2 तिमुथि 1:1 - Walangi

^1-2 ए ट्यारे तिमुथियुसा, में कोईया! अउं पौलुस इस चिट्ठि लिखुण लगो असा। परमेश्वरे अपु इच्छाई मुताविक अउं यीशु मसीहे प्रतिनिधि बणो असा त यीशु मसीह अन्तर जे जीवने जुबान असी, तसे प्रचार करण जे लंघो असा, परमपिता परमेश्वरे त हें प्रभु यीशु मसीहे दाह, कृपादृष्टि, त शान्ति तोउ पुठ भुन्ति रिहे। आमीन!

2 तिमुथि 1:1 Iomraidhean Croise

यूहन्ना 10:28

त अउं तेन्हि अमर जीवन देन्ता। से कदी ना मरते त में हतेउ केआं ना छुड़ुकते।

यूहन्ना 17:3

त अमर जीवन पाणे तरीका ई असा कि तेन्हि पक्का पता लगे कि तुस ईं यक सच्चा परमेश्वर भो त अउं जे यीशु भो, सेईंए मसीह भो जे तुसी लंघो असा।

यूहन्ना 5:24

अउं तुसी जे बोता, जे में बोक शुण कइ मोउं लंघाणे बाड़े पुठ विश्वास कता, तस अमर जीवन मेता। तस पुठ कोई सज्जा नेईं, बल्कि मरण केआं बच कइ तस अमर जीवन मेओ असा।

यूहन्ना 6:40

किस कि में बोउए इच्छा ई असी कि जे कोउं कुआ मानेल, त तस पुठ विश्वास करेल, तेन्हि अमर जीवन मेईंयेल। त परमेश्वर न्याय करणे रोज अउं तस दुबारी जीआन्ता।”

यूहन्ना 6:54

मोउं पुठ विश्वास कर कइ जे में मास खांता त में लहु पीन्ता, तस अमर जीवन मेता त अउं तस परमेश्वरे न्याय करणे रोज दुबारी जीआन्ता।

रोमी 1:1

में ट्यारे रोम शेहरे विश्वासी भाई त भेणिओं! अउं पौलुस, यीशु मसीहे सेवक तुसी जे नमस्कार कता। परमेश्वरे अउं मसीहे प्रतिनिधि बणण जे भिहो असा, त तसे खुश खबरी प्रचार करण जे बखरे किओ असा।

रोमी 5:21

त जीं पापे मरणे बेलि सोबी पुठ राज किआ, तिहांणि परमेश्वरे कृपा बि हें प्रभु यीशु मसीहे बेलि, असी धर्मी बणाई कइ अमर जीवने लिए राज कती।

रोमी 6:23

किस कि पाप करणे मजूरी मौत असी, पर परमेश्वरे वरदान हें प्रभु मसीह यीशु अन्तर अमर जीवन असा।

1 कुरिन्थ 1:1

ए ट्यारे कुरिन्थुस शेहरे परमेश्वरे सतसंग! अउं पौलुस त हें भाई सोस्थेनुस तुसी सम्हाई जे नमस्ते कते। परमेश्वरे अउं अपु इच्छाई बेलि यीशु मसीहे प्रतिनिधि बणो असा। त परमेश्वरे तुस सम्हाई जेईं जे यीशु मसीह पुठ विश्वास कर कइ शुचे भुण जे भिहो असे त शुचे किओ असे। सद तुसे ना, बल्कि से सम्हाई जेईं बि तेन भिहो असे, जे हें प्रभु यीशु मसीह नओं पुठ विश्वास कर कइ प्रार्थना कते।

2 कुरिन्थ 1:1

ट्यारे कुरिन्थुस शेहरे परमेश्वरे सतसंग त पूरे अखया राज्य परमेश्वरे चुणो मेह्‍णुओ! अउं पौलुस, जे परमेश्वरे इच्छाई बेलि मसीह यीशु प्रतिनिधि असा त हें भाई तिमुथियुस, तुसी जे नमस्ते कते।

2 कुरिन्थ 1:20

त यीशु मसीहे बेलि ईं परमेश्वरे सम्हाई जुबान हमेशा पूरी भुन्ति। तोउं त, परमेश्वरे महिमा भुण जे अस यीशु मसीहे बेलि “आमीन” बोते।

गलाती 3:26

त जेन्हि बि मसीह यीशु पुठ विश्वास कर कइ तस जुए पुओणि अन्तर चुसिए असे, तेन्हि सम्हाई मसीहे दुतो नोउएं गुण झिणि के ईं डबो असे। इस बझई जुए तुस जे मसीह पुठ विश्वास कते सम्हाई अब परमेश्वरे गभुर बणि गो असे।

गलाती 3:28

तुं बुच अभेईं ना यहूदी, ना गैर यहूदी; ना गुलाम ना अजाद; होर ना जिल्हाणु नामड़द, कोई फरक नेईं; किस कि यीशु मसीह अन्तर तुस सम्हाई यक भोई गो असे।

इफिसुस 3:6

नियको सच्चाई ई असी कि खुश खबरी बेलि यीशु मसीह अन्तर गैर यहूदी बि परमेश्वरे हकदार बण गो असे त यक जिसमे त परमेश्वरे जुबाने हकदार असे।

1 तिमुथि 6:19

ईं कर कइ से एण बाड़े रोजे लिए अब्बल धन कठा कते, जे कि अमर जीवने लिए अब्बल खाई ईं बणता, त तेन्हि खरा जीवन मेई सकियेल।

2 तिमुथि 1:10

होर जपल हें बचाणे बाड़ा यीशु मसीह इस धरती पुठ आ त से दाह त मकसद प्रकट भुई। तेन मरणे ताकत खतम कर कइ परमेश्वरे खुश खबरी पुठ विश्वास करणे बाड़ी जे परमेश्वर जुए हमेशा जीणे मौका दिता।

2 तिमुथि 1:13

जे खरी खरी बोके तेईं मोउं केआं शुणो असी, तस मसीह यीशु अन्तर पूरे विश्वास त परेम जुए यक अब्बल शिक्षा समझ कइ पक्के बण बिश।

2 तिमुथि 1:9

तेन परमेश्वरे अस बचाए त शुची जिन्‍दगी जीण जे भिहो असे। होर ई हें कमे बझई जुए नेईं, पर यीशु मसीह अन्तर इस धरती बणुण केआं पेहले ईं तेसे, जे दाह त मकसद असी जे असा, तस बझई जुए किआ।

2 तिमुथि 2:1

तोउं त ए तिमुथियुसा, में कोईया! प्रभु यीशु मसीह अन्तर जे कृपादृष्टि असी, तस अन्तर हउ बि ताकतवर बण।

2 तिमुथि 2:10

तोउं त, अउं तेन्हि मेह्‍णु जे सोब कुछ सेहण लगो असा, जे परमेश्वरे चुणो असे, ताकि यीशु मसीह अन्तर जे बचुण असु, से तेन्हि बि मेईंयेल त से हमेशा तसे शान अन्तर बिशियेल।

2 तिमुथि 2:3

तु यीशु मसीहे यक सच्चे फौजी ईं असी जुए खुश खबरी प्रचार करण अन्तर कष्ट सेह।

2 तिमुथि 3:15

होर परमेश्वरे वचन जे तेईं मठड़ियार केआं पिछाणो असे, तेन्हि पुठ बि विश्वास कते रिहे, किस कि ए यीशु मसीह पुठ विश्वासे बेलि बचुण जे तोउ अक्लदार बणाई बटते।

तीतुस 1:2

ए सच्चाई तेन्हि यकीन दिआन्ती कि तेन्हि केईं अमर जीवन असा। जे परमेश्वर कदी झूठ ना बोता, तेन से तेन्हि देण जे सुआ टेम पेहलाई अपु जुबान दुतो थी।

तीतुस 1:4

त ए तीतुसा! विश्वास अन्तर में सच्चा कुआ, तोउ जे ई लिखुण लगो असा। परमपिता परमेश्वरे त असी बचाणे बाड़ा यीशु मसीहे कृपादृष्टि त शान्ति तोउ पुठ भुन्ति रिहे। आमीन

इब्रानी 9:15

इस बझई जुए मसीह नोई जुबानी पंच बणा, ताकि परमेश्वरे चुणो तेन्हि जे तसे जुबानी मुताविक अमर विरासत मेईंयेल, किस कि से तेन्हि पुराणि जुबानी गलती त पापी केआं बचाणे लिए मर गा।

1 यूहन्ना 2:25

होर जेस हेन्धे देण जे कोईये जुबान दुतो असी, से “अमर जीवन” भो।