2 तिमुथि 1:6 - Walangi

⁶ इस बझई जुए अउं तोउ चेता दिआन्ता की परमेश्वरे जे वर में हतेउ रखणे बेलि तोउ मेओ थिआ, तस सुसुर उरतीण-बरतीण दिए।

2 तिमुथि 1:6 Iomraidhean Croise

लूका 19:13

तेन घेण केआं पेहले अपु नौखरी अन्तरा दस नौखर भिए त तेन्के धे दस सिक्के दिते त बोलु, ‘में एण तकर तुस लेण देण करे।’

प्रतिनिधि 19:6

तोउं जपल पौलुसे तेन्हि पुठ हथ रखा, त शुची आत्मा तेन्हि पुठ एई गई, त से होरे होरे भाषा बोलुण त भविष्य वाणि करण लगे।

प्रतिनिधि 6:6

तोउं से प्रतिनिधि के समाणि अण्हे त प्रतिनिधि तेन्हि जे प्रार्थना की त अपु हतेउ रख कइ तेन्हि अशुश दिती।

1 थेस्सलु 5:19

शुची आत्माई कम ना रोके।

1 तिमुथि 4:14

परमेश्वरे जे वरदान तेन्धे दुतो असा, तस पूरे जोश जुए इस्तेमाल कर, किस कि ए वरदान सतसंगे स्याणी जपल तोउ पुठ हतेउ रख कइ प्रार्थना किओ थी, तपल भविष्य वाणि बेलि तोउ मेओ थी।

1 तिमुथि 4:6

बे कोईया, अगर तु विश्वासी भाई भेणि जे इन्हि बोकी के चेता दिआन्ता रेहन्ता त तु यीशु मसीहे बधिआ सेवक बणता। त विश्वासे वचन त जे खरी शिक्षा तेईं अभेईं तकर मनो असी, तेन्हि बोकी बइ तें लालन-पालन भुन्ता रेहन्ता।

2 तिमुथि 2:14

बे कोईया! सोब विश्वासी जे इन्हि बोकी के बारे चेता दिआन्ता रेह। त परमेश्वरे सम्हाणि जड़कइ कइ बोल कि कुछ शब्दे मतलब जुओई अपफ बुछ झगड़ा भेएड़ा ना करे, किस कि इन्के बेलि कोई फायदा ना भुन्ता। बल्कि जे एन्हि शुणते तेन्के विश्वास खतम भोई घेन्ता।

2 तिमुथि 4:2

हर वकत खुश खबरी प्रचार करण जे तेयार बिश, त पूरे लाह जुए त शिक्षा जुए मेह्‍णु मना, जड़का त समझाण दे।

इब्रानी 6:2

होर पाणि अन्तर चुसुणे अलग अलग शिक्षाई बारे, हथ रखणे बारे, मरो मेह्‍णु दुबारी जीणे त अखिर न्याय भुणे बारे शुरुवाती शिक्षा केआं अगर बधते।

2 पतरस 1:12

तोउं त, बेशक तुस अन्हि बोकी जाणते, होर जे सच्चे वचने शिक्षा तुसी मेओ असी, तेस पुठ पक्के भोई गो असे, तोउं बि अउं तुसी इन्हि बोकी के चेता दिआण जे हमेशा तेयार रेहन्ता।

2 पतरस 3:1

ए ट्यारेओ! अब अउं तुसी जे ई दोकी चिट्ठि लिखण लगो असा। त एन्हि अन्तर अउं तुसी याद दिआई कइ हिम्मत देन्ता कि तुस अपु मन शुचा रखे।

यहूदा 1:5

तुसी ए सोब बोके पेहलाई केआं सुसुर पता असी। तोउं बि, अभेईं अउं तुसी इन्हि बोकी के चेता दिआण चहन्ता कि बेशक प्रभु पूरे इस्राएले मेह्‍णु मिस्र देशे गुलामी केआं छुड़के, तोउं बि जेन्हि तेस पुठ विश्वास ना किआ, से सोब खतम कइ छड़े।