी के बुछ यक अब्बल मुश्क ईं मसीहे ज्ञान बांटण जे हें मदत कता।

2 कुरिन्थ 3:5

ई नेईं कि अस बोल बटते कि ए सोब करणे ताकत असी केईं असी, बल्कि हें ताकत त परमेश्वर केईआं एन्ती।

कुलोसी 1:7

तुस एसे बारे हें ट्यारा साथी त मसीहे यकीन लेएक सेवक भाई इपफ्रास केआं शिचे।

1 तिमुथि 1:12

अउं, हें प्रभु यीशु मसीह जे धन्यवाद देन्ता किस कि अउं नालायक थिआ, तोउं बि तेन अउं यकीन लेएक समझ कइ अपु सेवा करण जे नियुक्त किआ त शक्ति दिती।

1 तिमुथि 1:18

बे कोईया तिमुथियुसा! जे भविष्य वाणि पेहले तें बारे भो थी, तसे हिसाब जुए अउं तोउ जे निआंग देन्ता कि तु सही खुश खबरी जे अपु जी जान ला त गलत शिक्षा देणे बाड़ी रोकीण दे।

1 तिमुथि 4:14

परमेश्वरे जे वरदान तेन्धे दुतो असा, तस पूरे जोश जुए इस्तेमाल कर, किस कि ए वरदान सतसंगे स्याणी जपल तोउ पुठ हतेउ रख कइ प्रार्थना किओ थी, तपल भविष्य वाणि बेलि तोउ मेओ थी।

1 तिमुथि 4:6

बे कोईया, अगर तु विश्वासी भाई भेणि जे इन्हि बोकी के चेता दिआन्ता रेहन्ता त तु यीशु मसीहे बधिआ सेवक बणता। त विश्वासे वचन त जे खरी शिक्षा तेईं अभेईं तकर मनो असी, तेन्हि बोकी बइ तें लालन-पालन भुन्ता रेहन्ता।

1 तिमुथि 5:22

बगैर परखणे केसे मेह्‍णु मुखिया बणाण जे झट हथ ना रख। होरी पाप अन्तर सात ना दे, पर अपफ जे शुचा रख।

1 तिमुथि 6:12

अपु विश्वास मजबूत रखण जे खरा मुकाबला कते रेह त जेस अमर जीवने लिए परमेश्वरे तु भिहो असा त जेस बारे तेईं सुआ मेह्‍णु के अगर खरी हिम्मत जुए उगाही दुतो थी, तस ना गवां।

2 तिमुथि 3:10

पर ए तिमुथियुसा! तोउ ठीक ठाक पता असा कि मेईं मेह्‍णु कीं खरी शिक्षा शिचालो असी, त मेईं कीं खुश खबरी लेएक जिन्‍दगी जीओ असी। तोउ पता असा कि खुश खबरी प्रचार करण अन्तर में मकसद कीं रेहा, त मेईं कीं यीशु मसीह पुठ विश्वास कर कइ सुआ लाह रखा। तोउ ई बि पता असा कि मेईं कीं सम्हाई मेह्‍णु जोई परेम किओ असा त कीं मुश्किले टेम अन्तर बि तसे सेवा किओ असी।

2 तिमुथि 3:14

पर ए तिमुथियुसा! जे शिक्षा तेईं शिचो असी त जेस पुठ पूरा भरोसा असा, तेस पुठ विश्वास कते रिहे, किस कि तोउ पता असा कि जेन्हि केईआं तेईं ए शिक्षा शिचो असी, से यकीन लेएक असे।

इब्रानी 2:17

तोउं त, तस हर यक बोकी पुठ अपु तेन्हि मेह्‍णु के ईं भुण जरूरी थी, ताकि से मेह्‍णु के गलती त पाप धूणे लिए भकत चढ़ाण जे परमेश्वरे यक बोडा पुजारा बण बटियाल। से मेह्‍णु हेर दाह कता त माफी देणे अन्तर यकीन लेएक असा।