2 तिमुथि 1:3 - Walangi

³ ए तिमुथियुसा, जेस परमेश्वरे सेवा अउं अपु पुरखी के ईं रीति रिवाज जुए त साफ अन्तरात्माई जुए कता, तेस धन्यवाद कता कि अउं रोज ब्यागे ब्यादि अपु प्रार्थना अन्तर तोउ याद कता।

2 तिमुथि 1:3 Iomraidhean Croise

लूका 2:37

से चौरासी साले बुढी थी, त देहेर छड़ कइ कोठि न घेन्तीथ। बल्कि से दन भइ ब्रत त प्रार्थना कर कइ परमेश्वरे पूजा अराधना कती रेहन्तीथ।

प्रतिनिधि 22:3

“अउं यक यहूदी मेह्‍णु भो, जे किलिकिया इलाके तरसुस शेहर अन्तर जमो असा; पर अउं मठड़ियारी केईआं इस शेहर अन्तर गमालीएल गुरुजी केईं बिश कइ पढ़ो असा, त हें पितरी के नियम ठीक रीत जोई शिचो असा; होर अउं बि परमेश्वरे धुन अन्तर तीं मस्त थिआ, जीं तुस आज असे।

प्रतिनिधि 23:1

पौलुसे टजोटे मेह्‍णु कना ध्यान जोई हेरु त बोलु, “ए ट्यारेओ! मेईं आज तकर परमेश्वरे लिए सच्चे मन जोई जिन्‍दगी बिताओ असी।”

प्रतिनिधि 24:14

पर अउं तें समाणि ई जरूर मान छता कि जेस ‘यीशु बत’ ए झूठा दल बोते, तसे रीत जोई अउं अपु पितरी के परमेश्वरे सेवा कता; होर जे जे नियम त भविष्य वक्ती के लिखो बोकी के हेसाब जोई असी, तेन्हि सोबी पुठ पूरे मन जोई विश्वास कता।

प्रतिनिधि 24:16

एस बझई जोई अउं बि हमेशा कोशिश कता कि परमेश्वरे समाणि त मेह्‍णु के समाणि में अन्तरात्मा बजन दोषे रिहेल।”

प्रतिनिधि 26:4

“अउं मठड़ियारी केआं अपु देशे अन्तर त यरुशलेम शेहर अन्तर कीं कइ जीआ, तसे बारे सोब यहूदी मेह्‍णु जाणते।

प्रतिनिधि 27:23

किस कि से परमेश्वर, जे में भो त जेसे सेवा अउं कता, तसे स्वर्गेदूत रात मोउं केईं आ,

रोमी 9:1

अउं जे बोलुण लगो असा, से सच्चु असु। अउं झूठ नेईं बोलुण लगो किस कि अउं मसीहे चेला भिन्थ, होर शुची आत्मा में उगाह असी।

2 कुरिन्थ 1:12

अस इस बोकी पुठ रोभ किढ़ बटते त हें अन्तरात्मा बि इ उगाह देन्ती कि असी पूरी सच्चाई जुए, शुची जिन्‍दगी जीओ असी, खास कर तुं सामणि। ए असी मेह्‍णु दुतो ज्ञाने बेलि नेईं किओ, बल्कि परमेश्वर केआं भुओ कृपादृष्टि बेलि।

गलाती 1:14

यहूदी मेह्‍णु बुचा, अउं अपु सोउडरी सम्हाई मेह्‍णु केआं ज्यादा हें बाव-दादुए रीति रिवाज मानणे बाड़ा थिआ।

इफिसुस 1:16

तोउं त, तुं लिए अउं परमेश्वरे लगातार धन्यवाद कता त अपु प्रार्थना अन्तर रोज तुसी याद कता।

1 थेस्सलु 3:10

अस भ्यागे ब्यादि ईं हथ जोड़ कइ प्रार्थना कते कि तुसी जोई झट मीण जे एन्ते, त तुं विश्वास अन्तर जे कमी असी, तस पूरा कते।

1 तिमुथि 1:19

होर अपु विश्वास त साफ अन्तरात्मा छड़ ना दिए, जेस छड़ दी कइ कत मेह्‍णु के विश्वासे जहाज पाणि अन्तर डूब गो असा।

1 तिमुथि 1:5

इस निआंग देणे मकसद परेम असा, जे शुचे मन, साफ अन्तरात्मा त सच्चे विश्वास जुए एन्ती।

1 तिमुथि 5:5

जेस विधवा केईं कोई मदत करणे बाड़ा नेईं त यकदम अकेली असी, से परमेश्वर भाड़ती त अपु जरूरते लिए भ्यागे ब्यादि परमेश्वर जे विनती प्रार्थना कती रेहन्ती।

2 तिमुथि 1:5

मोउं तेस सच्चे विश्वासे याद एन्ती, जे पेहले तें नानि लोइस त तें ई यूनिक अन्तर थिआ। होर मोउं पूरा यकीन असा कि सेईंए विश्वास तोउ अन्तर बि असा।

2 तिमुथि 3:15

होर परमेश्वरे वचन जे तेईं मठड़ियार केआं पिछाणो असे, तेन्हि पुठ बि विश्वास कते रिहे, किस कि ए यीशु मसीह पुठ विश्वासे बेलि बचुण जे तोउ अक्लदार बणाई बटते।

इब्रानी 13:8

यीशु मसीह ही, आज त जुग जुग तकर सेईंया असा।