2 तिमुथि 2:18 - Walangi

¹⁸ से ई बोते कि “मरो मेह्‍णु त दुबारी जी गो असे”। से सच्चाई केआं दूर भोई गो असे त सुआ मेह्‍णु के विश्वास मुकान्ते।

2 तिमुथि 2:18 Iomraidhean Croise

मत्ती 15:13

तेन बोलु, “हर बुटा जे में स्वर्गे बोउ नेईं लओ, पुटी घेन्ता।

मत्ती 22:29

यीशु तेन्हि जे जवाब दिता, “तुस गलत असे। तुस ना त धरमे कताब जाणते, होर ना परमेश्वरे ताकते बारे जाणते।

लूका 8:13

केहि मेह्‍णु तेस शकरिआटी जिमि के ईं असे, जे परमेश्वरे वचन शुणते त बोडे खुशी जुए। कुछ टेम तकर विश्वास बि कते। पर दुख तकलीफ अन्तर विश्वास करण छड़ देन्ते, किस कि तेन्के जील पक्कु ना भुन्तु।

प्रतिनिधि 5:39

पर अगर ए परमेश्वरे कनारा असु, त तुस अन्हि कदी खतम कइ ना सकते। होर ईं ना लौतु भो कि तुस अपफ परमेश्वरे खिलाफ भोई घियेल।”

1 कुरिन्थ 11:19

वाह जी वाह! पंगे कते रेहिए। ना त कीं पता लगता की तुं बुछ कोउं कोउं खरे विश्वासी असे?

1 कुरिन्थ 15:12

त अगर असी “यीशु मसीह मर कइ दुबारी जी गा” बोल कइ तुसी बुछ प्रचार किओ असे त तुस कीं कइ बोते कि मरो मेह्‍णु दुबारी ना जीएईन्ते?

कुलोसी 3:1

में ट्यारे भाई त भेणिओं! किस कि परमेश्वरे तुस मसीह जुए दुबारी जीओ असे, त तुस स्वर्ग अन्तर जे असु, तस पाणे कोशिश करे, जेठि मसीह अभेईं परमेश्वरे सुमले कना बिश कइ राज करण लगो असा।

1 तिमुथि 1:19

होर अपु विश्वास त साफ अन्तरात्मा छड़ ना दिए, जेस छड़ दी कइ कत मेह्‍णु के विश्वासे जहाज पाणि अन्तर डूब गो असा।

1 तिमुथि 6:10

किस कि रुपेई के लालच सोबी बुराई के जड़ असी, जेस तोपते तोपते सुआ मेह्‍णु परमेश्वरे सच्चा वचन छड़ दी कइ अपु अपफ सुआ दुखे बेलि लहुलुहान किओ असे।

1 तिमुथि 6:21

किस कि केहि मेह्‍णु एईएं ज्ञान समझ कइ माने त प्रभु यीशु पुठ अपु विश्वास केआं मुकीर गो असे। तोउ पुठ परमेश्वरे कृपादृष्टि भुन्ति रिहे।

2 तिमुथि 2:14

बे कोईया! सोब विश्वासी जे इन्हि बोकी के बारे चेता दिआन्ता रेह। त परमेश्वरे सम्हाणि जड़कइ कइ बोल कि कुछ शब्दे मतलब जुओई अपफ बुछ झगड़ा भेएड़ा ना करे, किस कि इन्के बेलि कोई फायदा ना भुन्ता। बल्कि जे एन्हि शुणते तेन्के विश्वास खतम भोई घेन्ता।

तीतुस 1:11

तेन्हि चुप कराण जरूरी असु, किस कि ए अपु फायदा लिए जे शिक्षा गलत असी, तस शिचाल कइ सम्हाई के घर उजाड़ुण लगो असे।

इब्रानी 3:10

तोउं त, अउं तेन्हि पुठ लेहरी गा, त बोलु, “एन्के मन हमेशा भटकोरा भुन्ता; एन्हि समझ कइ बि ना समझु कि अउं एन्हि केईआं की कराण चहन्ता।”

याकूब 5:19

ए में ट्यारेओ! अगर तुसी अन्तरा कोई जेईं सच्चाई केआं भटक घियाल त होरे कोउं जेईं तेस पलाटे,

1 यूहन्ना 2:19

से सम्हाई मसीह विरोधी हें बिचा निथे त सच्चे विश्वासी नेओथ। किस कि अगर से हें ईं सच्चे विश्वासी भुन्तेथ त असी जोई साते बिशतेथ। पर असी केईआं नश कइ तेन्हि ई हरालु कि से हें अपु नेओथ।