2 तिमुथि 2:10 - Walangi

¹⁰ तोउं त, अउं तेन्हि मेह्‍णु जे सोब कुछ सेहण लगो असा, जे परमेश्वरे चुणो असे, ताकि यीशु मसीह अन्तर जे बचुण असु, से तेन्हि बि मेईंयेल त से हमेशा तसे शान अन्तर बिशियेल।

2 तिमुथि 2:10 Iomraidhean Croise

मत्ती 24:22

अगर से सुआ कष्टे रोज परमेश्वर ना घटान्‍ताथ त कोई न बचताथ। पर परमेश्वरे चुणो तेन्हि मेह्‍णु के बझई जुए, से घट घेन्ते।

मत्ती 24:24

किस कि झूठे मसीह त झूठे भविष्य वक्ते एन्ते। से बोडे बोडे निशाणी त चमत्कार कते ताकि भोई सकियेल त चुणो तेन्हि बि विश्वास केआं उलाठ नी छते।

मत्ती 24:31

से रेशमि बोडी अवाज जोई अपु दूत लंघान्ता कि अम्बरे यक कुणे केआं होर कुणे तकर त पूरे धरती परमेश्वरे चुणो तेन्हि किठे करे।”

लूका 18:7

जे दन रात परमेश्वरे प्रार्थना कते रेहन्ते, कि परमेश्वर तेन्हि तेन्के दुश्माणी केआं ना छुड़कान्ता नउ ना? कि से तेन्के बारे चेरे सोचता ना?

लूका 22:57

पर पतरसे ई बोल कइ ना कइ छड़ा “ओ भिलिआ, अउं तस ना जाणता।”

यूहन्ना 11:52

पर, पूरे धरती अन्तर जे सम्हाई परमेश्वरे गभुर असे, तेन्हि जे बि मरता ताकि से सम्हाई यक भोई गो लौते।)

यूहन्ना 17:24

“बोउआ! अउं चहन्ता कि जे तुसी मेन्धे दुतो असु, जेठि अउं रेहन्ता, तठि से बि बिशियेल, ताकि से में महिमा जे तुसी मेन्धे दुतो असी तस हेर सकियेल। किस कि तुसी धरती बणाण केआं पेहले ईं मोउं जुओई परेम किओ असा।

यूहन्ना 17:9

अभेईं अउं होरी जे नेईं, पर एन्हि जे दुआ करण लगो असा जे तुसी मेन्धे दुतो असे, किस कि से तुं भो।

रोमी 2:7

परमेश्वर तेन्के धे अमर जीवन देन्ता, जे लाह रख कइ खरु कम कते रेहन्ते, ताकि तेन्हि जे परमेश्वर खरु बोलियाल, इज्जत दियेल, होर से तस जुए हमेशा बिशियेल।

रोमी 9:23

होर अगर तसे इच्छा थी कि तेन्हि लाह जोई सेहणे बेलि से अपु सुआ महिमा तेन्हि भाणि पुठ हरालता, जे तसे दाहई लिए पेहलाई बणो असे, त एस अन्तर बि अस कुछ बोल ना बटते।

1 कुरिन्थ 1:21

किस कि परमेश्वर अपु बुद्धि बेलिए ठीक किउ कि मेह्‍णु अपु अक्ली बेलि तसे बारे पता ना लगियाल, बल्कि तेस ई खरु लगु कि हें खुश खबरी प्रचार पुठ जेन्हि विश्वास किआ, तेन से बचा। केहि मेह्‍णु समझते कि अस इरुह अपु शंकरेड़ शुखाड़ण लगो असे।

1 कुरिन्थ 9:22

त जे विश्वास अन्तर कमजोर असे तेन्के खातिर अउं बि कमजोर ईं बणा, ताकि तेन्हि मसीहे कना कइ बटुं। मेईं सम्हाई के खातिर तीं बणणे कोशिश की जीं से असे, ताकि जीं तीं कर कइ तेन्हि केईआं मसीह पुठ विश्वास कराई बटुं।

2 कुरिन्थ 1:6

अगर अस परेशान असे त तुं बचुण त सुख चैन जे। होर अगर असी सुख चैन मेओ असा त तुं सुख चैन जे, जेसे बेलि जे दुख तकलीफ अस सेहन्ते, तस तुस बि धीरज धर कइ सेह बटियेल।

2 कुरिन्थ 12:15

जेठि तकर में बोक असी, अउं तुं लिए अपु सोब किछ बेचण जे तेयार असा, अतु तकर कि अउं अपु अपफ बि तुं लिए बेचीण जे तेयार असा। अगर अउं तुसी जोई सुआ परेम कता, त तुस बि त मोउं जोई सुआ परेम कते। कते नउ ना?

2 कुरिन्थ 4:15

किस कि जे किछ बि भुण लगो असु, से सोब तुसी जे असु। इसे बेलि सुआ मेह्‍णु बुछ परमेश्वरे कृपा भुन्ति त सुआ जेईं परमेश्वरे महिमा करण जे तसे धन्यवाद कते।

2 कुरिन्थ 4:17

हें कुछ घड़ी पोले दुख कष्ट, असी जे सुआ खास त अमर जीवने महिमा बणाण लगोरी सी।

इफिसुस 3:13

तुसी जे, जे कष्ट अउं सेहन्ता, एसेरी बेलि तुं फायदा भुन्ता। त अउं हथ जोड़ता कि तुस अपु हिम्मत ना छड़े।

कुलोसी 1:24

त जे कष्ट अउं तुसी, गैर यहूदी विश्वासी जे सेहन्ता तस जे खुश असा। किस कि मसीहे जीं कष्ट सेहा, तीं तसे जिसम, सतसंग बि कष्ट सेहण एन्ता। इस बझई जुए अउं सतसंग जे अपु बंटि कष्ट सेही कइ तस पूरा करण लगो असा।

कुलोसी 1:27

तेन चहु कि शुचे मेह्‍णु ई पता लगो लौता कि तसे खुश खबरी अन्तर जे नियको बोक असी, से सम्हाई मेह्‍णु जे कती बोडी फायदा बाड़ी असी। से बोक ई असी कि मसीह हें अन्तर बिश्ता त तसे बेलि ईं अस सम्हाई परमेश्वरे हकदार बणो असे।

1 थेस्सलु 5:9

किस की परमेश्वरे असी अपु कोप जे ना, बल्कि हें प्रभु यीशु मसीह अन्तर बचुण जे ठीक किओ असु।

2 थेस्सलु 2:14

एस बझई जुए हें खुश खबरी प्रचार करणे बेलि तेन तुस भिए, ताकि तुसी बि हें प्रभु यीशु मसीहे शान मेई घियेल।

2 तिमुथि 1:1

ए ट्यारे तिमुथियुसा, में कोईया! अउं पौलुस इस चिट्ठि लिखुण लगो असा। परमेश्वरे अपु इच्छाई मुताविक अउं यीशु मसीहे प्रतिनिधि बणो असा त यीशु मसीह अन्तर जे जीवने जुबान असी, तसे प्रचार करण जे लंघो असा, परमपिता परमेश्वरे त हें प्रभु यीशु मसीहे दाह, कृपादृष्टि, त शान्ति तोउ पुठ भुन्ति रिहे। आमीन!

2 तिमुथि 2:1

तोउं त ए तिमुथियुसा, में कोईया! प्रभु यीशु मसीह अन्तर जे कृपादृष्टि असी, तस अन्तर हउ बि ताकतवर बण।

2 तिमुथि 2:3

तु यीशु मसीहे यक सच्चे फौजी ईं असी जुए खुश खबरी प्रचार करण अन्तर कष्ट सेह।

तीतुस 1:1

में ट्यारे तीतुस, परमेश्वरे गुलाम त यीशु मसीहे प्रतिनिधि अउं पौलुस तोउ जे नमस्कार कता। परमेश्वरे अउं लंघो असा ताकि तसे चुणो मेह्‍णु बुच विश्वासे बारे प्रचार करुं त तेन्हि सच्चाई शिचालुण, जेसे बेलि तेन्हि पता लगियाल कि परमेश्वर मनी कइ कीं जीण।

1 पतरस 2:10

पेहले तुस परमेश्वरे प्रजा नेओथ, पर अब परमेश्वरे प्रजा भो। पेहले तुसी पुठ परमेश्वरे दाह नेओथ भो, पर अब तुसी पुठ तसे दाह भुओ असी।

1 पतरस 5:10

परमेश्वर सोब दाह दयाई करणे बाड़ा भो, त तेन तुस मसीहे बेलि अपु अमर सुखे हेस्सेदार बणुण जे भिहो असे। तुं थोड़ी टेमे लिए दुख सीढ़ण केआं पता, से अपफ तुसी सिद्ध, विश्वास अन्तर पक्का त ताकतवर बणान्ता।