2 पतरस 3:3 - Walangi

³ पेहले ईं जाण घिए कि धरती अखिर रोजी अन्तर हसाड़ मखोल करणे बाड़े एन्ते, जे अपु बुरी इच्छाई बेलिए मखोल कते।

2 पतरस 3:3 Iomraidhean Croise

यूहन्ना 12:48

जे मोउं रोशुणीन्ते, त में बोक ना मानते, तेन्हि पुठ दोष लाणे बाड़ा त यक असा, मतलब में बोक भो, जे मेईं बोलो असी। सेईंए, परमेश्वरे न्याय करणे रोज तेन्के पंची कर कइ तेन्हि पुठ दोष लान्ता।

2 कुरिन्थ 4:2

बल्कि अस से सोब बेशर्मी कम, जे मेह्‍णु नियोकान्‍ते, से करण छड़ दुतो असे। परमेश्वरे वचन झूठा बणाण त चलाकी करण असी रशुणे लगते। परमेश्वर हें उगाह असा कि अस सद सच्चाई बोते, ताकि होरे मेह्‍णु असी पुठ भरोसा कइ बटियेल।

2 तिमुथि 3:1

पर, ए तिमुथियुसा! याद रख कि प्रभु यीशु एणे अखिर रोजी अन्तर सुआ कड़ा-क्लेश भुन्ति।

इब्रानी 1:2

पर अखिर अन्तर तेन अपु कुआ यीशु बेलिए असी जुएई बोके किओ असी। तसे कुआ सोबी चीजी के हकदार असा त तसेरी बेलि परमेश्वरे सम्हाई कुछ बणाउ।

2 पतरस 1:20

पर पेहले ई जाण घिए कि धरमे कताबे कोई बि भविष्य वाणि केनि अपु विचारी के बेलि नेईं लिखो।

2 पतरस 2:10

खास कर तेन्हि जे परमेश्वर सुआ सक्ति कता, जे तसे राज ना मानते त सद अपु जिसमे बुरी इच्छाई हेसाब जुए जीन्ते। से गलत शिक्षा देणे बाड़े ढीठ त लापरवाह असे, त अपफ केईआं बोडी जे भलु बुरु बोलुण जे बि ना डरते।

1 यूहन्ना 2:18

ए गभुरुओ! ई जुग खतम भुणे टेम भो। जीं तुसी शुणो असु कि मसीहे विरोधी एणे बाड़ा असा, मेल अभेईं बि सुआ मसीह विरोधी एई गो असे। एस केआं असी पता लगता कि ए अखिरि टेम भो।

यहूदा 1:16

ए से मेह्‍णु भिन्थ जे कदी केसे बोकी पुठ खुश ना भुन्ते। ए हमेशा चरचर कते रेहन्ते त अपु अपु बुरी इच्छाई हेसाब जोई जीन्ते, होर अपु मुंहुए बइ बोडी बोडी बोके कते, त से अपु फायदे लिए कुछ बि बोते रेहन्ते।

यहूदा 1:18

से तुसी जे बोलिआ कतेथ, “अखिरि रोजी अन्तर ईं मेह्‍णु एणे बाड़े असे, जे परमेश्वरे लठ लिहाज ना रखते, बजन भक्ति अपु बुरी इच्छाई हेसाब जोई जीन्ते।”