2 थेस्सलु 2:3 - Walangi

³ कोई जेईं बि तुसी कीं कइ बि ना ठगाल, किस कि से रोज तपल तकर ना एन्ता, जपल तकर मेह्‍णु विश्वास करण छड़ ना दियेल, होर से कलंकी मेह्‍णु मतलब बरबादी अण्हणे बाड़ा मेह्‍णु ना खड़ियाल।

2 थेस्सलु 2:3 Iomraidhean Croise

यूहन्ना 17:12

जोउं तकर अउं तेन्हि जुए साते थिआ, मेईं तुं नओएं शक्ति बेलि जे तुसी मेन्धे दुतो असी तेन्के रक्षा की। मेईं तेन्के ख्याल रखा। त धरमे कताबे बोक पूरी भुणे लिए सद तस चेले छड़ दी कइ जे खतम भुणे बाड़ा थिआ, बाकी सम्हाई बचाई रखे।

1 कुरिन्थ 6:9

तुसी पता नेईं ना कि बुरे मेह्‍णु परमेश्वरे राज्ये हकदार न बणते? ईं ना सोचे कि गलत तरीके जुए जिसमे संमंध रखणे बाड़े, मुर्तिपुजा करणे बाड़े, नाजायज रिश्ता रखणे बाड़े त अपु लिंगे मेह्‍णु जुए जिसमे रिश्ता रखणे बाड़े, परमेश्वरे राज्ये हकदार बणते। कदी ना!

इफिसुस 5:6

हेरी बिशे, एन्के बारे अपु शिक्षा बेलि कोई तुसी धोखा ना दियेल। किस की इन्हि बझई जुए ईं परमेश्वरे सज्जा तेन्हि पुठ एन्ती जे तसे निआंग ना मानते।

1 यूहन्ना 2:18

ए गभुरुओ! ई जुग खतम भुणे टेम भो। जीं तुसी शुणो असु कि मसीहे विरोधी एणे बाड़ा असा, मेल अभेईं बि सुआ मसीह विरोधी एई गो असे। एस केआं असी पता लगता कि ए अखिरि टेम भो।

1 यूहन्ना 4:3

होर जे आत्मा ई ना मानती, कि यीशु परमेश्वर केआं अओ असा; ए सेईंए मसीहे विरोधी आत्मा भो। एसे बारे ईं तुसी शुणो असु कि ए एणे लगो असी, त अभेईं बि इस मतोक अन्तर असी।

प्र. बोके 17:11

जे खतरनाक जानवर पेहले थिआ, त अब नेईं, से अपफ अठूं राजा भो त तेन्हि सतहोई बिचा यक भो। तेसे खतम भुण पक्कु असु।”

प्र. बोके 17:8

“जे खतरनाक जानवर तेईं काओ असा, से पेहले थिआ, पर अब नेईं। तोउं बि अब से काल खपर अन्तरा निसण बाड़ा असा, पर हमेशा लिए खतम भुण जे। होर धरती पुठ बिशणे बाड़े से सोब, जेन्के नओं सृष्टि शुरुवात केआं पेहलाई जीवने कताब अन्तर नेईं लिखो, तेस जानवर हेर कइ हैरान भोई घेन्ते कि ए जानवर पेहले त थिआ, पर अब नेईं, होर से दुबारी एन्ता।”