2 तिमुथि 2:15 - Walangi

¹⁵ त तु अपफ ईं कारगीरी बणणे पूरी कोशिश कर जे परमेश्वरे लेएक भोल, जेस केसे बोकी पुठ शरम ना अओ लौती त जे खुश खबरी सच्चाई सुसुर शिचालता।

2 तिमुथि 2:15 Iomraidhean Croise

मत्ती 13:52

त तेन तेन्हि जे बोलु, “तोउं त, हर यक धर्मशास्त्री, जे स्वर्गे राज्य चेला बणो असा, तेस मालिके ईं असा जे अपु भण्डार अन्तरा नोई त पुराणि चीज किढ़ता।”

मरकुस 4:33

से परमेश्वरे वचन तेन्हि समझाण जे ईं सुआ कथा शुणाई शुणाई कइ शिचालताथ।

लूका 12:42

त प्रभु बोलु, “से यकीन लेएक त ज्ञानी लिखणार कोउं भो, जेसे मालिक दूर देश घेण केईआं पेहले अपु नौखरी के सरदार बणाल कि से तेन्के धे टेम पुठ रौठि दियेल?

प्रतिनिधि 2:22

“ए इस्राएली मेह्‍णुओ, ध्यान जोई शुणे: नासरत ग्रां अन्तर यीशु नओएं यक मेह्‍णु थिआ। परमेश्वरे तेसे बेलि तुं बुछ बोडे ताकत बाड़े कम, चमत्कार, त निशाणी हराल कइ साबित किउ कि यीशु तसे कनारा अओ थिआ। एसे बारे तुस बि जाणते।

प्रतिनिधि 20:27

किस कि मेईं परमेश्वरे पूरी योजना तुसी शुणाण केआं कदी झिझक न की।

रोमी 14:18

अगर तुस एसे ईं मसीहे सेवा कते, त परमेश्वर तुसी जुए खुश भुन्ता, होर मेह्‍णु तुं इज्जत कते।

रोमी 16:10

भाई अपेल्लेस जे में नमस्कार। तेन मसीह सेवा करण अन्तर कष्ट सेह कइ अपफ जे यकीन लेएक साबित किओ असा। होर अरिस्तुबुलुस त तसे टब्बरे जे बि में नमस्कार।

रोमी 6:13

होर ना अपु जिसमे अंग अधर्मे हथियार बणुण जे पापे हवाले करे। पर अपु अपफ मरो तेन्हि अन्तरा जीन्ता भुओ समझ कइ परमेश्वरे हवाले करे त अपु अंग धरमे हथियार बणुण जे परमेश्वरे धे दिए।

1 कुरिन्थ 2:6

तोउं बि, ई नेईं कि अस बिलकुल अक्ले बाड़ी बोके ना कते। अस जपल पक्के विश्वासी के बुछ भुन्ते त बोडी अक्ले बाड़ी बोके कते। पर ए मतोके त तस पुठ राज करणे बाड़ी के अक्ल के ईं नेईं, किस कि से मुकणे बाड़ी असी।

2 कुरिन्थ 10:18

किस कि अब्बल सेईंए भुन्ता, जेस प्रभु अब्बल मानता। न कि से, जे अपु अपफ अब्बल बणता।

2 कुरिन्थ 3:6

सेईंए असा, जेन हेन्धे नोई जुबानी प्रचार करण जे ताकत दुतो असी। ए ताकत कोई नियमे चिट्ठि नेईं, बल्कि तसे आत्माई भो, किस कि नियमे बेलि मौत एन्ती, पर तसे आत्माई बेलि जीवन मेता।

2 कुरिन्थ 4:2

बल्कि अस से सोब बेशर्मी कम, जे मेह्‍णु नियोकान्‍ते, से करण छड़ दुतो असे। परमेश्वरे वचन झूठा बणाण त चलाकी करण असी रशुणे लगते। परमेश्वर हें उगाह असा कि अस सद सच्चाई बोते, ताकि होरे मेह्‍णु असी पुठ भरोसा कइ बटियेल।

2 कुरिन्थ 5:9

त हें इच्छा ई असी कि चहे अस साते भोल या दूर भोल, अस तस खुश भुणे कम कते रिहे।

गलाती 1:10

तुसी कि लगतु कि अउं मेह्‍णु मनाण लगो असा ना? ना परमेश्वर मनाण लगो असा? अउं की मेह्‍णु खुश करण चहन्ता ना? ना! अगर तीं भुन्तुथ त अउं मसीहे गुलाम ना बणताथ।

इफिसुस 1:13

त जपल तुसी गैर यहूदी खुश खबरी शुणी, जे कि तुं बचाणे समाचार भो, होर विश्वास किआ कि परमेश्वर मसीहे बेलि असी बचाई बटता, त तेन अपु दुतो जुबान मुताविक तुसी पुठ शुची आत्माई मुहर लाई त हरालु कि तुस बि तसे हकदार बण गो असे।

1 थेस्सलु 2:4

पर अस ईं बतान्ते जीं परमेश्वर अस यकीन लेएक समझ कइ अपु खुश खबरी जिम्मेबारी दुतो असी। त हें मकसद मेह्‍णु खुश करण जे ना, बल्कि परमेश्वर खुश करण जे असा। किस कि सेईंए हें मने भियो परखता।

1 थेस्सलु 5:14

ए भाई त भेणिओं! अस तुसी जे छनेअरे कते कि जे नकम्मे असे, तेन्हि समझाण दिए! डरो तेन्हि हिम्मत दिए! त जे कमजोर असे तेन्के मदत करे! त सोबी जुएई उई मी कइ बिशे!

1 तिमुथि 4:6

बे कोईया, अगर तु विश्वासी भाई भेणि जे इन्हि बोकी के चेता दिआन्ता रेहन्ता त तु यीशु मसीहे बधिआ सेवक बणता। त विश्वासे वचन त जे खरी शिक्षा तेईं अभेईं तकर मनो असी, तेन्हि बोकी बइ तें लालन-पालन भुन्ता रेहन्ता।

इब्रानी 4:11

तोउं त, चले तेस टांक तकर पुजुण जे अस जब्बर कोशिश कते। ई ना भो कि निआंग ना मान कइ तेन्हि पुरखी के ईं असी बुछ कोई पतूं रेही घियाल।

याकूब 1:12

धन्य असा से मनख, जे परीक्षाई अन्तर शान्त बिश्ता, किस कि जपल से परीक्षाई अन्तरा उतीर घेन्ता त से तेस जीवन देणे बाड़ी मुकुट डबता, जे परमेश्वरे अपफ जोई परेम करणे बाड़ी धे देणे जुबान दुतो असी।

याकूब 1:18

तसे इ इच्छा भुई कि अस सच्चे वचन पुठ विश्वास कर कइ दुबारी जमियेल, ताकि तसे बणाओ सम्हाई पुठ अस पेहला फल भुई बटियेल।

2 पतरस 1:10

एस बझई जोई ए ट्यारेओ! परमेश्वरे तुसी भिआणे त चुणुणे सही साबित करणे लिए हर कोशिश कते रिहे। किस कि अगर ईं करियेल त तुस कदी बि विश्वास केईआं न भटकते।

2 पतरस 1:15

तोउं त, अउं तीं कोशिश कता, ताकि में डेरा छुटुण केआं पता बि तुस अन्हि सोबी बोकी याद कइ बटियेल।

2 पतरस 3:14

तोउं त, ए ट्यारेओ! किस कि तुस अन्हि बोकी के उम्मीद कते, त कोशिश करे कि तुस से बजन कोई कलंक त नरदोष, होर तेस जोई शान्ति जुए बिशो मेईंए।