2 तिमुथि 2:19 - Walangi

¹⁹ तोउं बि परमेश्वरे सच्चा विश्वासी, तसे गीहे मजबूत खाई ईं विश्वास अन्तर पक्का रेहन्ता त तस पुठ परमेश्वर अपु वचने मुहर लान्ता कि “जेन्के भगवान पुठ पक्का विश्वास असा, तेन्हि से पिछाणता।” त “जे यीशु मसीह अपु प्रभु मानता, तस सम्हाई पाप केआं दूर बिशुण असु।”

2 तिमुथि 2:19 Iomraidhean Croise

मत्ती 24:24

किस कि झूठे मसीह त झूठे भविष्य वक्ते एन्ते। से बोडे बोडे निशाणी त चमत्कार कते ताकि भोई सकियेल त चुणो तेन्हि बि विश्वास केआं उलाठ नी छते।

मत्ती 28:19

तोउं त तुस घिए, सोब जाति मेह्‍णु चेला बणाए, त तेन्हि बोउए, कोईये त शुची आत्माई नओएं बेलि पाणि अन्तर चुसीण दिए।

मत्ती 7:23

तपल अउं तेन्हि जे खुल कइ बोता, “अउं तुसी बिलकुल ना जाणता। ओए दुष्ट मेह्‍णुओ! में भेएड़ा नश घिए।”

मत्ती 7:25

पता मेघे लगी, हड़ आउ, डू ब्यार बि तेस गी लगी। पर से न ढेईउ, किस कि तसे खाई फाट पुठ बणो थी।

मरकुस 12:16

से घिन आए, त तेन तेन्हि जे बोलु, “ई छाप त नओं केसे भो?” तेन्हि बोलु, “कैसरे”।

मरकुस 13:22

किस कि तपल झूठे मसीह त भविष्य वक्ते एन्ते। से निशाण हराल कइ त सुआ चमत्कारे कम कर कइ, होर तेन्हि केआं भोई सकियेल त परमेश्वरे चुणो तेन्हि बि विश्वास केआं उलाठ नेणे कोशिश कते।

लूका 13:27

पर से बोता, ‘अउं तुसी जे बोता कि अउं तुसी न पिछाणता। तुस कोठियाणि भिन्थ? ए दुष्ट मेह्‍णुओ! तुस सम्हाई मोउं केआं दूर भो!’

लूका 6:48

से तेस मेह्‍णु ईं भुन्ता जे गी बणाणे टेम सुसुर खाई खन कइ फाट पुठ अपु गीहे खाई भरो असी। त जिखेईं बदेए फटते त हड़ एन्तु, से गी सुसुर रेहन्तु, किस कि तसे खाई सुसुर भरो असी।

यूहन्ना 10:14

“खरा पुहाला अउंए असा। जीं अउं अपु बोउ जाणता त बोउ मोउं जाणता, तीं अउं अपु ढडुड़ जाणता त से मोउं जाणते। त अउं तेन्हि जे अपु जान देन्ता।

यूहन्ना 13:18

यीशु हउ बि बोलु, “अउं तुसी सम्हाई के बारे बोलुण नेईं लगो; किस कि जेन्हि अउं चुणो असा, से मोउं पता असा। पर ए सोब तोउं भुन्तु ताकि धरमे कताब अन्तर जे लिखो असु कि ‘जेस मेईं रौठि खिलेई, सेईंए में दुश्माण बणा’ पूरु भो।

यूहन्ना 3:33

तोउं बि जेन केनि तसे बोके मनी से सोबी के अगर उगाह देन्ता कि परमेश्वरे वचन सच्चा असा।

प्रतिनिधि 11:26

होर जपल से तेस जोई मिआ त तेस अन्ताकिया शेहर जे घिन आ। तोउं भु ईं कि से दुहिए यक साल तकर सतसंग जोई मी कइ सुआ मेह्‍णु शिचालण लगे। त विश्वासी सोबी केआं पेहले अन्ताकिया शेहर अन्तर “इसाई” बोलुण लगे।

प्रतिनिधि 15:17

ताकि जे बचो मेह्‍णु असे, मतलब सोब जाति मेह्‍णु, जेन्हि अपणाणे लिए मेईं अपु नउ दुतो असु, से प्रभु तोपियेल।

प्रतिनिधि 9:14

होर इठि बि एस मुख्य पुजारी हक दुतो असा कि जे मेह्‍णु तें नओं नेन्ते, तेन्हि सोबी बन्हि कइ नियाल।”

रोमी 11:2

परमेश्वरे अपु टज जेन्हि से पेहलाई दी जाणताथ, छड़ नेईं दुतो। तुसी त जरूर पता भोल कि एलिय्याह भविष्य वक्ते इस्राएली मेह्‍णु के खिलाफ परमेश्वर जे कीं प्रार्थना किओ थी। तसे बारे धरमे कताब अन्तर की लिखो असु?

रोमी 12:9

परेम करण अन्तर कोई कपट ना करे, बुराई हेर नफरत करे, भलाई कते रिहे।

रोमी 15:20

त हमेशा में इच्छा त कोशिश ईं असी कि जेठि जेठि बि मसीहे बारे प्रचार नेईं भुओ, तठि खुश खबरी शुणाउं, ताकि होरी मेह्‍णु खाई पुठ अपु घर ना बणाउं।

रोमी 15:9

होर से गैर यहूदी मेह्‍णु पुठ परमेश्वरे दाहे बझई जोई बि आ, ताकि से बि परमेश्वरे महिमा करियेल, जीं धरमे कताब अन्तर राजा दाऊदे लिखो असु, “ए प्रभु, तोउं त अउं हर यक जाति मेह्‍णु के बुछ तें धन्यवाद कता, त तें नओएं भजन लान्ता।”

रोमी 8:28

अस जाणते कि जे मेह्‍णु परमेश्वर जोई परेम कते, मतलब परमेश्वरे जे अपु इच्छाई हेसाब जोई भिओ असे, तेन्हि सोबी बोकी के बेलि परमेश्वर तेन्के भलाई कता।

रोमी 9:11

त होता से कुआ जमोरे बि नेओथ, होर ना तेन्हि कोई भलु बुरु किओ थिउ। तोउं बि परमेश्वरे बोलु, “जेठा से केंठे सेवा कता।” एसे बेलि ई पता लगता कि परमेश्वरे मेह्‍णु चुणुणे मकसद, तेन्के कमी के हेसाब जोई ना, बल्कि तेन्हि भिआणे बाड़े इच्छाई हेसाब जोई असा।

1 कुरिन्थ 8:3

पर अगर कोई परमेश्वर जोई परेम कता, त परमेश्वर तस जाणता।

2 कुरिन्थ 7:1

त ए ट्यारेओ, परमेश्वरे इ सोब जुबान हें धे दुतो असी। त चले, जे कुछ बि हें आत्मा त जिसम अन्तर मैल असा तेस दूर करे। त परमेश्वर मनी कइ यकदम शुचा बणे।

गलाती 4:9

पर अभेईं त तुसी सच्चा परमेश्वर पिछाणो असा, बल्कि परमेश्वरे तुसी अपु गभुर बणो असे। त दुबारी किस से नकम्मे त बेकार मतोके रीति रिवाजे शिक्षा बेलि जीण चहन्ते?

इफिसुस 2:20

त प्रतिनिधि त भविष्य वक्ते खाई पुठ तुस जीं परमेश्वरे यक शुचा देहेर बणण लगो असे, जेसे जेठा थम यीशु मसीह अपफ भो।

इफिसुस 4:30

शुची आत्मा दुख ना दिए, किस कि तसे बेलि परमेश्वर तुसी पुठ मुहर लोओ असी कि तुस तसे भिन्थ।

1 तिमुथि 3:15

कि अगर मोउं एण अन्तर चेरे भोई घियेल त तोउ पता लगियेल कि जीन्ता परमेश्वरे गी, जे कि सतसंग असा, तथ अन्तर मेह्‍णु कीं उरतुण-बरतुण, किस कि से सच्चाई थम त खाई भो।

1 तिमुथि 6:19

ईं कर कइ से एण बाड़े रोजे लिए अब्बल धन कठा कते, जे कि अमर जीवने लिए अब्बल खाई ईं बणता, त तेन्हि खरा जीवन मेई सकियेल।

इब्रानी 11:10

किस कि से तेस अमर शेहर भाड़ण लगो थिआ, जेस बणाणे बाड़ा त मिस्त्री परमेश्वर अपफ भो।

2 पतरस 3:14

तोउं त, ए ट्यारेओ! किस कि तुस अन्हि बोकी के उम्मीद कते, त कोशिश करे कि तुस से बजन कोई कलंक त नरदोष, होर तेस जोई शान्ति जुए बिशो मेईंए।

1 यूहन्ना 2:19

से सम्हाई मसीह विरोधी हें बिचा निथे त सच्चे विश्वासी नेओथ। किस कि अगर से हें ईं सच्चे विश्वासी भुन्तेथ त असी जोई साते बिशतेथ। पर असी केईआं नश कइ तेन्हि ई हरालु कि से हें अपु नेओथ।

प्र. बोके 17:8

“जे खतरनाक जानवर तेईं काओ असा, से पेहले थिआ, पर अब नेईं। तोउं बि अब से काल खपर अन्तरा निसण बाड़ा असा, पर हमेशा लिए खतम भुण जे। होर धरती पुठ बिशणे बाड़े से सोब, जेन्के नओं सृष्टि शुरुवात केआं पेहलाई जीवने कताब अन्तर नेईं लिखो, तेस जानवर हेर कइ हैरान भोई घेन्ते कि ए जानवर पेहले त थिआ, पर अब नेईं, होर से दुबारी एन्ता।”

प्र. बोके 2:13

अउं ई जाणता कि तुस तेस शेहर बिश्ते, जेठि शैताने सिंहासन असा। तोउं बि तुस में नओं हमेशा नेन्ते रेहन्ते। शैताने तेस जगाई अन्तर, तेन्हि दिनि बि तुस मोउं पुठ विश्वास करण केआं पतूं ना खिरके, जपल तठियाणि मेह्‍णु में यकीन लेएक उगाह अन्तिपास मार छड़ा।

प्र. बोके 21:14

शेहरे भिथि बाराह खाई थी त तेन्हि पुठ किएऊ बाराह प्रतिनिधि के नओं लिखो थिए।

प्र. बोके 22:4

तेन्हि से अमाणि-समाणि हेरते त तसे नओं तेन्के मगिरि पुठ लिखो भुन्तु।

प्र. बोके 3:8

अउं तुं हर कम जाणता। हेर, मेईं तुं समाणि यक दुआर खोल रखो असु, जेस कोई बन्न ना कइ बटता। तुं ताकत बेशक धिखुभई असी, तोउं बि तुसी में शिच मनो असी त में नओं नेण केआं कदी ना नेईं किओ।