2 पतरस 2:2 - Walangi

² सुआ जेईं तेन्के शिक्षा मान कइ तेन्के ईं लूचियाम कते। तेन्के बझई जोई मेह्‍णु सच्चाई बुराई कते।

2 पतरस 2:2 Iomraidhean Croise

मत्ती 22:16

तोउं फरीसी अपु चेले राजा हेरोदेसे मेह्‍णु जोई साते तसे भेएड़ ईं बोलुण जे लंघाए, “ए गुरु! अस जाणते कि तुस सच्चे असे, त परमेश्वरे बोक बि सच्चाई जोई शिचालते। होर केसेरी परवाह न कते, किस कि तुस मेह्‍णु के मुंह हेर कइ बोक न कते।

मत्ती 24:24

किस कि झूठे मसीह त झूठे भविष्य वक्ते एन्ते। से बोडे बोडे निशाणी त चमत्कार कते ताकि भोई सकियेल त चुणो तेन्हि बि विश्वास केआं उलाठ नी छते।

मत्ती 7:14

पर जे दुआर त बथ अमर जीवन जे पुजान्ती, से सुआ संकड़ी त सुआ ओखी असी। थोड़े जेईं ईं असे जे एस बथ हंटते।

मरकुस 12:14

तेन्हि एई कइ तेस जे बोलु, “ए गुरु, अस जाणते कि तुस सच्चे असे, त केसेरी परवाह न कता। होर बजन केहर-बेहरी परमेश्वरे बत हंटणे बोके सच्चाई जोई शिचालता। त छने असी बताण दिए कि रोमी मेह्‍णु के राजा कैसरे धे मामला देण ठीक असु कि नेईं? अस देण, या न देण?”

मरकुस 13:22

किस कि तपल झूठे मसीह त भविष्य वक्ते एन्ते। से निशाण हराल कइ त सुआ चमत्कारे कम कर कइ, होर तेन्हि केआं भोई सकियेल त परमेश्वरे चुणो तेन्हि बि विश्वास केआं उलाठ नेणे कोशिश कते।

यूहन्ना 14:6

यीशु तस जे बोलु, “बथ, सच्चाई त जीवन अउंए भो; मोउं बजन कोई बि बोउ केईं पूज ना सकता।

प्रतिनिधि 13:10

“ए शैताने कोईया! तु जे सोब कपट त बुराई बइ भरिए असा त धरमे बैरी असा, कि तु प्रभु सच्ची बथ कैनी-बोरी करीण न छता ना?

प्रतिनिधि 14:2

पर जेन्हि यहूदी मेह्‍णु विश्वास ना किआ, तेन्हि गैर यहूदी मेह्‍णु उकसाए त तेन्के मन अन्तर अपु विश्वासी भाई भेणि के खिलाफ जेहेर मिआई छड़ा।

प्रतिनिधि 16:17

से पौलुसे त हें पता एई कइ जोरी जोरी हक देण लगी, “ए मेह्‍णु सर्व शक्तिमान परमेश्वरे सेवक भिन्थ, जे तुसी जे बचणे बती बारे बतान्ते।”

प्रतिनिधि 18:26

से अराधनालय अन्तर नडर भोई कइ बोलुण लगा। पर प्रिस्किल्ला त अक्विला तसे बोक शुण कइ तेस अपु गी घिन आए त परमेश्वरे बती बारे से सुसुर सुसुर समझा।

प्रतिनिधि 19:9

पर तठि कुछ मेह्‍णु नकठर भोई कइ विश्वास ना किआ, त मेह्‍णु के समाणि एस बत जे भलु बुरु बोलुण लगे। त पौलुस तेन्हि छड़ दी कइ अपु विश्वासी बखरे कइ छड़े। तोउं से रोज तुरत्रुस नओएं यक बोडी भखेरी अन्तर परमेश्वरे बारे बोक विचार कता रिहा।

प्रतिनिधि 22:4

अउं एस ‘बत’ खतम करण जे यीशु बोक मानणे बाड़ी सुआ भुंजान्‍ताथ। तेन्के मड़दी त जिल्हाणु बन्हि बन्हि कइ जेहेल अन्तर छताथ।

प्रतिनिधि 24:14

पर अउं तें समाणि ई जरूर मान छता कि जेस ‘यीशु बत’ ए झूठा दल बोते, तसे रीत जोई अउं अपु पितरी के परमेश्वरे सेवा कता; होर जे जे नियम त भविष्य वक्ती के लिखो बोकी के हेसाब जोई असी, तेन्हि सोबी पुठ पूरे मन जोई विश्वास कता।

रोमी 2:24

किस कि धरमे कताब अन्तर लिखो असु कि “तुं बझई जोई ईं गैर यहूदी मेह्‍णु परमेश्वरे बेज्जती करण लगो असे।”

1 तिमुथि 5:14

तोउं त अउं इ चहन्ता कि जे जवान विधवा असी, से होरा ब्याह करे। तेन्हि गभुर जमाणण त गीहे ख्याल रखण लौता, ताकि मसीहे केसे दुश्माण असी बदनाम करणे मौका ना मेईंयाल।

तीतुस 2:5

त समोझि कइ गीहे कम-काज करे त शुचा बिशे, दाह करे त अपु धाणि वश अन्तर बिशे, जेसे बेलि परमेश्वरे वचने कोई बुराई ना कइ बटियाल।

तीतुस 2:8

त ईं अब्बल बोक मेओ लौती कि कोई तसे चाथि ना कइ बटियेल; तोउं जे हें खिलाफ असे से लजिन्ते, किस कि तेन्हि हें बारे बुरु बोलुण जे कुछ ना मेतु।

1 पतरस 2:12

होरे परमेश्वर ना मानणे बाड़े मेह्‍णु के बुच तुं चाल चलण ईं खरा लौता भो कि जेन्हि जेन्हि बोकी अन्तर से तुसी कुकर्मी मान कइ बदनाम कते, से तुं खरे कम हेर कइ परमेश्वरे एणे रोज तसे गुणगान करियेल।

2 पतरस 2:12

पर ए मेह्‍णु बेअक्ले जानवर के ईं असे, जे सद मेह्‍णु के बेलि टेईंण त खतम भुण जे पैदा भो असे, होर जेन्हि बोकी के बारे ए जाणते ई नउ, तेन्के बारे होरी जे भलु बुरु बोते। परमेश्वर एन्हि खतम कइ छता, जीं मेह्‍णु जंगली जानवरी मारते।

2 पतरस 2:15

से सच्चाई बथ छड़ कइ मुकणे बथ पुठ हंटण लगो असे, जीं बओरे कुआ बालाम भविष्य वक्ता हंटो थिआ। तस बुराई कर कइ कमाण ट्यारु लगो थिउ।

2 पतरस 2:18

से बेमतलब घमण्डे बोके त गलत कमी के बेलिए तेन्हि मेह्‍णु जिसमे बुरी इच्छाई अन्तर फसाई छते, जे बिचारे होता पापे कमी केआं सुधरुण लगो असे।

2 पतरस 2:21

किस कि तेन्के लिए धरमे बथ जाण कइ परमेश्वरे दुतो शुची निआंग ना मनण केआं खरी थी कि तेस केआं बिलकुल ईं अणजाण भुन्तेथ।

2 पतरस 2:7

तेन्हि बिचा सिर्फ यक धर्मी मेह्‍णु लूत बचाई छड़ा, जे दुष्ट के चाल चलण हेर कइ दुखी थिआ।

यहूदा 1:10

पर ए मेह्‍णु तेन्हि सोबी जे भलु बुरु बोते, जेन्के बारे से कुछ ना जाणते। होर जानवरी के ईं सभाव केईआं जेन्हि बोकी जाणते, तसे बेलि अपु अपफ खतम कते।

यहूदा 1:15

कि सोबी के न्याय करियाल। होर से तेन्हि सोबी जेईं दोषी बणाल जे भक्ति ना कते, जे बुरे कम कते, होर जेन्हि तसे खिलाफ नकठर बोके किओ असी।”

यहूदा 1:4

किस कि ईं केहि मेह्‍णु मठे नियोक कइ तुसी बुच एई गो असे, जे परमेश्वरे भक्ति ना कते त हें परमेश्वरे कृपादृष्टि यक मखोल ईं समझ कइ लूचियाम कते। होर त होर, ए हें यके मालिक त प्रभु यीशु मसीह बि ना मानते। परमेश्वर एन्हि की सज्जा देन्ता तसे बारे सुआ टेम केआं पेहलाई धरमे कताब अन्तर लिख छो असु।

यहूदा 1:7

तिहांणि सदोम, अमोरा त तसे औत-कोती बइ शेहरे मेह्‍णु बि सुआ बुरा बर्ताव किआ त मड़द मड़द बुछ त जिल्हाणु जिल्हाणु बुछ नाजायज रिश्ते रख कइ लूचियाम किउ। तेन्हि बि परमेश्वरे अमर आगी सज्जा दिती कि से सोबी जे यक नमूना बणियेल।

प्र. बोके 12:9

तोउं से बोडा राकस धरती पुठ फटाई छड़ा। ए सेईंए पुराणा कीड़ा भो, जे बुराई करणे बाड़ा त शैतान बोलिन्ता, जे पूरा मतोक भरमान्ता। तेस जोई तसे दूत बि साते फटाई छड़े।

प्र. बोके 13:14

तेन्हि निशाणी के बझई जोई, जेन्हि तेस जानवरे सम्हाणि हरालणे हक थिआ, से धरती पुठ बिशणे बाड़ी भरमान्ता। होर तेन्हि जे बोता कि तेस जानवरे मुर्ति बणाए, जे तलवारे खतरनाक चोट लगण केआं पता बि बच गा।

प्र. बोके 13:8

धरती पुठि से सोब बिशणे बाड़े, जेन्के नओं जीवने कताब अन्तर ना लिखिए तेस जानवरे पूजा कते। पर जेन्के नओं तेस जीवने कताब अन्तर भुमणे शुरु केआं पेहलाई लिखो थिउ, से तेस जानवरे पूजा ना कते। से कताब यीशु भो, जे यक भकत चढ़ो किएऊ ईं असा।