2 तिमुथि 1:9 - Walangi

⁹ तेन परमेश्वरे अस बचाए त शुची जिन्‍दगी जीण जे भिहो असे। होर ई हें कमे बझई जुए नेईं, पर यीशु मसीह अन्तर इस धरती बणुण केआं पेहले ईं तेसे, जे दाह त मकसद असी जे असा, तस बझई जुए किआ।

2 तिमुथि 1:9 Iomraidhean Croise

मत्ती 1:21

से यक कुआ जमाणती। तोउ तसे नओं यीशु रखुंण किस कि से अपु मेह्‍णु तेन्के पापी केआं बचान्ता।”

लूका 10:21

तपल से शुची आत्माई बेलि भर कइ खुश भुआ त बोलु, “में बोउआ, स्वर्गे त धरती प्रभु, अउं तें धन्यवाद कता कि तेईं ए बोके ज्ञानी त अक्लदार मेह्‍णु केईआं नियोक कइ रखी त बेअक्ल कें धे दिती। आं, ए बोउआ, किस कि तोउ इहांणि ठीक लगु।”

यूहन्ना 17:24

“बोउआ! अउं चहन्ता कि जे तुसी मेन्धे दुतो असु, जेठि अउं रेहन्ता, तठि से बि बिशियेल, ताकि से में महिमा जे तुसी मेन्धे दुतो असी तस हेर सकियेल। किस कि तुसी धरती बणाण केआं पेहले ईं मोउं जुओई परेम किओ असा।

यूहन्ना 17:9

अभेईं अउं होरी जे नेईं, पर एन्हि जे दुआ करण लगो असा जे तुसी मेन्धे दुतो असे, किस कि से तुं भो।

यूहन्ना 6:37

परमेश्वरे जेन्हि में पतूं एणे ठीक किओ असा, से सम्हाई मोउं केईं एन्ते। त अउं तेन्हि कदी ना दौड़ान्ता।

प्रतिनिधि 15:18

ईं सेईंए प्रभु बोक भो, जे धरती शुरुवात केईआं ईं अन्हि बोकी बोते अओ असा।’”

प्रतिनिधि 2:47

होर से परमेश्वरे गुणगान कते रेहन्तेथ। सोब मेह्‍णु तेन्हि हेर खुश भुन्तेथ: होर रोज रोज प्रभु तेन्हि जोई होरे मेह्‍णु मिआन्ताथ, जे मसीह पुठ विश्वास कर कइ बच घेन्तेथ।

रोमी 11:14

ताकि जीं तीं कइ अपु जाति मेह्‍णु अन्तर जड़ा पैदा कर कइ तेन्हि अन्तरा केहि जेईं विश्वास करवाई कइ बचाई बटुं।

रोमी 11:29

किस कि परमेश्वरे वरदान त भिआण कदी न टलतु, से अटल असु।

रोमी 16:25

अभेईं जे तुसी में खुश खबरी त यीशु मसीहे समाचारे हेसाब जोई विश्वास अन्तर पक्का कइ बटता, तेस परमेश्वरे महिमा लौती भो। ए खुश खबरी से बोक भो, जे जुग जुग केआं नियोको थी।

रोमी 3:20

किस कि, नियम मान कइ कोई बि मेह्‍णु परमेश्वरे समाणि धर्मी ना बणता। बल्कि नियमे बेलि असी गलती त पापे पिछाण भुन्ति।

रोमी 9:11

त होता से कुआ जमोरे बि नेओथ, होर ना तेन्हि कोई भलु बुरु किओ थिउ। तोउं बि परमेश्वरे बोलु, “जेठा से केंठे सेवा कता।” एसे बेलि ई पता लगता कि परमेश्वरे मेह्‍णु चुणुणे मकसद, तेन्के कमी के हेसाब जोई ना, बल्कि तेन्हि भिआणे बाड़े इच्छाई हेसाब जोई असा।

रोमी 9:24

तेन्हि दाहई भाणि अन्तर अस असे, जे तेन ना सद यहूदी मेह्‍णु बिचा भिहो असे, बल्कि गैर यहूदी मेह्‍णु बिचा बि भिहो असे।

1 कुरिन्थ 1:18

किस कि जे परमेश्वर केआं अलग भोई कइ मरण लगो असे, तेन्हि मसीहे क्रूसे बारे हें बोक “बकवास” लगती, पर असी ए “परमेश्वरे ताकत” लगती, किस कि तेन अस बचाओ असे।

इफिसुस 1:11

से ई सोब अपु योजनाई मुताविक कता, जेसे तेन पेहलाई ब्योरा किओ असा। तोउं त तेन अस मसीह अन्तर चुणे कि अस तसे हकदार बणे,

इफिसुस 1:9

तेनि अपु खरे विचार जुए जे सोब ब्योरा मसीह अन्तर किओ थिआ, से सोब नियोको बोके असी जे बोली,

इफिसुस 3:11

ई सोब तसे तेस अमर योजनाई हेसाब जुए भु, जे तेन हें प्रभु यीशु मसीह अन्तर पूरी किओ थी।

फिलिप्पी 3:14

अउं यक खिलाड़ी ईं निशाणी पतूं दौड़ुण लगो असा, ताकि मोउं से ईनाम मेईंयाल जे परमेश्वर मेन्धे देन्ता। से ईनाम स्वर्ग अन्तर अमर जीवन असा। तस देण जे तेन अउं भिहो असा, किस कि अउं यीशु मसीह पुठ विश्वास कता।

1 थेस्सलु 4:7

किस कि परमेश्वरे अस शुचे भुण जे भिओ असे, ना कि जुठे भुण जे,

1 तिमुथि 1:1

ट्यारे तिमुथियुस, विश्वास अन्तर में सच्चा कुआ! अउं यीशु मसीहे प्रतिनिधि पौलुस इस चिट्ठि लिखुण लगो असा। अउं असी बचाणे बाड़ा परमेश्वर त हें उम्मीद यीशु मसीहे निआंगी बेलि तसे प्रतिनिधि बणो असा। परमपिता परमेश्वरे, त हें प्रभु यीशु मसीहे दाह, कृपादृष्टि त शान्ति तोउ पुठ भुन्ति रिहे। आमीन!

2 तिमुथि 1:1

ए ट्यारे तिमुथियुसा, में कोईया! अउं पौलुस इस चिट्ठि लिखुण लगो असा। परमेश्वरे अपु इच्छाई मुताविक अउं यीशु मसीहे प्रतिनिधि बणो असा त यीशु मसीह अन्तर जे जीवने जुबान असी, तसे प्रचार करण जे लंघो असा, परमपिता परमेश्वरे त हें प्रभु यीशु मसीहे दाह, कृपादृष्टि, त शान्ति तोउ पुठ भुन्ति रिहे। आमीन!

तीतुस 1:2

ए सच्चाई तेन्हि यकीन दिआन्ती कि तेन्हि केईं अमर जीवन असा। जे परमेश्वर कदी झूठ ना बोता, तेन से तेन्हि देण जे सुआ टेम पेहलाई अपु जुबान दुतो थी।

इब्रानी 3:1

तोउं त, ए में भाई त भेणिओं! तुस, जे परमेश्वरे शुचे भुण जे भिओ असे! हें विश्वासे मुखिया त हें बोडा पुजारे यीशु बारे धिक सोचे।

1 पतरस 1:20

एस कमे लिए परमेश्वरे मसीह भुमण बणुण केआं पेहलाई चुणो थिआ, पर तुं भलाई लिए अब इस अखिरि जुग अन्तर से प्रकट किआ।

1 पतरस 2:9

पर तुस यक चुणो वंश, राजे पुजारी के टज, शुचे प्रजा त परमेश्वरे अपु मेह्‍णु भो, ताकि जेन तुस अन्हारे केआं अपु चमत्कारी टगड़ियार अन्तर भिओ असे, तसे किओ चमत्कारे प्रचार करे।

प्र. बोके 13:8

धरती पुठि से सोब बिशणे बाड़े, जेन्के नओं जीवने कताब अन्तर ना लिखिए तेस जानवरे पूजा कते। पर जेन्के नओं तेस जीवने कताब अन्तर भुमणे शुरु केआं पेहलाई लिखो थिउ, से तेस जानवरे पूजा ना कते। से कताब यीशु भो, जे यक भकत चढ़ो किएऊ ईं असा।

प्र. बोके 17:8

“जे खतरनाक जानवर तेईं काओ असा, से पेहले थिआ, पर अब नेईं। तोउं बि अब से काल खपर अन्तरा निसण बाड़ा असा, पर हमेशा लिए खतम भुण जे। होर धरती पुठ बिशणे बाड़े से सोब, जेन्के नओं सृष्टि शुरुवात केआं पेहलाई जीवने कताब अन्तर नेईं लिखो, तेस जानवर हेर कइ हैरान भोई घेन्ते कि ए जानवर पेहले त थिआ, पर अब नेईं, होर से दुबारी एन्ता।”