2 तिमुथि 2:14 - Walangi

¹⁴ बे कोईया! सोब विश्वासी जे इन्हि बोकी के बारे चेता दिआन्ता रेह। त परमेश्वरे सम्हाणि जड़कइ कइ बोल कि कुछ शब्दे मतलब जुओई अपफ बुछ झगड़ा भेएड़ा ना करे, किस कि इन्के बेलि कोई फायदा ना भुन्ता। बल्कि जे एन्हि शुणते तेन्के विश्वास खतम भोई घेन्ता।

2 तिमुथि 2:14 Iomraidhean Croise

मत्ती 16:26

अगर मेह्‍णु पूरु मतोक बि मेई घियेल, पर अपु प्राण न बचाई सकियाल, त की फायदा? फिर मेह्‍णु अपु प्राणे बदले की देन्ता? कुछ ना!”

प्रतिनिधि 13:10

“ए शैताने कोईया! तु जे सोब कपट त बुराई बइ भरिए असा त धरमे बैरी असा, कि तु प्रभु सच्ची बथ कैनी-बोरी करीण न छता ना?

प्रतिनिधि 15:24

असी शुणो असु कि असी बुचा कुछ मेह्‍णु, जेन्के धे असी कोई हक नेओथ दुतो, तेन्हि तुं अठि घेई कइ तुस अपु बोकी बइ परेशान कइ छड़े; त तुस दुमने कइ छो असे।

रोमी 14:1

ए ट्यारेओ! तुस तेन्हि सोबी विश्वासी मेह्‍णु जुए बि उई मी कइ बिशे, जे कुछ बोकी बारे विश्वास अन्तर अभेईं बि कमजोर असे। तेन्हि जोई तेन्के शक पुठ बेहेस ना करे।

गलाती 1:7

पर, ए कोई खुश खबरी नेईं, बल्कि कुछ मेह्‍णु असे, जे मसीहे खुश खबरी बुमोरण त तुसी धोखा देण चहन्ते।

इफिसुस 4:17

ट्यारे भाई त भेणिओं! इस बझई जुए प्रभु केआं मेओ हके बेलि अउं तुसी जे बोता कि अभेईं केआं तुसी अविश्वासी मेह्‍णु ईं ना जीण, जेन्के मन अन्तर कऊ भरिए असा।

1 थेस्सलु 4:1

त ए भाई त भेणिओं! अस तुसी जे हथ जोड़ कइ प्रभु यीशु अन्तर समझाण लगो असे कि परमेश्वर खुश करण जे त तेस लेएक जीण जे जीं तुसी असी केआं शिचो असु, होर अभेईं करण लग गो असे, तेस हउ बि कते रिहे।

2 थेस्सलु 3:6

ए भाई त भेणिओं! अब प्रभु यीशु मसीहे नओएं बइ अस तुसी जे ई निआंग देन्ते कि जेन्के चाल चलण ठीक नेईं त जे हें हर निआंग ना मानते, तेन्हि सोबी मेह्‍णु जोई उई मी कइ ना बिशे

1 तिमुथि 1:4

त तु मेह्‍णु समझा कि जेन्हि स्याणी के कथा त नामुकणे ऊड़ी बही खाता बेलि झगड़ा-भेड़ा भुन्ता, तस पुठ मन ना लाए। किस कि ए सोब बोके परमेश्वरे योजनाई हेसाब जुओई नेईं, जे विश्वासे बेलि कम कता।

1 तिमुथि 1:6

इन्हि बोकी पुठ मछोड़ा दी कइ केहि मेह्‍णु खिरक कइ बेहली बेहेस अन्तर शची गो असे।

1 तिमुथि 4:8

किस कि जिसमे कसरते फायदा सद इस जिन्‍दगी अन्तर असा। पर परमेश्वरे भक्ति सम्हाई बोकी जे फायदामन्द असी, किस कि एस अन्तर इस टेमे जिन्‍दगी त एणे बाड़ी जिन्‍दगी जुबान असी।

1 तिमुथि 5:21

अउं यीशु मसीह, परमेश्वर त तसे चुणो स्वर्गेदूती उगाह बड़ाई कइ तोउ जे निआंग देन्ता कि एन्हि सोबी बोकी पूरा मन जोई मनीण दिए। त केसे बि कम अन्तर केहर-बेहर ना करे।

1 तिमुथि 6:13

सोबी कें धे जिन्‍दगी देणे बाड़ा परमेश्वर, त राज्यपाल पुन्तियुस पिलातुसे सम्हाणि खरी हिम्मत जुए उगाही देणे बाड़ा यीशु मसीह उगाह रख कइ अउं तोउ जे ई निआंग देन्ता,

2 तिमुथि 1:6

इस बझई जुए अउं तोउ चेता दिआन्ता की परमेश्वरे जे वर में हतेउ रखणे बेलि तोउ मेओ थिआ, तस सुसुर उरतीण-बरतीण दिए।

2 तिमुथि 2:16

पर बेधर्मी बोकी के बेहेस करण केआं दूर बिश, किस कि जे मेह्‍णु ईं बेहेस कते, से परमेश्वर केआं हउ बि दूर भोई घेन्ते।

2 तिमुथि 2:23

पर बेमतलबी त बेअक्ले बेहेस केआं दूर बिश, किस कि तोउ त पता असा कि एन्के बेलि झगड़े भेएड़ा भुन्ता।

2 तिमुथि 4:1

ए तिमुथियुसा! जे जीन्ता त मुओरी के पंची कते, जेन्के दुबारी पंची करणे टेम त राज करणे टेम नीड़ा असा, अउं तेस परमेश्वर त यीशु मसीह उगाह रख कइ, तोउ चेता दिआई कइ ई निआंग देन्ता कि

तीतुस 3:1

मेह्‍णु चेता देन्ता रेह कि से सोब अफसरे त अधिकारी बोक मान कइ रेह त सम्हाई खरे कम करण जे हमेशा तेयार बिशे।

इब्रानी 13:9

तोउं त, होरे होरे अजीब प्रवचन शुण कइ यीशु पुठ विश्वास करण छड़ न दिए। खरु ई असु कि परमेश्वरे कृपाई बेलि हें मन ताकत मेओ लौती, ना कि खाणे पीणे चीजी के बेलि, किस कि खाणे पीणे नियम मानणे बाड़ी के तेन्हि नियमे बेलि कुछ फायदा न भुआ।

2 पतरस 1:13

त जपल तकर अउं डेरे ईं मेओ जिसम अन्तर असा, तपल तकर इन्हि बोकी के बेलि तुसी खबरदार कता रेहन्ता। ईं करण मोउं खरु लगतु।