2 तिमुथि 1:10 - Walangi

¹⁰ होर जपल हें बचाणे बाड़ा यीशु मसीह इस धरती पुठ आ त से दाह त मकसद प्रकट भुई। तेन मरणे ताकत खतम कर कइ परमेश्वरे खुश खबरी पुठ विश्वास करणे बाड़ी जे परमेश्वर जुए हमेशा जीणे मौका दिता।

2 तिमुथि 1:10 Iomraidhean Croise

लूका 11:36

त अगर तें पूरा जिसम पुठ टगड़ियार असी, होर कोठि बि अन्हारु नेईं त से टगड़ियारी बेलि भरी घेन्ता त दीये ईं चमकुण लगता।”

लूका 13:7

त तेन तेस बगे रखवाली करणे बाड़े जे बोलु, ‘हेर, टाई साल केआं अउं एस बुटे फल तोपुण जे एन्ता, पर अपल तकर यक बि फल नेईं मेओ। एस बुटा कटिण दे, किस बेकार एस जिम खराब कता?’

लूका 2:11

आज दाऊद राजे ग्रां, बैतलहम अन्तर तुं लिए यक बचाणे बाड़ा जमो असा त सेईंए मसीह प्रभु भो।

यूहन्ना 1:9

किस कि परमेश्वरे लंघो से टगड़ियार, जे यीशु असा, से धरती पुठ एण बाड़ा थिआ। से परमेश्वरे सच्चाई मेह्‍णु हरालता।

यूहन्ना 14:6

यीशु तस जे बोलु, “बथ, सच्चाई त जीवन अउंए भो; मोउं बजन कोई बि बोउ केईं पूज ना सकता।

यूहन्ना 20:31

पर ई सोब बोक तोउं लिखो असी ताकि तुस ए विश्वास करियेल कि यीशु परमेश्वरे कुआ “मसीह” भो। त तेस पुठ विश्वास कर कइ तसे नओएं बेलि तुसी अमर जीवन मेईंए।

यूहन्ना 4:42

त तेस जिल्हाणु जे बोलु “अब अस सद तें बोलुणे बेलि विश्वास ना कते; किस कि असी अपफ तस केईआं शुणु त पता लग गा कि ए सेईंए मनख बचाणे बाड़ा भो।”

यूहन्ना 5:40

तोउं बि तुस अमर जीवन लिए मोउं केईं ना एण चहन्ते।

प्रतिनिधि 13:23

परमेश्वरे अपु जुबाने हेसाब जोई एसेरी ऊड़ी अन्तरा इस्राएली मेह्‍णु के लिए यक बचाणे बाड़ा लंघा, मतलब यीशु।

प्रतिनिधि 5:31

से ईं परमेश्वरे मुखिया त बचाणे बाड़ा बणाई कइ अपु देहणा कना बिशाणो असा, ताकि असी इस्राएली मेह्‍णु जे मन बदलुणे मौका मेईंयाल, होर से हें पापी के माफी दिआल।

रोमी 16:26

पर अब तसे भिहो खुल गो असा। भविष्य वक्ती के लिखो बोकी के बेलि, परमपिता परमेश्वरे निआंगी बइ एसे बारे अब हर जाति मेह्‍णु बिच प्रचार भुओ असा, ताकि सोब जेईं तस पुठ विश्वास कर कइ मानियेल।

रोमी 2:7

परमेश्वर तेन्के धे अमर जीवन देन्ता, जे लाह रख कइ खरु कम कते रेहन्ते, ताकि तेन्हि जे परमेश्वर खरु बोलियाल, इज्जत दियेल, होर से तस जुए हमेशा बिशियेल।

रोमी 3:31

त कि विश्वासे बेलिए अस नियम बेकार बणान्ते ना? कदी ना! बल्कि अस नियम पूरा कते।

रोमी 6:6

अस जाणते कि तेस जोई साते हें पुराणे सभाव बि क्रूस पुठ मर गे, ताकि गलती त पाप करणे हें सभाव मुक घियेल, त तढ़िया पता अस पापे गुलाम ना रिहेल।

1 कुरिन्थ 15:26

त सोबी केआं अखिर अन्तर जे बैरी दुश्माण खतम करिन्ता, से भो “मौत”।

1 कुरिन्थ 4:5

तोउं त, टेम केआं पेहलाई पंची करण न बिशे, मतलब प्रभु एण केआं पेहलाई पंची न करे। सेईंए जे अन्हारे अन्तर असे, तेन्हि टगड़ियार जे अण्हता त मने भियो खोल छता। तोउं परमेश्वर हर यक जेईं तेन्के कमे हेसाब जोई इज्जत देन्ता।

2 कुरिन्थ 5:4

त जपल तकर असी इस जिसमे डेरा डबो असा, असी कष्ट भुन्ता। कष्ट इस बझई जुए नेईं कि अस इस जिसम छड़ण चहन्ते, बल्कि अस चहन्ते कि झट इस मुकणे बाड़े जिसम पुठ स्वर्गे से नामुकणे बाड़ा जिसम एई घिए।

गलाती 5:4

त अगर कोई नियम मान कइ परमेश्वरे सामणि धर्मी भुण चहन्ता त से मसीह त तसे किओ बचाणे कम केआं अपफ दूर रखो असा।

इफिसुस 1:18

त तुं अन्तर ईं समझ दिए कि तुसी पता लगाल कि तस भिआण अन्तर की उम्मीद असी, त तेन्हि शुचे मेह्‍णु के अमीरी की की असी जे तसे हकदार असे,

इफिसुस 1:9

तेनि अपु खरे विचार जुए जे सोब ब्योरा मसीह अन्तर किओ थिआ, से सोब नियोको बोके असी जे बोली,

2 थेस्सलु 2:8

तोउं से कलंकी मेह्‍णु निसता। पर जपल प्रभु यीशु दुबारी एन्ता, से तेस अपु बोकी बइ मार छता त अपु एणेरी चमके बइ भसम कइ छता।

2 तिमुथि 1:1

ए ट्यारे तिमुथियुसा, में कोईया! अउं पौलुस इस चिट्ठि लिखुण लगो असा। परमेश्वरे अपु इच्छाई मुताविक अउं यीशु मसीहे प्रतिनिधि बणो असा त यीशु मसीह अन्तर जे जीवने जुबान असी, तसे प्रचार करण जे लंघो असा, परमपिता परमेश्वरे त हें प्रभु यीशु मसीहे दाह, कृपादृष्टि, त शान्ति तोउ पुठ भुन्ति रिहे। आमीन!

2 तिमुथि 1:8

तोउं त हें प्रभु बारे उगाही देण केआं त अउं जे तसे कैदी असा, असी केआं ना लजीण। पर परमेश्वर जे शक्ति देन्ता तेसे बेलि खुश खबरी प्रचार करण अन्तर मोउं जुए कष्ट सेह।

2 तिमुथि 4:1

ए तिमुथियुसा! जे जीन्ता त मुओरी के पंची कते, जेन्के दुबारी पंची करणे टेम त राज करणे टेम नीड़ा असा, अउं तेस परमेश्वर त यीशु मसीह उगाह रख कइ, तोउ चेता दिआई कइ ई निआंग देन्ता कि

2 तिमुथि 4:8

अब एण बाड़े रोज अन्तर मोउं जे धर्मी मेह्‍णु कें धे देण बाड़ा मुकुट रखो असा, जे से न्यायी त धर्मी प्रभु मेन्धे देन्ता। होर तेन्हि सोबी कें धे बि देन्ता, जे तसे एण बोडे चह जुए भाड़ बिशो असे।

तीतुस 2:11

किस कि परमेश्वरे कृपादृष्टि भुओ असी, जेसे बेलि सोब मेह्‍णु बच घियेल।

तीतुस 2:13

त अपु से बोडे उम्मीद, मतलब हें बोडा परमेश्वर त बचाणे बाड़ा यीशु मसीह दुबारी एणे भाड़ बिशे।

तीतुस 3:4

पर जपल हें बचाणे बाड़ा परमेश्वर अपु दाह त परेम हराला,

इब्रानी 10:32

पर तुस तेन्हि दिनि याद करे, जपल तुसी पेहले फेरि परमेश्वरे सच्चाई पता लगा, त तुस सुआ दुख तकलीफ सेही कइ बि विश्वास अन्तर खरे पक्के भोई बिशे।

2 पतरस 1:1

ए ट्यारे भाई त भेणिओं! जेन्हि हें ईं मसीह पुठ विश्वास करणे मौका मेओ असा, अउं शमौन पतरस, यीशु मसीहे नौखर त प्रतिनिधि, तुसी सोबी जे नमस्ते कता। हें परमेश्वरे त बचाणे बाड़ा यीशु मसीहे भलाई बेलि ईं असी ए कीमति विश्वास मेओ असा।

2 पतरस 1:11

बल्कि एस बझई जोई तुस हें प्रभु त बचाणे बाड़ा यीशु मसीहे कदी न खतम भुणे बाड़े राज्य अन्तर इज्जत जुए घेन्ते।

2 पतरस 1:3

जीवन जीण जे त परमेश्वरे भक्ति करण जे जे कुछ बि असी लौतु, परमेश्वरे अपु शक्ति बेलि से सोब हें धे दुतो असु। परमेश्वर बोडा त सुआ खरा भुणे बझई जोई अस भिहो असे। असी तसे पता असा, तोउं त ई सोब असी मेई गो असु।

2 पतरस 2:20

से प्रभु त हें बचाणे बाड़ा यीशु मसीहे पिछाणणे बेलिए मतोके केहि किस्मी पापी केआं बच कइ बि, अगर दुबारी तेन्हि अन्तर फस कइ हार गो असे, त तेन्के दशा पेहलकण दशाई केईं बि ज्यादी बुरी भोई गो असी।

2 पतरस 3:18

पर तुस हें प्रभु त बचाणे बाड़ा यीशु मसीह कृपादृष्टि त ज्ञान अन्तर बधते घिए। यीशु मसीहे इज्जत अभेईं त जुग जुग तकर भुन्ति रिहे। आमीन।

2 पतरस 3:2

होर जे बोके शुचे भविष्य वक्ते पेहलाई बोलो असी, तेन्के बोके तुसी कदी ना बिसरीण। त हें प्रभु त बचाणे बाड़े तेस निआंग याद करे, जे तुं धे प्रतिनिधि के बेलिए दुतो थी।

1 यूहन्ना 4:14

असी हेर छोउ त उगाह बि देन्ते कि बोउए अपु कुआ मनख बचाणे बाड़ा बणाई कइ लंघो असा।

प्र. बोके 18:1

तढ़िया पता मेईं यक स्वर्गेदूत स्वर्ग केआं उन्निया एन्ता काआ, जेस सुआ हक थिआ, त धरती तसे लौई बेलिए चमक गई।

प्र. बोके 2:7

कन खोल कइ शुणीण दिए कि शुची आत्मा सतसंगी जे की बोती। जे बि जीतते, अउं तेन्के धे जीवने बुटे केआं फल खाण जे देन्ता, जे परमेश्वरे स्वर्गलोक अन्तर असा।”

प्र. बोके 20:14

दरघाई त काल खपरे आगी टह्‌नु अन्तर फटाई छड़े। एईएं आगी टह्‌नु दोकु मरुण भो।

प्र. बोके 22:14

“धन्य असे से, जेन्हि अपु झिणे धुई छो असे, ताकि दुआरे बइ तेस शुचे शेहर अन्तर घेई सकते त जीवने बुटे फल खाई सकते।

प्र. बोके 22:17

आत्मा त दुल्हन दुहिए बोती, “आई”। त शुणणे बाड़ा बि बोले, “आई”। जे टिशो असा आईए; त जे बि चहन्ता, से जीवने पुओणि मुफत अन्तर पिए।