2 तिमुथि 1:4 - Walangi

⁴ त में लिए जे तु रोलुण लगो थिआ, तस याद कर कइ अउं हर वकत तोउ जुए मीण चहन्ता त खुश भुण चहन्ता।

2 तिमुथि 1:4 Iomraidhean Croise

यूहन्ना 16:22

त तुसी अभेईं त दुख भुन्ता, पर जपल अउं तुसी दुबारी मेता, त तुस सुआ खुश भोई घेन्ते त कोई बि तुं खुशी खराब कइ ना बटते।

यूहन्ना 16:24

अभेईं तकर तुसी में नओं पुठ कुछ नेईं मगो। मगीण दिए त तुं धे दीइन्तु, ताकि तुस सुआ सुख मेईंयाल।”

प्रतिनिधि 20:19

त कीं अउं अपफ सुआ घटाई कइ, रोली रोली, होर तेन्हि भुंजाण सेही कइ, जे में खिलाफ यहूदी मेह्‍णु के मेझर बझई जोई मोउं पुठ आए, तोउं बि अउं प्रभु सेवा कते रिहा।

प्रतिनिधि 20:31

तोउं त चौकाने बिशे, त याद रखे कि टाई साल तकर दन रात रोल रोल कइ अउं हर यक जेईं चेता दिआन्ता रिहा।”

रोमी 1:11

तुसी जोई मीणे में तीं इच्छा असी, ताकि परमेश्वरे आत्माई दुतो वरदान तुसी जुए बांट सकुं, जेसे बेलि विश्वास अन्तर तुस ताकतवर बण घेन्ते।

फिलिप्पी 1:8

जीं यीशु मसीह तुसी जुए परेम कता, अउं बि तुसी जुए परेम कता। त मोउं तुं कत हप्पड़ लगता, तसे बारे उगाह परमेश्वर असा।

फिलिप्पी 2:26

तोउं बि मेईं तस तुसी केईं लंघाणे ठीक किओ असु, किस कि तस तुं सम्हाई के हप्पड़ लगो असा। त तसे बीमार भुणे बारे जे तुसी शुणो असु, तेस बझई जुए बि दुखी भोई गो असा।

1 थेस्सलु 2:17

ए भाई त भेणिओं! जपल अस तुसी केआं थोड़े देरे लिए दूर भोई गो थिए, हांलाकि नजर केआं, मन केआं ना त तुं तीं हप्पड़ लगा त तुसी जोई मीण जे असी हउ बि सुआ कोशिश की।

2 तिमुथि 4:21

हियुंत केआं पेहलाई एणे कोशिश कर। यूबूलुस, पूदेंस, लीनुस त क्लौदिआ भेण होर सम्हाई भाई भेण तोउ जे नमस्कार कते।

2 तिमुथि 4:9

ए तिमुथियुसा, मोउं केईं झट एणे कोशिश कर।

1 यूहन्ना 1:4

अस इन्हि बोकी तोउं लिखते, किस कि इस बझई जुए असी सुआ खुशी मेईंयेल।

प्र. बोके 21:4

से तेन्के टीरी के सोब आंखु धूश छता। अब मेह्‍णु हउ ना मरते। अब न शोक, न रोलुण शींकुण, न दुख दर्द, किछ न रेहन्तु, किस कि पेहलकण बोके सोब घेई गो असी।”

प्र. बोके 7:17

किस कि से किएऊ, जे सिंहासने समाणि असु, तेन्के पुहाल बणता। होर तेन्हि जीवन देणे बाड़े पाणि सुजल केईं घिन घेन्ता; त परमेश्वर तेन्के टीरी के सोब आंखु धूश छान्‍ता।”