2 तिमुथि 2:12 - Walangi

¹² अगर अस लाह जोई सेहन्ते रेहन्ते त तस जुए राज बि कते; अगर अस तस मुकीर छते, त से असी बि मुकीर छता।

2 तिमुथि 2:12 Iomraidhean Croise

मत्ती 10:33

पर जे मोउं मेह्‍णु के सामणि न मनियाल तेस अउं बि अपु स्वर्गे बोउए सामणि न मानता।”

मत्ती 26:35

पतरसे बोलु, “तें लिए मोउं अगर मरुण बि एईयेल ना, तोउं बि अउं तुसी पिछाणणे केआं न मुकरीन्‍ता।” तिहांणि सोबी चेली बि बोलु।

मत्ती 26:75

त पतरस यीशु बोलो बोक याद एई गई: तेन बोलो थिउ “पतरसा! अउं तोउ जे बोता, आजे रात कुकड़े बांग देण केआं पेहलाई तु मोउं पिछाणणे केआं टाई लिंगि मुकीर घेन्ता।” तोउं से तठिआ बाहर घेई कइ जोरी जोरी रोलुण लगा।

मरकुस 10:33

तेन बोलु, “हेरे, अस यरुशलेम शेहर जे घेण लगो असे, त तठि मुख्य पुजारी त धर्मशास्त्री मनखे कुआ मतलब मोउं टान्ते त मरणे दोषी कर कइ गैर यहूदी के हतेउ दी छते।

मरकुस 8:38

परमेश्वर ना मानणे बाड़ी त पापी मेह्‍णु के बुच जे कोउं मोउं केआं त में वचनी केआं लजिन्ता, त जिखेईं मनखे कुआ शुचे स्वर्गेदूती जोई साते अपु बोउए शान जोई एन्ता तिखेईं से तेस हेर बि लजिन्ता।”

लूका 12:9

पर जे मेह्‍णु के सम्हाणि मोउं ना मनाल त तेसे अउं बि परमेश्वरे स्वर्गेदूती के सम्हाणि ना मानता।

लूका 22:29

त जीं में बोउए मेन्धे यक राज्य पुठ हक दुतो असा, तीं अउं बि तुं धे यक राज्य पुठ हक देण लगो असा।

लूका 22:30

ताकि तुस में राज्य अन्तर मोउं जुए खाल पियेल, होर सिंहासन पुठ बिश कइ इस्राएले बाराह ऊड़ी के न्याय करियेल।”

लूका 9:26

जे कोउं मोउं केआं त में वचनी केआं लजिन्ता, त अउं मनखे कुआ जिखेईं अपु त अपु बोउए शान, होर शुचे स्वर्गेदूती के शान जोई साते दुबारी एन्ता तिखेईं तेस हेर बि लजिन्ता।

प्रतिनिधि 14:22

बत से विश्वासी के मन टकाई कइ, विश्वास अन्तर पक्का भोई बिशुण जे हिम्मत देन्तेथ, त ईं बोतेथ कि “असी सुआ दुख तकलीफ सेही कइ परमेश्वरे राज्य अन्तर घेण असु।”

रोमी 5:17

किस कि यक मेह्‍णु पापे बेलिए अगर मौती तेस यके जेईं बेलि सोबी पुठ राज किआ, त जेन्हि मेह्‍णु परमेश्वरे सुआ कृपा त धर्मी भुणे वरदान मेओ असा, से कि यके मेह्‍णु मतलब यीशु मसीहे बेलिए तेस जुए घट राज कते ना?

रोमी 8:17

त किस कि अस तसे गभुर भो त तसे हर यक जुबाने हकदार बि भो। मसीहे साथी भोई कइ असी से सोब जुबाने फल मेता, जे तेन मसीह जे रखो असा। किस कि अगर अस तेस जोई साते दुख सेहेल त परमेश्वर हें धे तेस जोई साते महिमा बि देन्ता।

फिलिप्पी 1:28

से चहे जीं बि करियेल, तुस तेन्हि हेर ना डरे जे तुं विरोध कते। किस कि अगर से तुसी नडर हेरते त तेन्हि पता लग घेन्ता कि परमेश्वर तेन्हि मुकाई छता त तुसी बचान्ता।

1 तिमुथि 5:8

पर अगर कोई अपु खास कर अपु टब्बरे देखभाल ना कता त तेन अपु विश्वास छड़ दुतो असा, त से अविश्वासी केआं बि ज्यादा बुरा भोई गो असा।

यहूदा 1:4

किस कि ईं केहि मेह्‍णु मठे नियोक कइ तुसी बुच एई गो असे, जे परमेश्वरे भक्ति ना कते त हें परमेश्वरे कृपादृष्टि यक मखोल ईं समझ कइ लूचियाम कते। होर त होर, ए हें यके मालिक त प्रभु यीशु मसीह बि ना मानते। परमेश्वर एन्हि की सज्जा देन्ता तसे बारे सुआ टेम केआं पेहलाई धरमे कताब अन्तर लिख छो असु।

प्र. बोके 1:6

होर तेन अस अपु बोउए परमेश्वरे टज त तसे समाणि सेवा करणे बाड़े पुजारे बणो असे। जुग जुग तकर सम्हाई ताकत तसेरी भो त तसेरी गुणगान भुन्ता रिहे। आमीन।

प्र. बोके 1:9

अउं यूहन्ना, विश्वास अन्तर तुं भाई त मसीह यीशु लिए दुख सीढ़ण अन्तर तुं ईं हेस्सेदार असा। होर तुं ईं परमेश्वरे राज्ये वारिस भुणे उम्मीद रखो असी। अउं परमेश्वरे वचन त यीशु मसीहे बारे उगाही देणे बझई जोई पतमस नओएं यक टापु अन्तर कैद थिआ।

प्र. बोके 2:13

अउं ई जाणता कि तुस तेस शेहर बिश्ते, जेठि शैताने सिंहासन असा। तोउं बि तुस में नओं हमेशा नेन्ते रेहन्ते। शैताने तेस जगाई अन्तर, तेन्हि दिनि बि तुस मोउं पुठ विश्वास करण केआं पतूं ना खिरके, जपल तठियाणि मेह्‍णु में यकीन लेएक उगाह अन्तिपास मार छड़ा।

प्र. बोके 20:4

तोउं मेईं सिंहासन हेरा, त तेन्हि पुठ से मेह्‍णु बिश गे जेन्हि न्याय करणे हक मेओ थिआ। त मेईं तेन्के आत्मा बि काई, जेन्के मगिर यीशु मसीहे बारे उगाही देणे त परमेश्वरे वचने प्रचार करणे बझई जोई कटोओ थिए। तेन्हि न तेस जानवरे, होर न तसे मुर्तिपुजा किओ थी। तेन्के हथ त मगिरि पुठ तेस जानवरे छाप नेओथ लगो। से जीन्ते भोई कइ मसीह जोई हजार साल तकर राज कते रिहे।

प्र. बोके 20:6

धन्य त शुचे से असे, जे इस दुबारी जीण अन्तर हेस्सेदार भुन्ते। अन्हि पुठ दोके लिंगि मरणे कोई हक न भुन्ता। बल्कि ए त परमेश्वरे त मसीहे पुजारे भुन्ते त तेस जोई साते हजार साल तकर राज कते।

प्र. बोके 3:10

त जपल सोब धरती बाड़ी परखणे लिए भुमण पुठ मुश्किल घड़ी एन्ती त अउं तुसी तेस घड़ी केआं बचाई रखता, किस कि तुसी में वचने हेसाब जोई लाह रख कइ कष्ट सीढ़ो असे।

प्र. बोके 3:21

“जे जीतते, तेन्हि अउं अपफ जोई साते अपु सिंहासन पुठ तिहांणि बिशणे हक देन्ता, जीं अउं बि जीत कइ अपु बोउ जोई साते, तसे सिंहासन पुठ बिश गो असा।

प्र. बोके 3:8

अउं तुं हर कम जाणता। हेर, मेईं तुं समाणि यक दुआर खोल रखो असु, जेस कोई बन्न ना कइ बटता। तुं ताकत बेशक धिखुभई असी, तोउं बि तुसी में शिच मनो असी त में नओं नेण केआं कदी ना नेईं किओ।

प्र. बोके 5:10

ताकि से हें परमेश्वरे लिए यक राज्य त पुजारा बणियेल; होर से धरती पुठ राज करियेल।”