2 तिमुथि 1:12 - Walangi

¹² इस बझई जुए अउं ए सोब दुख बि सेहन्ता पर लजिन्ता नोउ, किस कि मेईं जेस पुठ विश्वास किओ असा, तस मसीह जाणता। मोउं मसीह पुठ पूरा यकीन असा कि तसे न्याय करणे रोज तकर सेईंए परमेश्वरे दुतो खुश खबरी रखवाली कइ बटता।

2 तिमुथि 1:12 Iomraidhean Croise

मत्ती 12:21

सोब मेह्‍णु तेस पुठ उम्मीद रखते।”

मत्ती 24:36

यीशु हउ बि बोलु, “पर तेस रोजे त घड़ी बारे कोई न जाणता, न स्वर्गेदूत, न कुआ, पर सद बोउ जाणता।

मत्ती 7:22

तेस न्याय करणे रोज सुआ जेईं मोउं जे बोते, “ए प्रभु, ए प्रभु! असी कि तुं नओएं बइ भविष्य वाणि न की ना। तुं नओएं बइ कि असी दुष्ट आत्मा बाहर न नशेणि ना। होर तुं नओएं बइ कि असी बोडे बोडे चमत्कारे कम न किए ना?”

लूका 10:12

अउं तुसी जे बोता कि न्याय करणे रोज तेस शेहरे मेह्‍णु के हाल सदोम शेहरे मेह्‍णु केआं बि सुआ बुरा भुन्ता।”

लूका 23:46

त यीशु लियार दी कइ बोलु, “ए बोउआ, अउं अपु प्राण तें हवाले कता।” त ईं बोल कइ मरी गा।

यूहन्ना 17:15

अउं ई दुआ करण नेईं लगो कि एन्हि इस धरती केआं घिन घिए, पर ई लगो असा कि एन्हि तेस दुष्ट केआं बचाई रखे।

यूहन्ना 6:44

कोई बि तोउं तकर मोउं केईं एई ना सकता, जोउं तकर मोउं लंघाणे बाड़ा परमपिता परमेश्वर तस में कना जे ना रिझान्ता त अउं तस परमेश्वर न्याय करणे रोज दुबारी जीआन्ता।

प्रतिनिधि 13:46

तोउं बि पौलुसे त बर्नबासे नडर भोई कइ बोलु, “जरूरी थिउ कि परमेश्वरे वचन पेहले तुसी शुणाओ भुन्ताथ। पर तुसी से ना मान कइ हराला कि तुस अमर जीवने लेएक नेईं। त हेरे, अस तुसी छड़ दी कइ गैर यहूदी के बुछ घेन्ते।

प्रतिनिधि 13:50

पर यहूदी मेह्‍णु तेस शेहरे खास खास भक्त जिल्हाणु त मड़द उकसाए, होर मेह्‍णु पौलुसे त बर्नबासे खिलाफ कर कइ भुंजाण लगे त से अपु शेहर केईआं बाहर किढ़ छड़े।

प्रतिनिधि 21:13

पर पौलुसे जवाब दिता, “ईं रोल रोल कइ तुस में काजा टुकड़ेरण किस लगो असे? अउं त प्रभु यीशु नओएं लिए यरुशलेम शेहर अन्तर न सद कैद भुण जे, बल्कि मरण जे बि तेयार असा।”

प्रतिनिधि 7:59

जपल से स्तफनुस पुठ घोड़िआ देन्ते रिहे, त तेन ईं प्रार्थना की, “ए प्रभु यीशु, में आत्मा रखीण दिए।”

प्रतिनिधि 9:16

होर अउं तेस हरालता कि में नओएं लिए तेस की की दुख सेहण एन्ते।”

रोमी 1:16

खुश खबरी केआं अउं केसे बझई जुए बि ना लजिन्ता, किस कि से हर यक विश्वास करणे बाड़ी के बचणे लिए परमेश्वरे ताकत असी, पेहले त यहूदी मेह्‍णु लिए, फि गैर यहूदी लिए।

रोमी 9:33

जीं धरमे कताब अन्तर परमेश्वरे यीशु मसीहे बारे बोलो बोक लिखो असी, “हेरे, अउं सिय्योन अन्तर यक ईं घोड़ रखता, जेसे बेलि मेह्‍णु उछुट घेन्ते, होर भीं झड़ते। होर जे तेस पुठ विश्वास करियेल, से लजेईन्‍ते नउ।”

1 कुरिन्थ 1:8

परमेश्वर तुसी अखिरि टेम तकर मतलब कि हें प्रभु यीशु मसीहे दुबारी एणे रोज तकर नरदोष रखता।

1 कुरिन्थ 3:13

पर यीशु मसीहे एणे रोज से सोब सामणि एई घेन्ते, त हर यक मेह्‍णु कम केई घेन्तु। से रोज आगे बेलिए सामणि एन्ता त हर यक जेईं के कम परखता कि कीं असु।

फिलिप्पी 1:20

मोउं पूरा यकीन असा कि अउं ई कोई बि कम ना कता जेसे बेलि यीशु मसीह अगर मोउं लज एईयेल। बल्कि अपल तकर जीं अउं अपु सम्हाई बेलि तसे महिमा कता, तीं एणे बाड़े रोज अन्तर बि अपु पूरे हिम्मत जुए तसे बारे उगाह देन्ता, ताकि चहे अउं जीआल या मराल तसे महिमा भुन्ति।

फिलिप्पी 3:10

अउं मसीह सुसुर जाणण चहन्ता। अउं तसे दुबारी जीणे ताकत अपु जिन्‍दगी अन्तर मेहसुस करण चहन्ता, त अउं मरुण तकर बि तसे ईं कष्ट सीढ़ण चहन्ता।

फिलिप्पी 3:21

से मरणे बाड़ा हें मनखे जिसम बदिल कइ तसेरी ईं जिसम बणान्ता जे कदी न मरता। तस केईं सम्हाई किछ अपु वश अन्तर करणे ताकत असी। तेस ताकती बेलि से हें जिसम अपु ईं बणान्ता।

फिलिप्पी 3:8

आं! में प्रभु यीशु मसीह जाणण अन्तर जे अनमोल अशुश असी, तस सामणि सद से सोब नेईं जे मेईं बोलो असु, बल्कि बाकी सोब किछ बेकार असु। मेईं त अपु सम्हाई किछ गन्‍द-फन्‍द समझ कइ मसीहे खातिर छड़ दुतो असु, ताकि अउं तस अपु बणेउ।

1 थेस्सलु 2:16

से होरे मेह्‍णु जुए तेन्के बचणे बारे बोक करण जे बि असी ठाकते, ताकि तेन्के पापे घड़ु भरी घियाल। पर अभेईं परमेश्वरे भयंकर लेहेर तेन्हि पुठ एई गो असी।

1 थेस्सलु 5:4

पर ए भाई त भेणिओं! इस बोकी बारे तुस अत बि अणजाण नेईं कि से रोज तुसी पुठ चोरे ईं अजगता एईयाल।

1 तिमुथि 6:20

त ए तिमुथियुसा! जे सच्चा वचन तेन्धे दुतो असे, तेन्हि सही सलामत रख कइ मेह्‍णु शिचालिण दे; त जे शिक्षा परमेश्वरे इच्छाई खिलाफ असी, तेस केआं त जुठी बोकी बेहेस केआं बि दूर बिश।

2 तिमुथि 1:14

त जे शुची आत्मा हें अन्तर भुन्ति, तसे ताकती बेलि इस खुश खबरी रखवाली कर।

2 तिमुथि 1:16

प्रभु उनेसिफुरुसे टब्बर पुठ दाह करे, किस कि तेन सोब लज शरम छड़ कइ अउं, जे यक कैदी असा, मोउं मीण जे सुआ लिंग एई कइ मोउं सुख दिता।

2 तिमुथि 1:18

होर जे जे सेवा तेन इफिसुस शेहर अन्तर किओ असी, तसे बारे त तोउ ठीक ठाक पता असा। अउं प्रार्थना कता कि जेस रोज प्रभु यीशु पंची करण जे एन्ता, तपल तेस पुठ दाह करे।

2 तिमुथि 1:8

तोउं त हें प्रभु बारे उगाही देण केआं त अउं जे तसे कैदी असा, असी केआं ना लजीण। पर परमेश्वर जे शक्ति देन्ता तेसे बेलि खुश खबरी प्रचार करण अन्तर मोउं जुए कष्ट सेह।

2 तिमुथि 2:9

त इस बझई जुए दुष्टी के ईं अउं कष्ट पाण लगो असा। सद एतुरु ना, बल्कि जेहेल अन्तर बि कैद असा। पर परमेश्वरे वचन कोई कैद ना कइ बटता।

2 तिमुथि 4:8

अब एण बाड़े रोज अन्तर मोउं जे धर्मी मेह्‍णु कें धे देण बाड़ा मुकुट रखो असा, जे से न्यायी त धर्मी प्रभु मेन्धे देन्ता। होर तेन्हि सोबी कें धे बि देन्ता, जे तसे एण बोडे चह जुए भाड़ बिशो असे।

तीतुस 3:8

ए त सोबी मानणे बाड़ी बोक असी त अउं बि चहन्ता कि तु ई सोब बोके बारे पूरे जोर जुए बोले। इसे बेलि जेन्हि परमेश्वर पुठ विश्वास किओ असा, से खरे खरे कम करणे मन रखते। ए सोब बोके खरी असी त मेह्‍णु फायदे लिए असी।

इब्रानी 12:2

होर चले, हें विश्वासे मालिक त हें विश्वास सिद्ध करणे बाड़ा, तेस यीशु मसीह पुठ अस अपु नजर टगाई रखते। तेन तेस खुशी लिए जे तसे अगर थी, लजीणे कोई परवाह न कर कइ क्रूस पुठ मर गा त अब परमेश्वरे सिंहासने देहणा कना इज्जते बाड़ी जगाई घेई बिशा।

इब्रानी 2:18

किस कि से अपफ दुख सेही कइ परखी गो असा त से तेन्के मदत कइ बटता, जेन्के परीक्षा भुन्ति।

इब्रानी 7:25

इस बझई जुए, जे मेह्‍णु यीशु बेलिए परमेश्वरे भेएड़ एन्ते, से तेन्हि बचाई बटता, किस कि से तेन्हि जे प्रार्थना दुआ करण जे हमेशा जीन्ता असा।

1 पतरस 1:5

तेस मसीह पुठ विश्वास करणे बेलि परमेश्वरे अपु ताकत जुए तुं रक्षा किओ असी, ताकि तुस बचुण तकर सुसुर बिशियेल, जे परमेश्वरे पंची करणे टेम अन्तर भुणे बाड़ु असु।

1 पतरस 4:16

पर मसीहे भुणे बझई जोई अगर तुसी दुख मेईंयाल, त लज न करे। पर मसीहे भुणे बझई जुए परमेश्वरे गुणगान करे।

1 पतरस 4:19

तोउं त, जे परमेश्वरे इच्छाई हेसाब जुए दुख सीढ़ते, से भलाई कते रिहे त अपु अपु प्राण यकीन करणे लेएक सृष्टिकर्ता जिम्म कइ छड़े।

यहूदा 1:24

जीं सृष्टि पेहलाई केआं अभेईं तकर भुण लगो असु, अभेईं तेस यके परमेश्वरे, हें बचाणे बाड़ी के महिमा, गुणगान, शान त ताकत, हें प्रभु यीशु मसीहे बेलिए जुग जुग भुन्ति रिहे। किस कि से परमेश्वर तुसी गलती त पाप केईआं बचाई बटता, त तुसी नरदोष बणाई कइ त सुआ खुशी जुए भर कइ अपु समाणि खड़ेर बटता। आमीन!