2 तिमुथि 1:18 - Walangi

¹⁸ होर जे जे सेवा तेन इफिसुस शेहर अन्तर किओ असी, तसे बारे त तोउ ठीक ठाक पता असा। अउं प्रार्थना कता कि जेस रोज प्रभु यीशु पंची करण जे एन्ता, तपल तेस पुठ दाह करे।

2 तिमुथि 1:18 Iomraidhean Croise

लूका 1:72

तेन ए सोब हें बाव दादु जे अपु दाह हरालण जे त अपु तेस शुची जुबान याद करण जे किओ असु,

लूका 1:78

ए हें परमेश्वरे तेस दाह बेलिए भुन्ता, जेस बेलिए मसीह खड़ोरिया एन्ता, जीं तेज पथवारी टगड़ियार एन्ती,

लूका 8:3

त हेरोदेसे भण्डारी खुजे जुएली योअन्ना, त होरी सुआ जिल्हाणु जोई सूसन्नाह बि थी। ए सोब अपु अपु धन दौलती बइ तसे सेवा कतीथ।

प्रतिनिधि 18:19

जपल से इफिसुस शेहर पुजे त पौलुस प्रिस्किल्ला त अक्विला तठि छड़ दी कइ से अपफ अराधनालय अन्तर घेई गा त यहूदी मेह्‍णु जोई बोक विचार त बेहेस करण लगा।

प्रतिनिधि 18:21

पर तेन्हि जे आबिश कर कइ त ईं बोल कइ तठिआ घेई गा कि “अगर परमेश्वर चहाल त अउं तुसी केईं फि एन्ता।” तोउं से इफिसुस शेहर छड़ दी कइ जहाज पुठ घेई गा;

प्रतिनिधि 19:1

जपल अपोलुस कुरिन्थुस शेहर अन्तर थिआ, तपल पौलुस बत अन्तर एणे बाड़े सोबी राज्य के दौरा कर कइ इफिसुस शेहर पुजा। तठि तस कुछ विश्वासी भाई मेईंए।

1 कुरिन्थ 1:8

परमेश्वर तुसी अखिरि टेम तकर मतलब कि हें प्रभु यीशु मसीहे दुबारी एणे रोज तकर नरदोष रखता।

1 कुरिन्थ 16:8

पर अउं पिन्तेकुस्ते त्योहार तकर इफिसुस शेहर बिश्ता।

1 कुरिन्थ 3:13

पर यीशु मसीहे एणे रोज से सोब सामणि एई घेन्ते, त हर यक मेह्‍णु कम केई घेन्तु। से रोज आगे बेलिए सामणि एन्ता त हर यक जेईं के कम परखता कि कीं असु।

2 कुरिन्थ 9:1

अब तेस दाने कमे बारे जे विश्वासी मेह्‍णु के लिए कते, तुसी जे लिखुण जरूरी नेईं।

इफिसुस 2:4

पर किस कि परमेश्वर सुआ दाह कता, होर असी जुओई ती परेम कता, जपल अपु पापे बझई जुए अस जमीर गो थिए, तेन अस तेस दाह जुए बचाओ असे। तेन जीं मसीह दुबारी जीआ, तीं अस बि जीए।

1 थेस्सलु 2:19

भला हें उम्मीद, हें खुशी, त हें रोभ की असा? जपल हें प्रभु यीशु एईयाल त कि तुस हें रोभ त खुशी ना भुन्ते ना?

1 तिमुथि 1:3

बे कोईया! मकिदुनिया देश घेन्ते टेम मेईं जीं तु समझो थिआ कि इफिसुस शेहर अन्तर बिश कइ गलत शिक्षा देण बाड़ी जे बोल कि “गलत शिक्षा ना दिए” तस अउं फि दुबारी बोता।

2 तिमुथि 1:12

इस बझई जुए अउं ए सोब दुख बि सेहन्ता पर लजिन्ता नोउ, किस कि मेईं जेस पुठ विश्वास किओ असा, तस मसीह जाणता। मोउं मसीह पुठ पूरा यकीन असा कि तसे न्याय करणे रोज तकर सेईंए परमेश्वरे दुतो खुश खबरी रखवाली कइ बटता।

2 तिमुथि 1:16

प्रभु उनेसिफुरुसे टब्बर पुठ दाह करे, किस कि तेन सोब लज शरम छड़ कइ अउं, जे यक कैदी असा, मोउं मीण जे सुआ लिंग एई कइ मोउं सुख दिता।

2 तिमुथि 1:17

से जपल बि रोम शेहर अन्तर आ, त सुआ कष्ट कर कइ अउं तोपा त मोउं जोई मिआ।

2 तिमुथि 4:12

मेईं तुखिकुस इफिसुस शेहर लंघो असा।

2 तिमुथि 4:8

अब एण बाड़े रोज अन्तर मोउं जे धर्मी मेह्‍णु कें धे देण बाड़ा मुकुट रखो असा, जे से न्यायी त धर्मी प्रभु मेन्धे देन्ता। होर तेन्हि सोबी कें धे बि देन्ता, जे तसे एण बोडे चह जुए भाड़ बिशो असे।

इब्रानी 6:10

किस कि परमेश्वर अन्याय करणे बाड़ा न भो कि से तस जोई, जे तुं परेम असा, तस बिसिर छता। से जरूर याद कता कि तुसी कीं परमेश्वरे शुचे मेह्‍णु के सेवा की त अभेईं तकर कते अओ असे।

1 पतरस 1:10

कुछ भविष्य वक्ती तुसी पुठ भुणे बाड़ी परमेश्वरे ई दाह दयाई बारे भविष्य वाणि किओ थी। तेन्हि परमेश्वरे तुसी बचाणे बारे सुआ खोजबीन त जांच पड़ताल की।

प्र. बोके 2:1

“इफिसुस शेहरे सतसंगे दूत जे ईं लिख: यीशु मसीह जेन सतहो तारे अपु सुमले हथ अन्तर रखो असे, त सत दीये बाड़े सुन्ने अगाशदीए के बुच हंटता, से ईं बोता कि