2 पतरस 3:2 - Walangi

² होर जे बोके शुचे भविष्य वक्ते पेहलाई बोलो असी, तेन्के बोके तुसी कदी ना बिसरीण। त हें प्रभु त बचाणे बाड़े तेस निआंग याद करे, जे तुं धे प्रतिनिधि के बेलिए दुतो थी।

2 पतरस 3:2 Iomraidhean Croise

लूका 24:27

त से मूसे केआं शुरु कर कइ सोब भविष्य वक्ते त पूरी धरमे कताब अन्तर तसे बारे जीं जीं बि लिखो असु से समझाई छोउ।

लूका 24:44

तोउं, तेन तेन्हि जे बोलु, “ई में से बोके भीन्‍थ, जे मेईं तुसी जोई बिश कइ बोलो थी कि जरूर असु कि जती बोके मूसे नियम अन्तर त भविष्य वक्ती के त छुआंरी के कताबी अन्तर में बारे लिखो असी, से पूरी भुन्ति।”

प्रतिनिधि 10:43

यीशु बारे ईं सोब भविष्य वक्ते उगाही देन्ते कि जे कोउं तेस पुठ विश्वास कता, तेस तसे नओएं बेलिए पापी के माफी मेई घेन्ति।”

प्रतिनिधि 28:23

त एस मसीहे बते बारे बोक करण जे तेन्हि यक रोज ठीक कइ छड़ा त तेस ठीक किओ रोजे सुआ मेह्‍णु तसे गी आए। भ्यागे केआं ब्यादि तकर पूरी सच्चाई जोई पौलुस तेन्हि परमेश्वरे राज्य बारे शिचालता रिहा। त मूसा दुतो नियम अन्तर त भविष्य वक्ती के लिखो बोकी अन्तर मसीह यीशु बारे जे जे बोक असी, तेन्हि से समझाई कइ पतियान्ता रिहा।

प्रतिनिधि 3:18

पर जे बोके परमेश्वरे सोबी भविष्य वक्ती के बेलि पेहलाई बोल छओ थी कि तसे मसीह दुख सेहन्ता, से ईं कर कइ पूरी भुई।

प्रतिनिधि 3:21

पेहलकण जमाने केआं परमेश्वरे अपु शुचे भविष्य वक्ती के बेलि मसीह बारे अन्हि सोबी बोकी के चर्चा किओ थी। त ए जरूरी असु कि मसीह तोउं तकर स्वर्ग अन्तर रिहे, जपल तकर कि से सोब पूरी ना भोल।

गलाती 6:2

परेशानी त कष्ट अन्तर तुस यकी होरी मदत करे। ई करणे बेलि तुस मसीहे शिक्षाई हेसाब जुए जी सकते।

इफिसुस 2:20

त प्रतिनिधि त भविष्य वक्ते खाई पुठ तुस जीं परमेश्वरे यक शुचा देहेर बणण लगो असे, जेसे जेठा थम यीशु मसीह अपफ भो।

इफिसुस 3:5

परमेश्वरे ई नियको सच्चाई होर जुगे मेह्‍णु कें धे नेओथ दुतो, पर अभेईं परमेश्वरे आत्माई शुचे प्रतिनिधि त भविष्य वक्ती जे बोलो असु।

1 तिमुथि 6:14

कि जपल तकर हें प्रभु यीशु मसीह दुबारी ना एन्ता, तपल तकर इन्हि निआंगी पूरी ताकत त मन केआं मनीण दिए।

2 पतरस 2:21

किस कि तेन्के लिए धरमे बथ जाण कइ परमेश्वरे दुतो शुची निआंग ना मनण केआं खरी थी कि तेस केआं बिलकुल ईं अणजाण भुन्तेथ।

2 पतरस 3:15

होर तुस समझ घिए कि प्रभु तोउं लाह रखता, किस कि से चहन्ता कि सोब बच घिए। एसे बारे हें ट्यारे भाई पौलुसे बि तेस ज्ञाने हेसाब जुए, जे तेस मेआ, तुसी जे लिखो असु।

2 पतरस 3:16

तिहांणि तेन अपु सोबी चिट्ठि अन्तर बि अन्हि बोकी के बारे लिखो असु, जेन्हि अन्तर केहि बोके ईं असी कि जे समझुण जे ओखी असी। होर नासमझ त दुमने मेह्‍णु तेन्के मतलब मरोड़ कइ अपु खातमा कराणे बझह बणान्ते, जीं से धरमे कताबे होरी बोकी के बि कते।

1 यूहन्ना 4:6

अस परमेश्वरे भिन्थ। जे परमेश्वर जाणता, से हें शुणता; पर जे परमेश्वर ना जाणता, से हें ना शुणता। इसे बेलि अस परमेश्वरे आत्मा जे सच्चाई हरालती त शैताने आत्मा जे मेह्‍णु बेहकान्ति पिछाण बटते।

यहूदा 1:17

पर ए ट्यारेओ, तुसी से बोके याद रखीण, जे हें प्रभु यीशु मसीहे प्रतिनिधि तुसी जे पेहलाई बोल गो असे।

प्र. बोके 19:10

तोउं त, अउं तेस स्वर्गेदूते पूजा अराधना करण जे तसे खुरी पुठ उटेऊ बिश गा। पर तेन मोउं जे बोलु, “ईं ना कर, अउं त तें ईं त यीशु मसीहे उगाही देणे बाड़े तें एन्हि भाई के ईं यक सेवक भो। पूजा अराधना करीण असी त परमेश्वरेरी करे, किस कि भविष्य वाणि करणे खास मकसद यीशु मसीहे प्रचार भो।”