2 तिमुथि 2:1 - Walangi

¹ तोउं त ए तिमुथियुसा, में कोईया! प्रभु यीशु मसीह अन्तर जे कृपादृष्टि असी, तस अन्तर हउ बि ताकतवर बण।

2 तिमुथि 2:1 Iomraidhean Croise

1 कुरिन्थ 16:13

चौकाने भोई बिशे त मसीह पुठ विश्वास अन्तर मजबूत भोई घिए। मसीह जे हिम्मत करे त परमेश्वरे शक्ति बेलि ताकतवर बण घिए।

इफिसुस 6:10

ट्यारे भाई त भेणिओं! अखिर अन्तर, अउं बोता कि विश्वास अन्तर बस कइ प्रभु ताकती बेलि अपफ ताकतवर बणाए।

फिलिप्पी 4:13

जे मोउं ताकत देन्ता, से मसीह भो। तेसे बेलि अउं हर हाले सामणा कइ बटता।

1 तिमुथि 1:18

बे कोईया तिमुथियुसा! जे भविष्य वाणि पेहले तें बारे भो थी, तसे हिसाब जुए अउं तोउ जे निआंग देन्ता कि तु सही खुश खबरी जे अपु जी जान ला त गलत शिक्षा देणे बाड़ी रोकीण दे।

2 तिमुथि 1:1

ए ट्यारे तिमुथियुसा, में कोईया! अउं पौलुस इस चिट्ठि लिखुण लगो असा। परमेश्वरे अपु इच्छाई मुताविक अउं यीशु मसीहे प्रतिनिधि बणो असा त यीशु मसीह अन्तर जे जीवने जुबान असी, तसे प्रचार करण जे लंघो असा, परमपिता परमेश्वरे त हें प्रभु यीशु मसीहे दाह, कृपादृष्टि, त शान्ति तोउ पुठ भुन्ति रिहे। आमीन!

2 तिमुथि 1:7

किस कि परमेश्वरे हेन्धे डरणे आत्मा नेईं दुतो बल्कि हिम्मते, परेमे त समोझि कइ बिशणे आत्मा दुतो असी।

2 तिमुथि 2:10

तोउं त, अउं तेन्हि मेह्‍णु जे सोब कुछ सेहण लगो असा, जे परमेश्वरे चुणो असे, ताकि यीशु मसीह अन्तर जे बचुण असु, से तेन्हि बि मेईंयेल त से हमेशा तसे शान अन्तर बिशियेल।

2 तिमुथि 4:17

पर प्रभु मोउं जुए बिशा त मेन्धे अपु ताकत दिती, ताकि में बेलि खुश खबरी पूरा प्रचार भोल त सम्हाई गैर यहूदी तस शुणेल। त अउं मरुण केआं बच गा।

2 पतरस 3:18

पर तुस हें प्रभु त बचाणे बाड़ा यीशु मसीह कृपादृष्टि त ज्ञान अन्तर बधते घिए। यीशु मसीहे इज्जत अभेईं त जुग जुग तकर भुन्ति रिहे। आमीन।